Geenhoringvis

Die Geenhoringvis (Naso hexacanthus) is 'n vis wat voorkom in die weste van die Stille Oseaan, die Indiese Oseaan, die Rooisee en aan die ooskus van Afrika suidwaarts tot by die noorde van KwaZulu-Natal. In Engels staan die vis bekend as die Sleek unicornfish of die Nohorn unicorn. Alhoewel die vis deel vorm van die Eenhoringvisse het dit glad nie 'n horing nie.

Geenhoringvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Acanthuroidei
Familie:	Acanthuridae
Subfamilie:	Nasinae
Genus:	Naso
Spesie:	N. hexacanthus
Binomiale naam
Naso hexacanthus (Bleeker, 1855)
Sinonieme
Sleek unicornfish, nohorn unicorn, blacktongue unicorn(fish), Thorpe's unicornfish

Identifikasie

Die vis word tot 50 cm lank en die lyf is bruin tot blou-grys aan die bokant terwyl die onderkant liggeel is. Die stert is blou en daar is swart strepe op die wange wat strek tot by die kieuedeksel. Die vis kan sy kleur verander na ligblou.

Hulle leef in skole saam naby steil hellings van riwwe en slaap in skeure in die riwwe snags. Hulle verkies water wat 15 tot 135 m diep is en vreet soöplankton.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3