Pylkop-seepvis

Die pylkop-seepvis (Belonoperca chabanaudi) is 'n vis wat voorkom in die Indies-Pasifiese area en aan die ooskus van Afrika van Kenia tot by Sodwanabaai. Dit kom nie voor in die Rooisee of Oman nie. In Engels staan die vis bekend as die Arrowhead soapfish.

Pylkop-seepvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Serranidae
Subfamilie:	Grammistinae
Genus:	Belonoperca
Spesie:	B. chabanaudi
Binomiale naam
Belonoperca chabanaudi Fowler & Bean, 1930

Voorkoms

Die vis se hele lyf is groen blou tot bruin van kleur en bedek met donkerbruin kolletjies. Daar is 'n helder geel vlek aan die bokant van die stertvin se basis en 'n groot swart kol met 'n blou rant op die eerste dorsale vin. Die vis word tot 15 cm groot.

Habitat

Die vis leef in grotte en onder rotsriwwe in water wat 4 – 50 m diep is. Hulle vreet hoofsaaklik klein vissies en skaaldiere. Die vis se vel produseer 'n toksiese slym as 'n afweermiddel, wat die vis 'n slegte smaak gee.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Belonoperca-chabanaudi.html