Bespreking:Akademia

Neutraliteit en objektiwiteit

Met hierdie artikel is Akademia se eie webblaaie gebruik as verwysings wat beteken dat dit nie NEUTRAAL en OBJEKTIEF is nie. Jammer om dit te sê, wat gaan ons doen? Groete! Oesjaar (kontak) 19:50, 22 Oktober 2019 (UTC)

Dis net nugtere gegewens. Geen stappe nodig op hierdie tydstip nie. Voyageur (kontak) 20:25, 22 Oktober 2019 (UTC)

Skakels uit artikel na hul eie webblaaie.

Gemeenskap, die skakels na eie webblaaie bv die graadprogramme is nie aanvaarbaar. Ek het die beginsel net gister met WikimediaZA uitgeklaar. Ek het dit al voorheen verwyder, maar dit is duidelik dat Solidarteit en sy filiale uit is om goedkoop bemarking uit die Afrikaanse Wikipedia te kry. Ek herinner julle weereens: Wikipedia is neutraal teenoor politieke standpunte. Kan die bydraer in lyn kom met ons beleid asb? Groete! Oesjaar (kontak) 15:57, 8 April 2020 (UTC)

My derde keer

Geen neutrale bronne nie, hierdie is eintlik 'n groot bemarking poging... Ek luister... Groete! Oesjaar (kontak) 18:57, 14 Maart 2024 (UTC)

Oesjaar, jammer dat ek jou aangespreek het by die opsomming. Ek begryp jou ontsteltenis oor die neutrale bronne, en het dienooreenkomstig 'n bron bygevoeg anders as Akademia self. Ek is nie betrokke by Solidariteit op enige wyse of enige van hul dogtermaatskappye of filiale nie. Ek wil net die inligting korrek invoeg. Ek hou Akademia se vordering al dop sedert hul ontstaan, en dit is vir my 'n riem onder die hart dat so 'n grootse poging aangewend word om 'n Afrikaanse universiteit van kwaliteit daar te stel, waar daar op 'n stadium geen hoop meer was vir Afrikaans nie. Almal weet hoe gaan dit by die openbare universitiete met ons taal... Nodeloos om te se moet almal hier by die AW seker net soos ek verheug wees oor die vordering wat gemaak word by Akademia (en ook met die Afrikaanse Wikipedia), want dit gaan om die behoud en onwikkeling van ons vuisvoos-geslaande taaltjie. Ek is altyd bereid om my samewerking te gee. Groete, Johannescharlesventer

Johannescharlesventer Akademia en Maroela Media het dieselfde base. Ons was so 6/7 jaar terug in 'n lelike insident met Maroela Media betrokke. Ek was in die middel daarvan en die regsbeginsel is daar bevestig: Wikipedia behoort aan die Wikimedia Stigting in San Francisco en enige ander persoon/organisasie wat op Wikipedia werk aanvaar die Stigting se reëls waarvan een neutraliteit is.

Gestel ons laat enige Afrikaanse regspersoon/organisasie toe om sy eie bronne (wat effektief webblaaie sal wees) te gebruik dan beteken dit dat iemand soos Julius Malema of enige godsdiens groep kan bemark en preek net soos hulle wil... Is dit wat jy wil hê?

Ja, Akademia groei maar dit is net jammer dat hulle die Afrikaanse Wikipedia geen erkenning wil gee nie. Ek het baie moeite die afgelope paar jaar agter die skerms gedoen (sonder vergoeding) om die Afrikaanse Wikipedia te bemark en het 'n horde professors en doktors ontmoet. Van die suksesse is ons verhouding en ooreenkoms met die SAAWK en onder andere prof. Braam van Wyk se ondersteuning. Van die professors en doktors sien ons as kompetisie, hoe groter ons word hoe minder boeke gaan hulle verkoop! Tweedens, hulle skryf net vir geld en wil weet waar hulle naam gaan staan.

Nie alles wat Afrikaans is, is ensiklopedies van aard nie. Elke skrywer wat iets wil publiseer wil ons FB blad gebruik. Dan vra ek hom: hoekom is jy nie geregistreerde gebruiker op die Afrikaanse Wikipedia nie, hoekom skep jy nie artikels nie, gaan jy van die opbrengs van jou boek aan die Stigtig skenk? Normaalweg net stilte en dan verdwyn hulle...

Ek hoop dit help! Groete! Oesjaar (kontak) 20:03, 14 Maart 2024 (UTC)

Dankie vir jou antwoord Oesjaar, ek verstaan en jy opper geldige argumente, maar; betreffende Akademia en Maroela Media wat aan dieselfde sambreelorganisasie behoort, is daar 'n dilemma: met die vyandigheid jeens Afrikaans veral ook in mediahuise soos Naspers (spesifiek die Engelse blad News24 en hul "joernaliste"), sal jy nooit as te nimmer 'n artikel sien oor 'n nuwe graadprogram aan Akademia nie, hetsy weens 'n gebrek aan belangstelling, ongeërgdheid of politieke oorwegings; hoe bewonderenswaardig die nuus vir die Afrikaanse gemeenskap dan ook is.

Hoe nou gemaak? Bring jy die nodige en akkurate wysigings aan sonder die enigste eksterne bron wat bestaan, MM, is dit hoorsê en ongestaaf en ryp vir skrapping of 'n terugrol. Voeg jy ter nouernood MM maar uiteindelik by as bron vir die wysiging, word die argument geopper dat die bron in werklikheid nie neutraal is nie weens die feit dat MM aan Solidariteit as sambreelorganisasie gebonde is. Verder, Maroela Media is, uitgesluit 'n instansie soos die Afrikaanse Nuus24, wat in elk geval agter 'n betaalmuur sit en behoort aan Naspers, is die enigste gratis Afrikaanse nuuswebblad. Hoe gaan jy bv. Nuus24 as bron gebruik sonder dat jy intekenaar is, synde dit agter 'n betaalmuur sit? Hoe gemaak as jy bloot maar net akkurate inligting omtrent die Afrikaanse hoëronderwysinstelling Akademia, wat maar net eenvoudige, nugtere gegewens is, wil aanbring op Wikipedia? Sekerlik is Akademia, net soos die duisende ander universiteite waaroor daar artikels op Wikipedia bestaan, ook geregtig op sy eie artikel. Ek reken, in die lig van bg. argumente, dat daar, betreffende die artikel oor Akademia en wysigings en bronne gebruik, 'n genuanseerde benadering toegepas moet word. Die wêreld is vandag baie klein: Annelise de Vries, 'n taalkundige en dosent aan Akademia se departement Taal- en Kultuurstudies, is bv. ook lid van die SAAWK se Taalkommissie. En Akademia is nie gemoeid met die politiek van Solidariteit nie, maar met die privaat universiteitswese, nieteenstaande die universiteit se ideologiese begronding. Elke instelling het tog per slot van sake 'n ideologiese begronding, en dit staan jou vry as mens en student om te kies tussen die verskeie aanbiedinge wat daar is.

Ek dink my argumente is die lees werd en sal dit waardeer indien jy daarop kan terugvoering gee, indien dit nie te veel van jou tyd in beslag sal neem nie, synde die hoofwerk van die AW die daarstelling, ontwikkeling en uitbreiding van sy artikels is. Groete. Johannescharlesventer (kontak)

@Oesjaar: @Johannescharlesventer:, ek het solank probeer om neutrale bronne te vind. Dit is maar moeilik. Sien maar gerus die bronne, en gebruik hulle soos wat julle wil:

• https://mybroadband.co.za/news/technology/415162-private-afrikaans-university-akademia-to-offer-tech-degrees.html
• https://www.bfnafrkultuur.org.za/index.php/component/k2/item/50-akademia-universiteit
• https://afrikaans.com/leerhulp/beurse-befondsing-en-studielenings/
• https://www.landbou.com/landbou/nuus/akademia-smee-bande-in-europa-vir-landbougraad-20230203
• https://universities.co.za/places/akademia/

Groete. - Rooiratel (kontak) 19:18, 15 Maart 2024 (UTC)

@Oesjaar: @Rooiratel:, Hi Rooiratel, baie dankie vir jou moeite en harde werk, ek sal beslis van hierdie bronne gebruik maak as die artikel weer gewysig moet word. Dis nie dat ek lui is om die bronne te soek nie, maar soms kry jy dit net nie. (ek gebruik Yandex se soekenjin en soms Brave as webblaaier met DuckDuckGo as soekenjin. Ek dink nie hul uitslae is so volledig soos Google s'n nie). Groete! - Johannescharlesventer (kontak)

Ek het DuckDuckGo gebruik om die bronne te vind. Google is een van die slegste, maar ek gebruik dit as 'n laaste opsie. Wat baie gehelp het is om die volgende te gebruik as 'n soek term:

akademia universiteit -site:akademia.ac.za

Dit beteken haal enige resultaat op "akademia.ac.za" uit die resultate. Google kon dit jare terug doen, maar nou is hulle vrotsleg. Dit werk darem nog op DuckDuckGo.

Ander soekenjins wat interessant is : search.marginalia.nu en kagi.com

Ek hoop dit kan dalk in die toekoms help. - Rooiratel (kontak) 19:47, 15 Maart 2024 (UTC)

Kyk ook die soekterm site:litnet.co.za akademia op Duck Duck Go. – Pynappel (kontak) 20:08, 15 Maart 2024 (UTC)