Vrou Soek Boer
- Vir die TV-reeks, sien Boer soek ‘n vrou.
Vrou soek boer is ’n Afrikaanse rolprent wat op 7 Maart 2014 in Suid-Afrika vrygestel is.[1] Die hoofrolle word deur Lika Berning, Bok van Blerk, en Nico Panagio vertolk. Die prent speel in Mpumalanga af en is ook in en om Wakkerstroom verfilm. Dit het ongeveer R5 400 000 gekos om te vervaardig.
| Vrou Soek Boer | |
|---|---|
| Regisseur | Maynard Kraak |
| Produksieleier | Maynard Kraak |
| Draaiboek | Jacomien Bezuidenhout |
| Met | Lika Berning Bok van Blerk Nico Panagio |
| Musiek deur | Kevin Kraak |
| Kinematografie | Justus de Jager |
| Redigeerder | Layla Swart |
| Ateljee | West Five Films |
| Verspreider | NuMetro |
| Uitgereik | 7 Maart 2014 |
| Land | Suid-Afrika |
| Taal | Afrikaans |
| IMDb-profiel | |
Genre
wysigDie rolprent is ’n romantiese komedie. Die ouderdomsperk is OL (ouerleiding), T (taal). Die film se slagspreuk is: Mens se baksels proe altyd beter as jy verlief is.
Hoofrolspelers
wysig- Lika Berning as Mareike
- Nico Panagio as Neil
- Bok van Blerk as Stander
- Nicole Bailey as ontvangsdame
- Martin Bester as Tim
- Gretha Brazelle as Ingrid
- Dylan Britz as Willem
- Charlene Brouwer as Susan
- Rowan Cloete as Gert
- Carel Du Plessis as Karel
- Morne du Toit as Schalk
- Anthony Fridjhon as Oom Fritz
- Anrich Herbst as Rudi
- Henk Hugo as Oom Japie
- Tiaan Kelderman as Ewald
- Gideon Le Roux as Robbie
- Andre Odendaal as Prokureur
- Almarida Reynecke as Marie
- Hennie Smit as Oom Flip
- Lindie Stander as Kobus
- Julie Strijdom as Tannie Olga
- Hugo Taljaard as Grys Man
- Marga van Rooy as Tannie Bettie
Storielyn
wysigMareike is 'n stadsmeisie wat suksesvol is in haar veeleisende beroep. Haar liefdeslewe laat egter veel te wense oor. Ná 'n onderonsie met haar baas, verruil sy die stad vir die platteland om 'n bakkery oor te neem wat sy geërf het. Haar nuwe lewe hou meer in as wat sy kon indink. Buiten dat sy haar snyerspakkies vir ’n voorskoot moet verruil, begin die poppe dans wanneer sy tussen Meneer Aantreklik en Meneer Reg moet kies.
Die frustrasie oor haar onvermoë voor die bakoond in die bakkery word vererger wanneer sy gereeld in Neil, 'n boer van Wakkerstroom, bly vasloop. Ná ’n heel paar rampspoedige afsprake met mans in die omgewing ontmoet sy vir Stander wat glo Mareike is die vrou vir hom. Maar is Stander die man vir haar of gaan sy en Neil hulle aanvanklike irritasie met mekaar vir iets meer kan verruil?
Verwysings
wysig- ↑ Van Nierop, Leon (7 Maart 2014). "Movie Review: Vrou soek boer". The Citizen. Besoek op 3 Oktober 2020.