Acanthuridae

Die Doktervisse, tange en eenhoringvisse (Acanthuridae) is 'n visfamilie wat hoort tot die orde Perciformes. Daar is drie subfamilies in die familie maar slegs die volgende twee kom in Suider-Afrikaanse water voor: Acanthurinae en Nasinae.

Acanthuridae
Acanthurus sohal
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Acanthuroidei
Familie:	Acanthuridae Bonaparte, 1832
Genera
Acanthurus Ctenochaetus Naso Paracanthurus Prionurus Zebrasoma

Familiekenmerke

Die familie is eerder rondvormig as plat met 'n enkele, lang dorsale vin en die anale vin is ook lank. Die pensgedeelte is wit.

Subfamilie: Acanthurinae

Daar is vier genera met een en vyftig spesies wat hoort tot dié subfamilie en negentien van die spesies kom aan die Suid-Afrikaanse kus voor.

Kenmerke

Die subfamilie staan ook bekend as die doktervisse en hul lywe is rondvormig. Daar is 'n skerp stekel in die stertvin. Die subfamilie word tussen 18 – 63 cm groot. Die subfamilie verkies om in vlak water te leef in tropiese en subtropiese seë maar 'n paar kan voorkom tot op dieptes van 100 m. Hulle vreet oor die algemeen alge, detritus en soöplankton.

Die detritus-eters (Ctenochatus) neem baie sand saam met hulle kos in en het harde mae met dik lae om die kos te verteer en net soos die meeste herbivore, lang spysverteringskanale. Die doktervisse skiet kuit saam in groepe en die eiers en larwes is pelagies.

Genera

Die volgende genera en spesies kom aan die Suid-Afrikaanse kus voor:

• Acanthurus

• Acanthurus dussumieri – Potlooddoktervis
• Acanthurus leucocheilus – Witlipdoktervis
• Acanthurus leucosternon – Bloudoktervis
• Acanthurus lineatus – Blouband-doktervis
• Acanthurus mata – Langdoktervis
• Acanthurus nigrofuscus – Bruindoktervis
• Acanthurus tennentii – Luitenant-doktervis
• Acanthurus thompsoni – Sjokolade-doktervis
• Acanthurus triostegus – Bandietdoktervis
• Acanthurus xanthopterus – Geelvin-doktervis

• Ctenochaetus

• Ctenochaetus binotatus – Tweekol-borseltand
• Ctenochaetus striatus – Gestreepte borseltand
• Ctenochaetus truncatus - Gespikkelde borseltand

• Paracanthurus

• Paracanthurus hepatus – Palet-doktervis

• Zebrasoma

• Zebrasoma desjardinii – Seilvintang
• Zebrasoma gemmatum – Gespikkeldetang
• Zebrasoma scopas – Tweekleurtang

• 
  Acanthurus achilles
• 
  Acanthurus dussumieri
• 
  Bloudoktervis (Acanthurus leucosternon)
• 
  Acanthurus tennenti
• 
  Ctenochaetus strigosus
• 
  Naso lopezi
• 
  Naso unicornis
• 
  Acanthurus olivaceus word skoongemaak deur twee Labroides phthirophagus
• 
  Paracanthurus hepatus
• 
  Zebrasoma desjardinii

Subfamilie: Nasinae

Kenmerke

Die enkele grootste kenmerk van die subfamilie is die groot beenagtige horing wat ontwikkel tussen die oë van party spesies. Die doel van die horing is onbekend. Die subfamlie word tot 35 – 100 cm lank, lengte van die horing uitgesluit.

Genus

Daar is slegs een genus met agttien spesies wat hoort tot dié sub-familie en twaalf van die spesies kom aan die Suid-Afrikaanse kus voor.

• Naso

• Naso brachycentron – Boggel-eenhoringvis
• Naso brevirostris – Gespikkelde eenhoringvis
• Naso elegans – Oranje stekel-eenhoringvis
• Naso hexacanthus – Geenhoringvis
• Naso unicornis – Bloustekel-eenhoringvis

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7