Geelstreep-piesangvis

Die Geelstreep-piesangvis (Caesio xanthalytos) is 'n vis wat so onlangs as 2013 eers geïdentifiseer is aan die Suid-Afrikaanse kus en kom aan die ooskus van Suidelike Afrika voor. In Engels staan die vis bekend as die Goldsash fusilier.

Geelstreep-piesangvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Caesionidae
Genus:	Caesio
Spesie:	C. xanthalytos
Binomiale naam
Caesio xanthalytos Holleman, Connell & Carpenter, 2013

Identifikasie

Die vis word tot 30 cm lank. Die vis is voorheen verwar met die Blou-en-goue piesangvis Caesio caerulaurea. Die boonste gedeelte van die lyf is blougroen wat verander na silwerpienk onder die sylyn. Daar is 'n kenmerkende goue breë band wat horisontaal oor die sylyn is en oor die lyf strek. Die geel band word deur bruin en blou lyne omring. Die stertvin se rante is swart.

Die vis leef in skole saam, tussen en oor riwwe, in water wat tot 50 m diep is. Hulle vreet soöplankton.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• Caesio xanthalytos by Fishbase.