Bruinchromis

Die bruinchromis (Chromis lepidolepis) is 'n vis wat voorkom in die Stille Oseaan en die Indiese Oseaan; meer spesifiek die Rooisee en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Brown chromis.

Bruinchromis
Bewaringstatus
Ongeëvalueer (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Pomacentridae
Genus:	Chromis (Cuvier, 1814)
Spesie:	C. lepidolepis
Binomiale naam
Chromis lepidolepis Bleeker, 1877

Identifikasie

Die vis word tot 8 cm lank. Die lyf is slank en grysbruin. Die dorsalevin se punte is wit en swart. Daar is ook 'n kort, swart vertikale streep oor die oë. Die boonste en onderste rant van die stertvin is donkerder. Die vis leef in rotskusareas en aflandige riwwe in water wat 2 tot 25 m diep is. Hulle swem graag rond by bokant of hellings van die riwwe. Hulle is gewoonlik alleenlopers of kom in klein groepies voor. Die visse vreet soöplankton.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.se/summary/Chromis-lepidolepis.html