Moeras-ghieliemientjie

Die Moeras-ghieliemientjie (Barbus paludinosus) is 'n varswater vis wat wyd verspreid voorkom. Hulle kom voor in riviere aan die ooskus van Afrika vanaf Oos-Afrika tot by Vungurivier in KwaZulu-Natal. Hulle kom ook voor in die suidelike sytakke van die Kongorivier asook alle riviere aan die weskus van Afrika vanaf die Quanzarivier in Angola tot by die Oranjerivier. Die vis staan ook bekend as die lynvin-ghieliemientjie en in Engels staan die vis bekend as Straightfin barb.

Moeras-ghieliemientjie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Barbus
Spesie:	B. paludinosus
Binomiale naam
Barbus paludinosus W. K. H. Peters, 1852
Sinonieme
Sien teks.

Voorkoms

Die vis is olyf-grys of silwerig van kleur en 'n dun sylyn is soms sigbaar. Die kop is gepunt met twee pare baarde om die bek. Die vis word tot 150 mm lank en die wyfies word oor die algemeen groter as die mannetjies.

Habitat

Die vis leef in stil water vol plantegroei in mere, moerasse; ook die kante van riviere. Hulle vreet 'n verskeidenheid klein organismes insluitende insekte, klein slakke, ongewerweldes, alge, diatome en detritus. Die wyfie skiet kuit in die plantegroei en die ouer wyfies lê tot 2500 eiers. Die eiers word ook geëet deur roofvisse soos babers, tiervis, baars en voëls.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• http://fishbase.org/summary/Barbus-paludinosus.html