Geebee100

Hallo Geebee100, hartlik welkom op die Afrikaanse Wikipedia! Message in English Bericht in het Nederlands Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie. Die Afrikaanse Wikipedia bestaan al sedert Desember 2001 en bevat reeds 120 048 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor 'n mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud. ___ Verifieerbaarheid Die eerste van Wikipedia se drie kernbeleide ___ Geselshoekie Die gewilde bymekaarkomplek ___ Geen oorspronklike navorsing Die tweede van Wikipedia se drie kernbeleide ___ Sandput Eksperimenteer na hartelus ___ Neutrale standpunt Die derde van Wikipedia se drie kernbeleide ___ Redigeringsinstruksies Hoe maak ek: teks wat skuinsgedruk is? ’n opskrif? tabelle? ___ Wat Wikipedia nie is nie Daar is ook ’n paar dinge wat ons nié hier doen nie ___ Beelde As jy beelde wil oplaai ___ Beleefdheid Ken jou maniere ___ Wenke vir die skryf van ’n goeie artikel Soms sê die naam alles Hierdie bladsy, wat nou op jou skerm vertoon word, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap gestuur is. Kliek dan laastens op "Publiseer wysigings" om enige bewerkings te stoor.

Jcwf (kontak) 01:51, 13 Mei 2011 (UTC)

Welkom

Hallo Geebee, baie welkom hier en dankie vir die byvoegings tot Taalkommissie, veral die foto! laurens 19:05, 24 Maart 2008 (UTC)

Hallo Geebee, zou jij me een genoegen willen doen en Kabilies nakijken op neerlandismen enz? Jcwf (kontak) 02:26, 4 Oktober 2009 (UTC)

Baie dankie! Jcwf (kontak) 03:55, 4 Oktober 2009 (UTC)

Antipon

Geebee, in die gedig Vet van A.G. Visser word die woord Antipon gebruik! Wat is Antipon? Groete! Oesjaar

Piste

Sien asb. bespreking by Bespreking:Piste. K175 (bespreking | bydraes) 12:29, 23 Mei 2018 (UTC)

Afrikaanse seedier- en plantname

Gerhard, sien die bespreking oor bogenoemde in Geselshoekie. Enige bydraes sal waardeer word. Groete! Oesjaar (kontak) 10:16, 21 Januarie 2016 (UTC)

Geldeenhede

Baie dankie vir jou verbeteringe by die amptelike benamings van al die lande. Maar ek het opmerkings vir die geldeenhede:

• Daar is nie 'n "Europese euro" nie, ek het net euros in my beursie.
• Die "<nowiki>" soos by Mianmar is onnodig, geldeenhede kort net 'n skakel van die amptelike benaming en met die kortnaam agter die "|", dus Kyat.
• Die geldeenheid se kenteken is nie deel van die skakel nie, dit kom net daaragter, dus Won (₩).
• Die CFA-frank omvat twee geldeenhede, naamlik die Wes-Afrikaanse CFA-frank en die Sentraal-Afrikaanse CFA-frank. "CFA-frank" is by albei deel van die amptelike naam.
• As 'n land die geldeenheid van 'n ander land gebruik, soos Ecuador die Amerikaanse dollar, kan die geldeenheid se naam volledig in die inligtingskas verskyn. By 'n land wat sy eie geldeenheid gebruik, soos Kanada, kan net Dollar in die inligtingskas verskyn daarmee dit nie wyer as wat nodig is nie. Ons lesers sien by een kliek wat gaan aan.

Al die dinge maak die inligtingskasse gelykmatig en skraal. Groete. -- JCIV (Besprekings | Bydraes) 12:30, 29 Julie 2016 (UTC)

Baie dankie - ons maak so! Geebee100 (kontak) 12:42, 29 Julie 2016 (UTC)

Schwa

Ek dink dat ek alle sjwa's nou in schwa's verander heb. Jcwf (kontak) 03:49, 19 November 2016 (UTC)

Dankie! Geebee100 (kontak) 05:22, 19 November 2016 (UTC)

Minerale

Gerhard, ons het julle hulp nodig, sien https://af.wikipedia.org/wiki/Wikipedia:Geselshoekie/Taalforum by minerale. Jaap het 'n merske klomp minerale artikels geskep maar die Afr name is 'n uitdaging! Kan julle dalk help? Groete! Oesjaar (kontak) 18:39, 21 Julie 2017 (UTC)

Is dit moontlik om dalk vir my 'n lys van die terme te stuur (met Engels dalk daarby)? Dan kan ek kyk of ons kan help om dit te versorg.

Hallo Geebee100, Ek het geprobeer om al die minerale op lys van minerale by te voeg en die verwysing na mindat wat die Engelse -en soms anderse- name gee staan daarby.

Baie dankie vir die reaksie.

Jaap Jcwf (kontak) 02:41, 22 Julie 2017 (UTC)

Ek maak werk van die saak.

Geebee100 (kontak) 04:21, 22 Julie 2017 (UTC)

Ek het veranderinge aangebring. Kyk die bespreking by https://af.wikipedia.org/wiki/Wikipedia:Geselshoekie/Taalforum by minerale.

Geebee100 (kontak) 03:42, 23 Julie 2017 (UTC)

Baie dankie Geebee! Jcwf (kontak) 03:54, 23 Julie 2017 (UTC)

Vliegtuigvlerk terminologie.

Gerhard: sien Vlerk (lugvaart). Hoe korrek is daardie vertalings? Groete! Oesjaar (kontak) 19:25, 12 Desember 2017 (UTC)

Ek het kleiner wysigings aangebring

Mantis shrimps

Geluk met jou herverkiesing as Voorsitter van die Taalkommissie! Wat sal bogenoemde in Afrikaans wees? Of gaan die Wiki nog 'n nuwe naam skep? Groete! Oesjaar (kontak) 17:38, 6 Maart 2018 (UTC).

Ná vele oorwegings en gesprekke met kollegas, sou ek tog "mantisgarnaal" wou voorstel (eerder as "hottentotsgotgarnaal" wat tans op die Wikipediabladsy gebruik word). Motivering: (1) Oseanologiewoordeboek gee by "mantis shrimp" slegs "stomatopod" as Afrikaanse vertaling; dit is om verstaanbare redes dalk nie 'n bevredigende vertaling nie, aangesien dit ook terselfdertyd die orde benoem; (2) "Hottentot" of "hotnot" word allerweë as kwetsend beskou, en 'n mens sou daarom 'n sterk saak kon uitmaak om nie nog 'n volksbenaming te skep wat dié woordelemente bevat nie; (3) Die Taalkommissie het "bidsprinkaan" in die 2017-AWS opgeneem, en 'n mens sou dalk eerder "bidsprinkhaangarnaal" kon oorweeg, maar ek vind dit persoonlik 'n bietjie gedronge - maar dit sou 'n moontlikheid kon wees; (4) Pharos se groot, swart A-E/E-A woordeboek dui "mantis" as een van die vertaalmoontlikhede van die Engelse "mantis" aan. Dit word ook bevestig deur die AWS en WAT. "Mantis" is só gesien 'n Griekse leenwoord wat 'profeet' beteken. Teen hierdie agtergrond sou 'n mens dus 'n saak kon uitmaak vir "mantisgarnaal". Ek sal dié term ook aan die Taalkommissie voorstel vir oorweging vir opname. Groetnis Gerhard (kontak)

Baie dankie vir die bydrae. Hierdie is nou waarlik 'n gemeenskaps poging! Groete! Oesjaar (kontak) 11:13, 11 Maart 2018 (UTC)

Achelata (Stekelrige krewe)

Gerhard, ek soek weereens raad! Ek het die artikel Achelata geskep. In Engels staan die seediere bekend as die Spiny Lobsters en ek het dit vertaal as Stekelrige krewe. Kyk asb 'n bietjie en gee raad... Groete! Oesjaar (kontak) 17:09, 11 April 2018 (UTC)

NS. Sien Ooskuskreef waar ek verwys na stekel kreef. Jou kommentaar asb?

Jammer dat ek so lank neem om te antwoord, want ek is tans met langerige verlof; ek het daarom helaas ook nie veranderinge aan bladsye aangebring nie.

* Oor Achelata:

** Ek sou dit sonder meer as Stekelkrewe vertaal. Die verstek in Afrikaans is om 'n naamwoord+naamwoord-benaming (stekel+kreef) te skep, eerder as 'n byvoeglike naamwoord + naamwoord (stekelrige kreef). Daar is natuurlik niks verkeerd met laasgenoemde nie, maar eersgenoemde is eintlik die verstek (onderhewig aan verdere taalkundenavorsing).

** Met die oog op die taksoboks aan die regterkant: Oorweeg om (soos op die Nederlandse blaaie) die Afrikaans naas die Latyn aan te bied. Dan word:

*** Animalia (Diere)

*** Arthropoda (Geleedpotiges)

*** Crustacea (Kreefagtiges/Krustaseë)

*** Malacostraca (Hoër Kreefagtiges)

*** Decapoda (Tienpotiges)

*** Pleocyemata [nog geen Afr. nie]

*** Achelata (Stekelkrewe)

*** Palinuridae [nog geen Afr. nie]

*** ens.

* Oor Ooskuskreef:

** Onthou dat ingevolge AWS 9.7 word die gewone name van diere en plante met kleinletters geskryf, selfs al is die eerste element van die samestelling 'n geografiese eienaam. Dus: zambezihaai (nié *Zambezihaai nie) en ooskuskreef (nié *Ooskuskreef nie). Ek het dit reeds reggemaak op die bladsy.

** Onthou dat ingevolge AWS 9.8 word begin genusname en hoër klassifikasies tradisioneel met ʼn hoofletter, terwyl spesiename en laer klassifikasies met ʼn kleinletter begin. So gesien moet ons dus Stekelkrewe en nie *stekelkrewe nie skryf. Ek het dit ook reeds op dié bladsy reggemaak.

Hoop dit help! Groete, Gerhard (kontak) 06:28, 22 April 2018

Dankie Gerhard! Groete! Oesjaar (kontak) 05:46, 15 Mei 2018 (UTC)

Geebee

Is U dieselfde gebruiker as Gebruiker:Geebee? Rooiratel (kontak) 12:41, 23 Mei 2018 (UTC)

Hallo Rooiratel. Ja, dit is inderdaad ek! Ek het nie eers geweet van die profiel nie. Kan die twee profiele gekombineer word? Weet jy dalk hoe? Ek gebruik slegs hierdie ene {geebee100}. Groetnis Geebee100

Hallo Geebee100, dankie. Ek dog so, maar ek wou net seker wees. Ek weet nie hoe om dit te doen nie. Rooiratel (kontak) 18:57, 3 Junie 2018 (UTC)

Versmelting Uitgevoer --Aliwal2012 (kontak) 10:49, 24 Junie 2018 (UTC)

Baie dankie, Aliwal2012! (Geebee100 07:02, 25 Junie 2018 (UTC)

Slug

Gerhard, is die Engelse woord slug naakslak in Afrikaans? Slug is slakke sonder doppe. Groete! Oesjaar (kontak) 13:14, 14 Julie 2018 (UTC)

En terwyl ek jou op die lyn het... wat is 'n rhinophore in Afrikaans? Groete! Oesjaar (kontak) 14:46, 15 Julie 2018 (UTC)

Sien ook - https://af.wikipedia.org/wiki/Gebruikerbespreking:Suidpunt#Lokalisering_van_Wikispesies_in_Geselshoekie Dit is jou tipe situasies... Groete! Oesjaar (kontak) 20:14, 16 Julie 2018 (UTC)

Hallo Oesjaar,

Slug = naakslak (ook soms naakte slak). LET OP: sea slug = seeslak (en nié iets soos *seenaakslak nie).

Rhinophore = rinofoor (mv. rinofore) (bron: Afrikaanse woordelys en spelreëls)

Hoop dit help! Geebee100 Geebee100 (kontak) 08:15, 18 Julie 2018 (UTC)

Dankie, nou weet ek! Goeie voorbeeld van spanwerk! Oesjaar (kontak) 08:49, 18 Julie 2018 (UTC)

nl:Lijst van geografische namen en afgeleiden

Kan jy of een van jou studente dalk skouer aan wiel sit deur bg. lys te vertaal a.u.b.? K175 (bespreking | bydraes) 21:33, 21 Julie 2018 (UTC)

CC @Gebruiker:Suidpunt K175 (bespreking | bydraes) 21:35, 21 Julie 2018 (UTC)

Engelse flaps vs flap of klap!

Gerhard, ek vertrou dit gaan goed! Ek spartel nou al amper twee jaar om al die vliegtuie en vlieg dinge geskep te kry hier op ons Wiki. Tyd bly maar altyd 'n uitdaging. Het jou artikel oor pylvak geniet in die koerant. Die Engelse woord flap, wat aan 'n vliegtuig se vlerk is het ek vertaal as flap maar kom nou agter dat ons woordeboeke klap gebruik! Dit was nogal 'n skok vir my dat ek so 'n blatante Anglisisme kan gebruik! Kan jy asb lig werp oor flap vs klap? Groete! Oesjaar (kontak) 06:24, 14 Oktober 2018 (UTC)

@Oesjaar: Eerlik is eerlik, ek sou die fout ook maklik begaan het. As ek kyk hoe die WAT die saak beskou, dan is 'n "flap" byna van sagter materiaal gemaak (maar nie altyd nie), terwyl 'n klap harder en groter is, dikwels ook aan 'n skarnier vas. Inderdaad iets interessants om 'n bietjie verder navorsing oor te doen, dankie! Geebee100 (kontak) 13:07, 29 November 2018 (UTC)

Afrikaans: Sien besprekingsblad

Gerhard, beste wense vir 2019! Sien https://af.wikipedia.org/wiki/Bespreking:Afrikaans Ek sal jou insae hier waardeer asb! Groete! Oesjaar (kontak) 10:39, 14 Januarie 2019 (UTC)

Hallo Deon. Alles wat mooi is vir jou ook vir die jaar! Ek het die bespreking daar gelees en besluit om my te weerhou van daardie gesprekkie. Die gebruiker wat daar die sweep klap, is oorbekend vir sy oningeligte, aggressiewe en regse standpunte, en dat hy na geen rede of ander argumente wil of kan luister nie. Hy het boonop 'n onverbitterde haat teenoor akademici, of enigiemand of -iets wat ruik na navorsing. Nee wat, ek sal maar net getrou die artikel oor Afrikaans dophou en daar die veranderinge aanbring ... Hoop jy verstaan! Groetnis, Geebee100 (kontak) 04:29, 15 Januarie 2019 (UTC)

Swept wings

Gerhard, in Engels staan vliegtuie met skuins vlerke se vlerke bekend as swept wings. Op die een of ander manier het die Wiki gemeenskap die woord swiepvlerke gebruik daarvoor. Swiep is 'n Afrikaanse woord en beteken kragtig gebuig. Het ons 'n nuwe Afrikaanse woord geskep? En wonder net... Groete! Oesjaar (kontak) 18:17, 13 Februarie 2019 (UTC)

Skryfweek Maandag, 23 September 2019 – Sondag, 29 September 2019

Hallo, Geebee100, onthou asb. om onderwerpe te nomineer vir volgende week se skryfweek! Namibië loop tans voor, met Indonesië in die tweede plek! – K175 (gesels met my | my bydraes) 17:01, 22 September 2019 (UTC)

Goed om jou hier te sien!

Welkom terug! Groete! Oesjaar (kontak) 16:54, 25 Julie 2022 (UTC)

Alexander County, Noord-Carolina‎

Gerhard, hoe moet die naam dan in Afrikaans lees: Alexander Distrik? Groete! Oesjaar (kontak) 05:56, 12 Januarie 2023 (UTC)

Dit sal Alexander County bly, maar 'n mens sal daarna verwys as 'n distrik (net soos wat New York so bly, maar 'n mens verwys daarna as 'n stad). Geebee100 (kontak) 06:48, 12 Januarie 2023 (UTC)

Bespreking:Sorosilikaat

Gerhard, sien die gesprek oor die vertaling van die woord energetically favored. Hier is vir julle so bietjie van 'n uitdaging! Groete! Oesjaar (kontak) 17:23, 30 Julie 2023 (UTC)

GFDL

Why GFDL is not a good license for media files

Hello! You have uploaded some files licensed GFDL with disclaimers (Onderhewig aan vrywarings). You can see the files clicking this link. Disclaimers is not considered to be a good thing per en:Wikipedia:GFDL standardization. So if you are the copyright holder please consider to remove the disclaimers (Change the license template from GFDL-with-disclaimers to GFDL).

GFDL is generally not a good license for photos etc. so if the files are not already dual licensed with cc-by-sa-3.0 or 4.0 please also consider to add cc-by-sa-4.0. MGA73 (kontak) 15:31, 4 Oktober 2024 (UTC)

Done :-) Geebee100 (kontak) 07:30, 2 November 2024 (UTC)

Thank you! --MGA73 (kontak) 15:58, 2 November 2024 (UTC)