Driestert-lipvis

Die Driestert-lipvis (Cheilinus trilobatus) is 'n vis wat in die Indiese en Stille Oseaan en aan die ooskus van Afrika suidwaarts tot by sentraal-KwaZulu-Natal voorkom. In Engels staan die vis bekend as die Tripletail wrasse.

Driestert-lipvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Labridae Cuvier, 1816
Genus:	Cheilinus
Spesie:	C. trilobatus
Binomiale naam
Cheilinus trilobatus Lacepède, 1801

Identifikasie

Die vis word tot 45 cm lank en beide geslagte het dieselfde kleurvariasies. Die vis het 'n dieplyf met die stertvin se stekels wat oënskynlik uit drie dele bestaan. Die middelste gedeelte van die stekels is langer. Die stertvin is olyf tot bruin van kleur en daar is verskeie kort, vertikale pienk strepe oor die lyf. Daar is ook twee wit bande oor die stertvinbasis. Die kop is bedek fyn, pienk kolletjies en spikkels. Die onvolwasse visse lyk baie soos die volwasse visse met ekstra witterige bande op die lyf en die stertvin is gerond.

Hulle leef in rotsagtige kusareas en aflandige rotsriwwe in water wat 1 tot 140 m diep is. Die vis is 'n alleenloper en vreet klein vissies, skaaldiere en slakke.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://www.fishbase.org/summary/Cheilinus-trilobatus.html

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3