Bespreking:Vrou Soek Boer

Hooflettergebruik in titels

@Burgert Behr:, ek sien Gebruiker:Aliwal2012 het die titel terug verander na een waar elke woord met 'n aanvangshoofletter geskryf word. Ek het onlangs begin om titels te verander sodat slegs die eerste woord en enige eiename in die titel met aanvangshoofletters geskryf word. Die laaste keer wat ek die AWS hieroor geraadpleeg het, kon ek nie 'n riglyn hieroor vind nie. Ek het ook vir Viva op Facebook geraadpleeg en hulle kon nie vir my 'n antwoord gee nie. Ek het wel hierdie riglyn vir Nederlands opgespoor. Let wel: volgens lg. kry slegs die eerste woord van selfs titels in ander tale (bv. Engels) 'n aanvangshoofletter. Persoonlik is ek ten gunste van hierdie riglyn, aangesien lukrake hoofletters in titels vir my slordig voorkom, maar vir my is konsekwentyd die belangrikste, en op die oomblik gebruik hierdie ensiklopedie beide style en ek sou dit waardeer indien ons op een styl sou kon besluit wat konsekwent toegepas word. Ek sou dit dus waardeer indien die taalkundiges onder ons ook hulle insette sou lewer sodat ons uitsluitsel kan kry. CC @Geebee100, Suidpunt, en JMK: – K175 (skil 'n appeltjie) 06:52, 10 Oktober 2020 (UTC)

Let wel, vir hierdie spesifieke titel gebruik Leon van Nierop die Nederlandse styl: [1] – K175 (skil 'n appeltjie) 06:53, 10 Oktober 2020 (UTC)

Ek is nie nou by my AWS nie, maar ek dink iewers word wel melding gemaak dat slegs die aanvangswoord en eienaamwoorde met hoofletters geskryf word. In die voorwoord van die AWS sal jy byvoorbeeld oral sien: Afrikaanse woordelys en spelreëls. Geebee100 (kontak) 15:13, 10 Oktober 2020 (UTC)

Die styl hang af van die publikasie. Ek dink nie dis nodig om hoofletters te gebruik as die naam in kursief is nie, want dis duidelik genoeg wat die hele titel is. ~ Burgert (kontak) 18:35, 11 Oktober 2020 (UTC)

Het nie die wysheid in pag hieroor nie, maar die drie hoofletters lyk vir my reg, soos ook by "Boer Soek 'n Vrou". Dit kan ook wees "Pad Na Jou Hart", en die skuinsdruk vir kommersiële titels lyk ook reg. Ons sal tog nie "Die burger" sê, of "Suid-afrika" nie. Dit hoef ook nie presies te wees soos die aanbieders dit weergee nie, want dan moet ons skryf "VROUsoekBOER". Die Woordelys & Spelreëls gee op p.18 , 10de uitgawe, "Kongres van Tradisionele Leiers in Suid-Afrika", "Kaaplandse Raad vir Uitvoerende Kunste", "Pan-Suid-Afrikaanse Taalraad", want dis almal titels. Dis seker ook hoekom ons BMW en KWV skryf, eerder as Bmw en Kwv, maar daar is wel 'n paar wisselvorme soos KRUIK / Kruik. Wat vanne betref sou ek ook onderskeid tref tussen 'n van as titel, soos Van Riebeeck-Vereniging / Van Riebeeck-vereniging as titels, maar alleenstaande, of selfs as 'n opskrif (in stede van titel) is ek tevrede met "van Riebeeck". Die hoofletter is tog in die "R", net soos uMgungundlovu se hoofletter in die "M" is. JMK (kontak) 09:28, 19 Oktober 2020 (UTC)