Balk-rubberlip

Die Balk-rubberlip (Plectorhinchus plagiodesmus) is 'n vis wat voorkom in die westelike Indiese Oseaan; aan die ooskus van Afrika vanaf Somalië suidwaarts tot by die noorde van KwaZulu-Natal asook Madagaskar. In Engels staan die vis bekend as die Barred rubberlip.

Balk-rubberlip
Bewaringstatus
Veilig (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Haemulidae
Genus:	Plectorhinchus (Lacepède, 1801)
Spesie:	P. plagiodesmus
Binomiale naam
Plectorhinchus plagiodesmus Fowler, 1935
Sinonieme
Gaterin plagiodesmus Pseudopristipoma plagiodesmus

Identifikasie

Die vis word tot 90 cm lank en is een van die grootste visse van die rubberlip familie. Die vis is donkergrys tot bruin van kleur. Daar is breë swart en oranje vertikale strepe oor die lyf. Die lippe is groot en geel of oranje. Die oranje strepe verdwyn met tyd.

Die visse leef in tropiese strandmere, wortelboom areas en aflandige koraalriwwe in water wat 2 tot 25 m diep is. Hulle is alleenlopers maar kan ook in klein groepies voorkom. Die vis vreet klein vissies en bodemongewerweldes gedurende die dag.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• Plectorhinchus plagiodesmus by Fishbase.

• Wikimedia Commons het meer media in die kategorie Balk-rubberlip.