Koningin-coris

Die koningin-coris (Coris formosa) is 'n vis wat voorkom in die westelike Indiese Oseaan: Oman en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Queen coris.

Koningin-coris
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Labridae Cuvier, 1816
Genus:	Coris
Spesie:	C. formosa
Binomiale naam
Coris formosa (J. W. Bennett, 1830)
Sinonieme
Labrus formosus J. W. Bennett, 1830 Coris frerei Günther, 1867 Coris halei F. Day, 1888

Identifikasie

Die vis word tot 60 cm lank. Die visse ondergaan kleur variasies soos hulle verouder. Hulle is aanvanklik grys tot donker grysbruin met klein swart spikkels op die sye. Die kop is gelerig met 'n prominente ligblou diagonale streep wat oor die kop gaan tot onder die oog. Daar is ook dun blou strepies oor die kop terwyl die stertvin rooi is met 'n breë digte rant.

Die volwasse mannetjies is lig tot donker bruin of grys met verskeie klein groen of blou-groen kolletjies op elke skub. Daar is ook 'n reeks, redelike digte grys vertikale treoe oor die lyf en ligte groen strepe oor die kop. Die onvolwasse vissies is bruin tot rooierig met vyf wit vlekke op die kip en rug wat swart rante het.

Die vis leef in rotskus areas en aflandige koraal- en rotsriwwe in water wat 1 tot 40m diep is. Hulle is gewoonlik alleenlopers leef in sand en rommel gebiede digby die riwwe. Hulle vreet skaaldiere en slakke. Die vis begrawe hom ook self in die sand wanneer gevaar dreig

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://www.fishbase.org/summary/SpeciesSummary.php?ID=7736&genusname=Coris&speciesname=formosa&AT=Coris+formosa&lang=English

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakels

• Wikimedia Commons het meer media in die kategorie Koningin-coris.