Blouband-doktervis

Die Blouband-doktervis (Acanthurus lineatus) is 'n vis wat wydverspreid voorkom in die Stille Oseaan en Indiese Oseaan; ook aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Bluebanded surgeonfish.

Blouband-doktervis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Acanthuroidei
Familie:	Acanthuridae
Subfamilie:	Acanthurinae
Genus:	Acanthurus
Spesie:	A. lineatus
Binomiale naam
Acanthurus lineatus (Linnaeus, 1758)

Identifikasie

Die vis word tot 38 cm lank en is opmerklik in die water. Daar is verskeie horisontale, bloue strepe met swart rante op die vis se lyf wat strek van die kop tot by die stertvin se basis. Daar is geel strepe tussen die blou strepe. Die pens is persagtig terwyl al die vinne helder blou rante het. Die stertvin is holrond.

Die vis leef in rotskus areas en ook vlak riwwe waar die water onstuimig is. Hulle beweeg bokant die riwwe rond in water wat 1 tot 12m diep is. Die onvolwasse vissies word soms gevind in tussengety poele. Hulle vreet alge en is alleenlopers maar kan ook in klein groepies gevind word. Die vis aggressief.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/SpeciesSummary.php?ID=1258&genusname=Acanthurus&speciesname=lineatus&AT=Acanthurus+lineatus&lang=English