Bronskoningvis

Die Bronskoningvis (Caranx papuensis) is 'n vis wat voorkom in die Indiese-Pasifiese area, en aan die ooskus van Afrika vanaf Kenia suid tot by Port Alfred in Suid-Afrika. In Engels staan die vis bekend as die Brassy kingfish of Brassy trevally.

Bronskoningvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Percoidei
Superfamilie:	Percoidea
Familie:	Carangidae
Genus:	Caranx
Spesie:	C. papuensis
Binomiale naam
Caranx papuensis Alleyne & Macleay, 1877
Geskatte verspreiding
Sinonieme
Caranx regularis Garman, 1903 Caranx celetus Smith, 1968

Voorkoms

'n Bronskoningvis

Die volwasse vis se lyf is geel tot blou-groen aan die bokant en silwer aan die onderkant met 'n helder wit kol net agter die boonste rand van die operkulum. Daar is ook verspreide swart kolletjies op die boonste gedeelte van die lyf en kop. Die stert is gevurk met die boonste lob donkergrys en die onderste lob geel. Die vis word tot 80 cm lank en 5 kg swaar.

Habitat

Die visse verkies rots- en koraalriwwe om op te leef. Hulle vreet hoofsaaklik vis van die riwwe, tjokka, garnale en krappe. Die volwasse visse is alleenlopers of kom in pare voor en die onvolwasse visse bly in skole saam. Dit is 'n gesogte eetvis.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakels

• Wikimedia Commons het meer media in die kategorie Bronskoningvis.