Ernst Stapelberg
Ernst Stapelberg (* 6 Februarie 1995, Bloemfontein) is ’n Suid-Afrikaanse rugbyspeler wat in die Pro14-reeks vir die Cheetahs, en in die Curriebeker vir die Vrystaat Cheetahs as losskakel speel.
| |||||
| Volle naam | Theo Ernst Stapelberg | ||||
|---|---|---|---|---|---|
| Bynaam | Gemmerkat | ||||
| Geboortedatum | 6 Februarie 1995 | ||||
| Geboorteplek | Bloemfontein, Suid-Afrika | ||||
| Lengte | 1,87 m | ||||
| Massa | 94 kg | ||||
| Skool | Hoërskool Framesby, Port Elizabeth | ||||
| Beroep | Professionele rugbyspeler | ||||
| Rugbyloopbaan | |||||
| Loopbaan as speler | |||||
| Posisie(s) | Losskakel | ||||
| Amateurspanne | |||||
| Jare | Klub / span | Weds | (pte) | ||
| 2008 2011 2012-2013 2015-2017 |
OP o/13 OP o/16 OP o/18 Maties |
||||
| Professionele / senior klubs | |||||
| Jare | Klub / span | Weds | (pte) | ||
| 2017- | Cheetahs | 6 | (72) | ||
| korrek soos op 8 November 2017. | |||||
| Provinsiale- / Staatspanne | |||||
| Jare | Klub / span | Weds | (pte) | ||
| 2014-2017 | Westelike Provinsie | ||||
| Nasionale span(ne) | |||||
| Jare | Land | Weds | (pte) | ||
| 2015 |  SA o/20
|
||||
Loopbaan wysig
Stapelberg is in 2008 gekies om vir die Oostelike Provinsie se o/13-Cravenweekspan te speel. Drie jaar later is hy gekies vir die Oostelike Provinsie se o/16-Grant Khomo Week-span en in 2012 en 2013 is hy vir die o/18-Cravenweekspan gekies. Benewens rugby, was Stapelberg ook ’n kranige skolekrieketspeler wat sy skool teen Rondebosch Boys’ High School, Westville Boys’ High School, St. Stithians-kollege en Hoërskool Waterkloof verteenwoordig het.[1]
In 2014 het Stapelberg hom by die Westelike Provinsie aangesluit en vir dié provinsie se o/19-span uitgedraf. In 2015 het hy vir die rugbyspan van die Universiteit Stellenbosch uitgedraf en sy plek in die span gehou vir die volgende twee seisoene. Hy is in 2017 in die Varsityrugby Droomspan op losskakel ingesluit. In 2016 het hy die tweede meeste punte in die Varsitybekerkompetisie aangeteken, en in 2017 die derde meeste.[2]
Hy het voorts in 2015 sy buiging vir die Westelike Provinsie se seniorspan in die Vodacombeker gemaak en ook vir die o/21-span gespeel. Na dese hy het Suid-Afrika verteenwoordig in die nasionale o/20-span in ’n vriendskaplike wedstryd teen Los Pumitas van Argentinië. In hierdie wedstryd het hy tien punte aangeteken (twee doelskoppe en twee strafdoele).[3]
In 2016 het hy die Westelike Provinsie se seniorspan in die kwalifiserende wedstryde van die Curriebeker verteenwoordig voor hy hom weer by die o/21-span aangesluit het. In 2017 is hy deur die Vrystaatse Rugbyunie gekontrakteer om op losskakel te speel in plek van die beseerde losskakels Fred Zeilinga en Niel Marais. Hy het hom goed van sy taak gekwyt en ’n gereelde spanlid geword vir die duur van die kompetisie.
Eksterne skakels wysig
Verwysings wysig
- ↑ "Theo Stapelberg" (html) (in Engels). espncricinfo.com. Geargiveer vanaf die oorspronklike op 3 Oktober 2018. Besoek op 8 November 2017.
- ↑ "Top Puntemakers" (in Engels). varsitycup.co.za. 21 Februarie 2017. Geargiveer vanaf die oorspronklike (html) op 7 Julie 2017. Besoek op 8 November 2017.
- ↑ "Junior Bokke knikker Los Pumitas uit in Santa Fe" (html) (in Engels). SuperSport. 13 Mei 2015. Geargiveer vanaf die oorspronklike op 3 Oktober 2018. Besoek op 8 November 2017.