Donkerhaai

Die donkerhaai (Carcharhinus obscurus) is 'n haai wat in al die oseane van die wêreld voorkom. In Suider-Afrika kom dit voor van die Wes-Kaap tot by Mosambiek en ook Madagaskar. In Engels is die haai bekend as die dusky shark. Dit word deur die IUBN geklassifiseer as 'n kwesbare spesie.

Donkerhaai
Bewaringstatus
Kwesbaar  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Chondrichthyes
Klas:	Elasmobranchii
Orde:	Carcharhiniformes
Familie:	Carcharhinidae
Genus:	Carcharhinus
Spesie:	C. obscurus
Binomiale naam
Carcharhinus obscurus (Lesueur, 1818)
Bevestigde (donkerblou) en vermoedelike (ligblou) verspreiding
Sinonieme
Carcharhinus iranzae Fourmanoir, 1961 Carcharhinus obscurella Deng, Xiong & Zhan, 1981 Carcharias macrurus Ramsay & Ogilby, 1887 Carcharinus iranzae Fourmanoir, 1961 Galeolamna eblis Whitley, 1944 Galeolamna greyi* Owen, 1853 Prionodon obvelatus Valenciennes, 1844 Squalus obscurus Lesueur, 1818 *ambiguous synonym

Voorkoms

Die haai het 'n skerp snoet en 'n tipiese haaivoorkoms. Dit word tot 4,2 m lank. Die grootste vis wat in Amerika gevang is, het 347 kg geweeg.

Habitat en gewoontes

Die volwasse haaie kom voor in water van 200–400 m diep terwyl die onvolwassenes in vlakker water hou. Hulle eet 'n verskeidenheid vis en dooie seesoogdiere. Hulle is vivipaar met 6-14 kleintjies wat op 'n keer gebore word, gewoonlik in die vroeë winter in KwaZulu-Natal. Hulle migreer ook saam met die sardynloop.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://www.fishbase.org/summary/Carcharhinus-obscurus.html