Wikipedia

Cimolestes

Cimolestes (van Grieks Κιμο λέστες, 'kalkrower')[1]is 'n genus van vroeë eutheriërs met 'n volle komplement van tande wat aangepas is om insekte en ander klein diere te eet. Paleontoloë stem nie saam oor die verhouding daarvan met ander soogdiere nie, deels omdat heel verskillende diere aan die genus toegewys is, wat Cimolestes 'n 'graadtakson' maak van diere met soortgelyke kenmerke wat moontlik wel verwant is maar nie monofileties is nie.

Cimolestes
Tydperk: Laat Campanium-Laaste Tanetium (Ipresium?)
~75–50 m. jaar gelede
Onderkaak (LACM 152546) van C. stirtoni, Natural History Museum of Los Angeles County
Wetenskaplike klassifikasie e
Domein: Eukaryota
Koninkryk: Animalia
Filum: Chordata
Klas: Mammalia
Orde: †Cimolesta
Familie: †Cimolestidae
Marsh, 1889
Genus: †Cimolestes
Marsh, 1889
Tipespesie
(uitgestorwe) Cimolestes incisus
Marsh, 1889
Sinonieme

Nyssodon Simpson, 1927

Fossiele van hierdie genus is in Noord-Amerika, Suid-Amerika, Europa en Afrika gevind. Cimolestes het die eerste keer verskyn tydens die Laat Kryt van Noord-Amerika. Volgens sommige paleontoloë het Cimolestes aan die begin van die Paleoseen uitgesterf.[2] Daar is egter ook gerapporteer dat die genus nog in die vroeë Eoseen voorkom.[3]

Die meeste spesies is beskryf vanaf tande en geïsoleerde fragmente. Een volledige geartikuleerde skelet is gevind wat voorlopig aan Cimolestes toegewys is. Dit toon 'n klein, ratse, boombewonende roofdier met lang tone om takke vas te gryp en 'n vatstert wat minstens twee keer so lank as sy lyf is. Dit het die grootste aantal stertwerwels wat by enige soogdier bekend is.[3]

Klassifikasie

wysig

Die klassifikasie van hierdie vroeë soogdiere het taksonome aansienlike hoofbrekens besorg. Die genus is eens beskou as dié van 'n buideldier. Later is dit by die plasentale soogdiere ingedeel, as voorouers van die Carnivora en die uitgestorwe Creodonta. Onlangs stem navorsers saam dat die spesies wat aan Cimolestes toegewys is, primitiewe eutheriese soogdiere is, lede van 'n klade Cimolesta ('n orde of familie , (vernoem na die genus), en deel van 'n groter klade Didelphodonta, 'n superorde of orde wat nie met die buideldierklade Didelphimorphia verwar moet word nie. Didelphodonte word gewoonlik as 'n sustergroep van die Carnivora binne die Ferae en daarmee binnie die kroongroep van the Placentalia geplaas. Maar die insig dat moderne plasentale soogdiere (die kroongroep) later ontwikkel het as wat voorheen gedink is, word sterker[4][5] Daar word nou gedink dat ander soorte soogdiere as die kroonspesies lang, gediversifiseerde en suksesvolle geskiedenisse gehad het, en dat Cimolestes en baie verwante genera stam-eutheriërs is, nader verwant aan plasentale soogdiere as aan buideldiere, maar buite die eintlike plasentale soogdiere en nie nou verwant aan enige lewende dier nie.[6]

Cimolestes vorm die direkte uitgroep van die Taeniodonta, wat aandui dat laasgenoemde uit vorme soortgelyk aan Cimolestes ontwikkel het.[6]

Herindeling van spesies

wysig

Ten einde die genus 'n werklike groep van mees verwante spesies te laat verteenwoordig, is drie spesies wat aan Cimolestes toegewys was, C. magnus, C. cerberoides, en C. propalaeoryctes, nou in hul eie genera ingedeel, Altacreodus, Ambilestes, en Scollardius. Die spesies Cimolestes incisus (Marsh) en Cimolestes stirtoni (Clemens) bly binne die genus.[7]

Fossiele verspreiding

wysig

Fossiele van Cimolestes is aangetref in:[8]

Kryt
  • Kanada
    • Foremost Formasie, Oldman Formasie en die St. Mary River Formasie, Alberta
    • Ravenscrag Formasie en Frenchman Formasie, Saskatchewan
  • Verenigde State
Paleoseen
Eoseen
  • Fossil Butte, Green River Formasie, Wyoming, VSA[3]

Verwysings

wysig
  1. ↑ "Cimolestes". p. 189. in Palmer, T. S. (23 Januarie 1904). "Index Generum Mammalium: A List of the Genera and Families of Mammals". North American Fauna. 23: 1–984. doi:10.3996/nafa.23.0001.
  2. ↑ McKenna, M. C.; S. K. Bell (1997). Classification of Mammals Above the Species Level. Columbia University Press. ISBN 978-0-231-11012-9.
  3. ↑ 3,0 3,1 3,2 Grande, Lance (2013). The Lost World of Fossil Lake; Snapshots from Deep Time. Chicago: University of Chicago Press. pp. 260–263. ISBN 978-0-226-92296-6.
  4. ↑ O'Leary, Maureen A.; Bloch, Jonathan I.; Flynn, John J.; Gaudin, Timothy J.; Giallombardo, Andres; Giannini, Norberto P.; Goldberg, Suzann L.; Kraatz, Brian P.; Luo, Zhe-Xi; Meng, Jin; Ni, Xijun; Novacek, Michael J.; Perini, Fernando A.; Randall, Zachary S.; Rougier, Guillermo W.; Sargis, Eric J.; Silcox, Mary T.; Simmons, Nancy B.; Spaulding, Michelle; Velazco, Paúl M.; Weksler, Marcelo; Wible, John R.; Cirranello, Andrea L. (2013). "The Placental Mammal Ancestor and the Post—K-Pg Radiation of Placentals". Science. 339 (6120): 662–667. Bibcode:2013Sci...339..662O. doi:10.1126/science.1229237. hdl:11336/7302. JSTOR 23365914. OCLC 827160921. PMID 23393258. S2CID 206544776.
  5. ↑ O'Leary, Maureen A. (2014). "On the Trail of the First Placental Mammals". American Scientist. 102 (3): 190–197. JSTOR 43707184. Sjabloon:Gale Sjabloon:ProQuest.
  6. ↑ 6,0 6,1 Rook, D.L.; Hunter, J.P. (2013). "Rooting Around the Eutherian Family Tree: the Origin and Relations of the Taeniodonta". Journal of Mammalian Evolution. 21: 1–17. doi:10.1007/s10914-013-9230-9. S2CID 17074668.
  7. ↑ Fox, Richard C. (Desember 2015). "A revision of the Late Cretaceous–Paleocene eutherian mammal Cimolestes Marsh, 1889". Canadian Journal of Earth Sciences. 52 (12): 1137–1149. Bibcode:2015CaJES..52.1137F. doi:10.1139/cjes-2015-0113.
  8. ↑ Cimolestes at Fossilworks.org
Ontsluit van "https://af.wikipedia.org/w/index.php?title=Cimolestes&oldid=2663563"