Hoërskool Waterkloof

Hoërskool Waterkloof is 'n Afrikaanse hoërskool (enkelmedium) wat in die oostelike voorstede van Pretoria, Suid-Afrika geleë is. Leerders staan as Klofies bekend.

Hoërskool Waterkloof
Leuse	Ons bou in geloof
Gestig	9 Januarie 1979
Tipe	Afrikaanse hoërskool
Hoof	Mnr. Chris Denysschen
Adjunkhoof(de)	Me. Minnie Thom
Stigter	Departement van Onderwys (Transvaal) Gauteng
Personeel	120
Leerlinge	1 700
Grade	Gr 8 – 12
Adres	H/v Solomon Mahlangu en Boeingstraat, Erasmuskloof
Stad	Pretoria
Provinsie	Gauteng
Land	Suid-Afrika
Kleure	Wit, Blou en geel
Koshuis(e)	Ja, seuns- en dogterskoshuise.
Jaarboek	Ja
Skoolkoerant	Die Klofiekan
Webblad	klofies.co.za

Die skool se nuwe "e-leer" plaas Klofies in die globale wêreld omdat Hoërskool Waterkloof tegnologies met kennis verbind word deur middel van die beste beskikbare rekenaarnetwerke. Hierdie vernuwende denke is daarop gemik om leerders te inspireer, en die skool word as een van die voorstes in die land op akademiese, sport- en kultuurgebied beskou.

Die onderwyseres Helena Coetzee was in 2009 die eerste Suid-Afrikaner wat die internasionale Pre University Teachers Award in die VSA ontvang het vir haar buitengewone bydrae op wetenskaplike en tegnologiese gebied. Onderwysers lewer provinsiaal en nasionaal bydraes op akademiese gebied.

Ongeveer 8 500 leerders het reeds aan die skool gematrikuleer. Die skool het reeds 23 jaar agtereenvolgens ’n 100%-laagsyfer behaal en is vyf jaar agtereenvolgens dié top akademiese skool in Gauteng. Hoërskool Waterkloof het in 2010 die Anglo American Chairman’s Fund se prys ontvang as een van die Top 10 Wiskunde en Wetenskapskole in die land. Die 305 matrikulante van 2012 het byvoorbeeld 765 onderskeidings behaal. Dans, visuele kuns en ontwerp was die afgelope vyf jaar die toppresteerders in Gauteng tydens die matriekeindeksamen.

Sport

Die Sportakademie doen baanbrekerswerk met die aanbieding van sportopvoedingsvakke. Die Sportburo bied afrigting aan en die skool neem mededingend aan ’n verskeidenheid sportbyeenkomste deel.

Klofies is bekend vir sy netbal wat die afgelope vyf jaar 'n Klofienetbalfees hou waaraan ongeveer 500 netbalspelers vanoor die hele land en Namibië deelneem. Waterkloof is tans een van die top drie netbalskole in die land volgens die webwerf www.schoolsportsnews.co.za.

Klofies het ’n sportspesifieke gimnasium en hoëprestasiesentrum wat gehalte-afrigting en ondersteuning aan leerders en sportmense in die omgewing bied. Leerders wat "Sport" as ’n vak neem, word geoefen met ’n smartspeed wat hulle wetenskaplik toets. Fiksheidstoetse word verder verfyn met die InBody-masjien. Die skool beskik oor die voltydse dienste van fisioterapeute. Biokinetici en sportwetenskaplikes doen die fiksheidstoetse op leerders en sodoende word Klofies se sport wetenskaplik bestuur.

Hoërskool Waterkloof bied ’n groot verskeidenheid sportsoorte aan. Daar is 18 rugbyspanne, 22 hokkiespanne, wat seunspanne insluit, 18 netbalspanne, 12 krieketspanne, 10 gholfspanne, swem, bergfiets, trompoppies, perdry, 20 tennisspanne, skaak en 2 atletiekspanne. Derbies word met ander skole gehou en bande is met skole in die Noord-Kaap gesmee. Volgens www.schoolsportsnews.co.za is Hoërskool Waterkloof een van die top krieketskole in die land. Die skool word ook as een van die top rugbyskole in die land beskou.

Kultuur

Die skool se konsertorkes is tien jaar agtereenvolgens nasionale wenners. Dié sukses simboliseer Klofies se toewyding tot die kunste. Klofies presteer jaarliks by kultuurgeleenthede soos Applous, Van Huyssteens redenaarsfees, ATKV-koorkompetisie en die Afrikaans-Ekspo. Kultuur in Klofieland wek altyd groot belangstelling en prestasies op redenaarsgebied, by eisteddfods, kunswedstryde, tonele, kunstefeeste en revues is nie onbekend nie. Klofies se dansers en koor tree gereeld internasionaal op. Klofies het ’n groot verskeidenheid kultuuraktiwiteite: Koor, Konsertorkes, Revue, Toneel, Voortrekkers, Junior Stadsraad, Klofie Kunstefees, Afrikaanse redenaars / English Orators, Eisteddfods, Kunswedstryde, Kunstefeeste en kreatiewe skryfkompetisies. Dans en Musiek as vakke word op internasionale standaard aangebied.

Sosiaal

Belangrike sosiale geleenthede is die Druppelkonsert waarmee die nuwe graad 8’s volledig deel van die skool word, die Valentynsbal, sokkies, Lentedag, skoolverjaarsdag, Graad 10-bal, Mnr. en Mej. Waterkloof, Matriekafskeid en Damesaand. Die skool bied jaarliks 'n dansproduksie aan en verskeie kultuuraande wat musiek en toneel insluit.

Gemeenskapsprojekte

’n Klofie toon deernis teenoor diegene wat minderbevoorreg is. Klofies is van mening dat ware diens is om na mense uit te reik wat regtig hulp nodig het. Liefdadigheid word as prioriteit beskou en die meeste van die projekte word deur die leerders self gekies en gedryf.

Klofies identifiseer twee soorte projekte: mini-projekte en makro-projekte. Mini-projekte word deur verskillende graadgroepe, vanaf gr 8 tot 12 gedryf. Die hele skool neem aan 'n makro-projek deel. Die reaksie van die leerders en die gemeenskap is gewoonlik oorweldigend ondersteunend. Tydens die C4C-projek is 18 ton klere bymekaargemaak wat aan liefdadigheidsorganisasies oorhandig is vir verspreiding.

Waterkloof is tans besig met die Moves for Life-projek waarvan president Jacob Zuma die beskermheer is. Skaak word hierdeur aan bykans elke leerder in die land van so jonk as agt jaar oud geleer en takke is regoor Suid-Afrika gevestig.

Koshuis

By Hoërskool Waterkloof se nuwe koshuis gaan ’n studentesentrum gebou word waar leerders die geleentheid sal hê om hulle huiswerk te doen, 'n ete te nuttig en selfs kan oornag indien hulle ouers uitstedig is.

Die skoolkoshuis bied gratis internet, ’n gemeenskaplike eetsaal en kamers met studiefasiliteite.

Geskiedenis

1979

Die skool is op 9 Januarie 1979 geopen met 12 onderwysers, twee tiksters en 215 leerders. Die oorspronklike skoolgeboue is op 3 Augustus 1979 voltooi. Die skool se leuse, "Ons bou in geloof", is amptelik op 2 Julie 1979 aanvaar. Op 8 Januarie het die personeel begin en die eerste personeelvergadering is gehou. Die skool is op 9 Januarie 1979 in 'n half voltooide saal met 215 standerd 6- en standerd 7-leerlinge geopen.

In sy eerste koerantonderhoud het mnr. Davin gesê: ”Hoewel dit voorbarig sou wees om in hierdie stadium enige voorspellings te waag, is ek oortuig dat Hoërskool Waterkloof groot hoogtes kan bereik.” Slegs 12 klaskamers is vir die 12 onderwysers beskikbaar gestel. Twee administratiewe dames is aangestel.

Op 6 Maart 1979 het die skoolkomitee die naam Hoërskool Waterkloof aanvaar. Die skool is op die waterryke plaas Waterkloof gebou wat aan die Erasmusfamilie behoort het, te bou. Carel Erasmus het drie eikebome aan die suidekant van die saal geplant as simbool van die Erasmusfamilie se verbintenis met die skool. ’n Spreekkoor, dogterskoor en toneelgroep is gestig.

Interhuisatletiek is op 10 Februarie op die baan van Menlopark gehou. Rugby het met 32 spelers in standerd 6 en 7 begin. Al hierdie spelers is gebruik om ’n o/15A en B-span in die D-liga in te skryf. Oefeninge het op Laerskool Monumentpark se bane plaasgevind. Op 31 Maart is die eerste rugbywedstryde gespeel. Ses netbalspanne is in die B-liga ingeskryf. Die O/13-span eindig tweede in die liga. Die o/14A-span het net een van agt ligawedstryde verloor. In die finaal verloor hulle 4-6 teen Hoërskool Eldoraigne. In die semi-finaal van die B-liga van Noord-Transvaal, verloor die span teen Hoërskool Wonderboom. Die bane van Laerskool Monumentpark en Hoërskool Verwoerdburg is vir die oefeninge gebruik.Skaak het in die F-liga begin. 'n Swemspan en 'n tennisspan is saamgestel.

Die skoolgebou is voltooi en op 3 Augustus is die sleutels oorhandig. Die eerste opening is op 6 Augustus in die saal gehou. Die leerders het almal hulle nuwe skooldrag aangehad – die dogters in ligblou rokkies en die seuns in blou dashemde en grys broeke.

Die eerste opvoering is op 10 Augustus in die saal gehou – die SA Leërorkes het opgetree. Die eerste skoolkonsert is op 26 Oktober in die saal gehou. Die eerste prysuitdelingsfunksie het op 16 November plaasgevind en die eerste prefekte is aangekondig. Met die skoolsluiting op 6 Desember, was die leerlingtal 219.

1980

Mnr. P van der Merwe Martins het op 2 Januarie 1980 diens as die eerste permanente hoof aanvaar. Die eerste departementshoof was mnr D de Bruin wat as Departementshoof: Natuurwetenskappe aangestel is.

Die skool het met ’n leerlingtal van 393 geopen met 20 voltydse onderwysers en een wat deeltyds was. Die skool het aan die einde van die jaar met 402 leerlinge gesluit. Die eerste groentjiekonsert wat op 25 Januarie gehou is, het ’n wins van R190 getoon. Die ouers, personeel en leerders het op 9 Februarie gras en bome geplant. Binne ’n uur-en-’n-half is 200 bome geplant.

Die eerste skoolkermis het ’n wins van R8 404 getoon. Op 19 Junie is die eerste Beheerraad gekies. Die skoolwapen is op 4 Februarie deur die Skoolkomitee goedgekeur en na die Buro vir heraldiek vir registrasie verwys. Die woorde van die skoollied wat deur prof SJ Pretorius geskryf is, is op 13 Mei 1980 aanvaar. Op 12 Junie was die toonsetting deur prof BS van der Linde voltooi en die oorspronklike manuskrip is aan die hoof oorhandig.

Op 18 September 1980 is die skool amptelik deur die Direkteur van Onderwys geopen. Die skoolkoor het by dié geleentheid die skoollied vir die eerste keer in die openbaar gesing met prof. Van der Linde wat die begeleiding waargeneem het.

Tydens die eerste interhoëratletiekbyeenkoms het die atletiekspan vierde uit ses skole gekom. Vyf atlete het eerste plekke behaal.

Op rugbygebied het drie van die vyf rugbyspanne hul afdelings van die liga gewen. Een netbalspan het die streekskompetisie gewen en in die gemengde afdeling het twee van die tennisspanne skoonskip gemaak. Een van die meisiespanne was ook wenners. Ses meisies is in die Noord-Transvaalgimnastiekspan opgeneem. Op 13 Februarie het die skool se swemspan tydens hulle eerste swemgala sesde uit 8 skole geëindig. Die skaak het die D-liga gewen. Die standerd 6-redenaarspan het die junior afdeling van die Noord-Transvaalstreek gewen. Wynand Louw het die Noord-Transvaalafdeling van die ATKB-redenaars gewen en aan die nasionale finaal deelgeneem. Op 15 Oktober 1980 is 'n tak van die ACSV gestig.

1981

Met die opening van die skool op 7 Januarie 1981 was die leerlingtal 636 met 30 voltydse onderwysers en een deeltydse personeellid. Die jaar is begin met die plant van gras op die B- en C-rugbyveld. Met die ontwikkeling van die sportterrein, moes die gebied waar die B-en C-rugbyveld is, eers drooggelê word. Dit was ’n natuurlike pan waar vele watervoëls aangetref is. Tydens die atletiekinterhoër het die junior dogters hulle afdeling gewen. Die skool se eerste koerant, toe nog naamloos, het verskyn. Die eerste dankie-sê-aand wat later die Damesaand geword het, is gehou.

1982

1982 open die skool met 895 leerlinge en 42 onderwysers. Die skool het dié jaar sy eerste matriekklas.

Die atletiekbaan is voltooi; die interhuisspanne kry name en die skool wen die E-bond interhoëratletiekbyeenkoms. Die skool lewer 'n eerste Springbok in trampolien, Deirdre Scheeepers, op. Die eerste vier tennisbane word in gebruik geneem.

Die eerste matriekafskeid met 101 matrieks word in die skoolsaal aangebied. Hulle het ’n 100% slaagsyfer behaal met 70 vakonderskeidings.

1983

1983 heropen die skool met 57 personeellede en 1060 leerlinge. Die skool wen die D-bond tydens interhoëratletiek, asook 9 van die 11 trofeë. Lydia Venter word Springbokgimnas. Die eerste personeelkonsert word aangebied.

Die eerste skaakspan verower die Administrateurbeker.

1984

In 1984 is Everhard Carstens (Beheerliggaamvoorsitter vanaf 2012) die hoofseun en Ulinda Gresse, tans Human en reeds vir jare onderwyseres by die skool, die hoofleiers.

Die skool open met 1 266 leerlinge en 62 personeellede. Die skool wen die C-bond interhoëratletiekbyeenkoms. Die bouwerk aan die pawiljoen begin. Die eerste operette word aangebied.

1985

1985 begin met 1 404 leerlinge en 71 personeellede. Die skoolvlag word die eerste keer gehys tydens die interhuisatletiekbyeenkoms. Die skool wen die B-bond interhoëratletiek.

1986

In 1986 is die leerlingtal 1 551 met 78 personeellede. Die “Druppels” het hulle eerste atletiekbyeenkoms. In die A-Bond interhoëratletiek kom die skool derde. Die wintersportsoorte het puik gevaar en is na die A-afdeling opgeskuif.

Die st. 9-seuns gaan op ’n eerste bivak. In die kadetkompetisie kom die dogtersdrilpeloton tweede en die seuns derde. Die eerste krieketspan wen die B-afdeling in die Noord-Transvaal Afrikaanse Skoleliga.

1987

Die skool begin 1987 met 1 646 leerlinge en 81 personeellede. Vir die eerste keer wen Hoërskool Waterkloof die A-bond atletiekbyeenkoms, met die seuns- en dogterspanne wat albei wenners was. Die pawiljoen word op 13 Junie amptelik in gebruik geneem. Die Afrikaanse en Engelse toneel is albei Noord-Transvaalwenners. Die Afrikaanse toneel verower die Direkteurstrofee. Mnr. Martins word bevorder en verlaat die skool na 8 jaar as skoolhoof.

1988

Die skool open in 1988 met 1 592 leerlinge en 81 personeellede. Tydens die A-bond Interhoër wen die skool weer die seuns-, dogters- en groottotaalafdeling. Die seuns kom tweede tydens die SASOL nasionale atletiekbyeenkoms. Die tweede permanente hoof, mnr FJ van Dyk aanvaar op 1 Augustus diens.

Die o/15B en vyfde hokkiespan, asook o/13A en o/15A-rugbyspan is Noord-Transvaalwenners. Die o/15A-span is naaswenners van die Piet Krynauwtrofee.

1989

Die skool open in 1989 met 1 554 leerlinge.

Die skool wen die A-bond interhoëratletiekbyeenkoms vir die derde agtereenvolgende keer. Die Top 10-span wen die Prestige-byeenkoms. Die seunspan verower die Direkteurstrofee; die dogterspan eindig tweede. Die seuns en dogters wen die SASOL nasionale atletiekkampioenskap.

Die dogtersdrilpeloton wen die Noord-Transvaalstreekkompetisie en eindig vyfde in die nasionale kompetisie. Die dogterstennisspan is naaswenners van die Direkteurstrofee. Vier seuns is in die Cravenweekspan opgeneem.

Anina van der Bijl is as Junior Burgemeester van Pretoria aangewys. Die Artium Vesper, ’n kunstefees, kom tot stand.

1990

In 1990 open die skool met 1 466 leerlinge en 78 personeellede.

Die spreiligte op die A-veld word die eerste keer aangeskakel. Die vierde agtereenvolgende jaar wen die skool die A-Interhoër en vir die tweede eer wen die Top10-atletiekspan die byeenkoms. Die seunspan wen die tweede keer die Direkteurstrofee en die dogters eindig derde. Burger Lambrechts verbeter die SA o/17-gewigstootrekord.

Die eerste hokkiespan wen Noord-Transvaalfinaal teen Hoërskool Menlopark. Die hoof, mnr Van Dyk verlaat die skool met bevordering.

1991

In 1991 aanvaar die derde permanente hoof, dr LC Becker diens.

Vir die vyfde jaar wen die atletiekspan die Interhoër en vir die derde keer die Top 10. Die seunspan wen die SASOL nasionale atletiekkampioenskap vir die derde keer. Frits Potgieter verbeter die SA-rekord in gewigstoot en diskus.

Die seunslandloopspan eindig tweede tydens die Direkteurstrofee-finaal. Die eerste netbalspan wen Noord-Transvaal.

1992

In 1992 wen Waterkloof die A-bond Interhoër vir die sesde agtereenvolgende jaar en die Top 10 vir die vierde keer. Frits Potgieter verbeter die SA o/19 diskusgooirekord en hy neem aan die Junior Wêreldkampioenskap deel waar hy ’n silwer medalje verower.

Die junior dogterslandloopspan is SA Skolekampioen. Die eerste rugbyspan verower die Direkteursbeker.

Die skool verower die trofee vir die skool wat die beste op die Noord-Transvaal Expo vir Wetenskaplikes presteer.

1993

1993 het die skool 1 335 leerlinge.

Waterkloof wen die A-bond Interhoër die sewende agtereenvolgende jaar en die Top 10 vir die vyfde jaar met twee atlete in die SA Skole Atletiekspan. Die dogterspan wen Spoornet se Top 10-byeeenkoms.

Die seuns- en dogterslandloopspan is Noord-Transvaalkampioen en die dogters verower die Direkteurstrofee. Twee leerlinge word vir die SA Skole tennisspan gekies.

Die koor neem aan die finaal van die Direkteurstrofee deel.

1994

In 1994 het die skool 1 408 leerlinge en die koshuis, Klofiesig, word geopen met 44 leerlinge as inwoners.

Die atletiekhuisspanne word vir die vierde keer verander en heet nou: Orkane, Tifone, Siklone en Tornado’s. Vir die agste agtereenvolgende jaar wen die atletiekspan die Interhoër en die Top 10-byeenkoms. Marna Schutte verbeter die SA o/17 400 m rekord. Die dogterspan wen die eerste keer die Direkteurstrofee vir atletiek en die seuns is naaswenners.

Die dogterstennisspan verower die Direkteurstrofee. Surina de Beer wen die Junior Amerikaanse Ope Dubbelspeltitel.

Die gholfspan is die eerste keer die Noord-Transvaalkampioen. Sewe medaljes is tydens die Nasionale Expo vir Wetenskaplikes verower en FC Buys het internasionaal deelgeneem. Die Wolwespruitbewaringsprojek word geloods. Die Engelse en Afrikaanse toneel is Noord-Transvaalwenners.

1995

In 1995 het die o/15-hokkiespan die Direkteurstrofee gewen. Die gholfspan het die Noord-Transvaalkompetisie gewen. Die dogterslandloopspan het die Direkteurstrofee verower en die seuns was naaswenners. Louisa Leballo was lid van die Suid-Afrikaanse junior landloopspan.

Die trofee vir die beste prestasie in die Expo vir Jong Wetenskaplikes is vir die vierde keer verower. Nege gou medaljes is verower. Al die skaakspanne was ligawenners en twee spanne was naaswenners van die Direkteurstrofee. Die sportburo is gestig. Die Artium Vesper Kunstefees is herdoop na die Klofie Kunstefees.

1996

In 1996 het Hoërskool Waterkloof die tiende agtereenvolgende jaar die A-bondinterhoër verower met die seuns- en dogterspan wat wenners was. Die Top 10-span het vir die sewende agtereenvolgende jaar gewen. Klofie-atlete het 56 medaljes by die Noord-Gautengkampioenskap gewen. By die SA-junior atletiekkampioenskap het Klofies 14 medaljes gewen. Dit is meer as die totaal van 'n paar provinsies. Marna Schutte en Vanessa Becker was SA junior kampioene. Vier atlete het internasionaal deelgeneem.

Die eerste seunstennisspan het die Wayne Ferreira Uitdaagbeker gewen en die o/15-dogters was Noord-Transvaalwenners. Vier dogters was lede van die seëvierende Suid-Afrikaanse Hoërskoletennisspan.

Al die rugbyspanne het na die Noord-Transvaalfinaal deurgedring en 6 rugbyspelers het vir nasionale spanne gespeel. Netbal het die A-bond gewen. Die Akademie vir Lugvaart het tot stand gekom. Vir die vyfde agtereenvolgende jaar het Klofies die trofee tydens die Noord-Transvaal Expo vir Jong Wetenskaplikes verower vir die bes presterende skool.

1997

In 1997 het tennis uitgeblink. Die eerste seunspan het al die nasionale hoërskole-kompetisies gewen en die SA-hoërskoletitel gewen.

Vir die elfde agtereenvolgende jaar het die atletiekspan die Interhoër gewen. Die span het ook die United Top 10-byeenkoms gewen. By die Gauteng-Noordkampioenskap is 56 medaljes verower. 29 atlete het aan die nasionale kampioenskap deelgeneem. Twaalf atlete het Suid-Afrika by die Wêreldskole atletiekkampioenskap in Frankryk verteenwoordig. Die seunspan het tweede plek uit 20 seunskolespanne behaal.

Die eerste hokkiespan was Noord-Gautengwenners. Al vier A-rugbyspanne het in die Noord-Transvaalfinaal gespeel en sewe spelers is in die Craven-weekspan opgeneem. 'n Uitruilskema na St. Leo College in België is begin. Die eerste skaakspan het die Direkteurstrofee gewen. Die skaakakademie is gestig. Vir die sesde agtereenvolgende jaar het Klofies die trofee tydens die Noord-Transvaal Expo vir Jong Wetenskaplikes verower vir die bes presterende skool. 45 medaljes is verower en drie projekte is internasionaal uitgestal. Vyf goue medaljes is op die Nasionale Expo behaal.

1998

In 1998 het die seuns- en dogterslandloopspan tot die Direkteurstrofeefinaal deurgedring. Vir die twaalfde agtereenvolgende jaar het die atletiekspan die prestige-interskolebyeenkoms gewen. Die span het ook die United Top 10-byeenkoms gewen. 45 atlete het aan die nasionale kampioenskap deelgeneem en hulle het 13 medaljes verower.

David Manuel en Gary Botha is in die SA-skolerugbyspan opgeneem. Vir die vyfde agtereenvolgende jaar het Klofies die trofee tydens die Noord-Transvaal Expo vir Jong Wetenskaplikes verower vir die bes presterende skool. Nege het aan die Nasionale Expo deelgeneem en vyftien het internasionaal deelgeneem.

Al vier A-hokkiespanne het na die Gauteng-Noordfinaal deurgedring en 24 dogters is in Noord-Gautengspanne opgeneem. Die eerste skaakspan was Suid-Afrikaanse Hoërskole skaakkampioene en Super 12-wenners. 4 leerders is in die nasionale span opgeneem.

Die trompoppies het die plaatkompetisie tydens die SA-kampioenskap gewen. Die dansleerlinge het besonder presteer en Charlene Gunter is internasionaal as die mees belowende danser aangewys. Twee redenaars het aan die landswye finaal van die ATKV deelgeneem.

Klofies se rugby was die algehele wenners van die Super 12-kompetisie. Drie spanne het in die kwarteindrondte van die Beeldtrofee gespeel. Die eerste span was naaswenners in die eindwedstryd. 10 spelers is in nasionale spanne opgeneem.

Tennis was die algehele Super 12-wenner. Die seunspan het die Wayne Ferreira Uitdaagbeker gewen en die dogterspan die Amanda Coetzer Uitdaagbeker. 4 spelers is vir die SA Skolespan gekies. Die Afrikaans-Ekspo is gestig en Hoërskool Waterkloof was die eerste algehele wenner.

1999

In 1999 het meer as 500 graad 8’s by die skool ingeskryf.

Die atletiekspan het vir die dertiende agtereenvolgende jaar die Super Interhoër gewen. 20 atlete is in die Gauteng-Noordspan opgeneem en hulle het 16 medaljes by die Suid-Afrikaanse Junior Kampioenskap verwerf. Nico Grimbeek het ’n dertien jaar oue Suid-Afrikaanse rekord verbeter.

Die tennisspanne was weer Super 12-wenners. Die seuns het die Kearsney Collegetoernooi en die dogters die Amanda Coetzer Uitdaagtoernooi gewen. Jeroen Masson het twee internasionale toernooie gewen.

’n Dogterskoor is gestig. Die gemengde koor het die ATKV-Applouskompetisie gewen. Charlene Gunter en Laura Zambon het internasionaal in dans presteer.

Die o/15A-hokkiespan was Super 12-kampioene. Dertig spelers het Gauteng-Noordkleure ontvang. Drie A-netbalspanne het die Super 12-kompetisie gewen. Die o/15-span was Noordvaalwenners en die o/19-span was Gautengwenners en tweede in die land.

Al vier A-rugbyspanne het in die Super 12-finaal gespeel wat 'n eerste vir enige skool was. 9 spelers het vir nasionale spanne gespeel.

Die skaakspelers was weer Super 12-, Senior Koningstrofee en Junior Koningstrofeewenners en nasionale wenners van die top-hoërskoletoernooi. Stan Nortjé het junior Springbokkleure gekry.

JP Verster het 12 onderskeidings behaal.

2000

In 2000 het die Akademie vir Lugvaart ’n geregistreerde vliegskool geword.

Vir die veertiende agtereenvolgende jaar was die skool die wenner van die Rentmeester interskoleatletiekkompetisie. Nico Grimbeek en Anmaré Sullivan het internasionaal deelgeneem waar hulle elk ’n goue medalje en Nico ook silwer verower het.

Die skool se 21ste verjaardag is gevier. Netbal was algehele Super 16-wenner, algehele wenner in Gauteng en in die Noordvaalkompetisie. Twee speelsters, A. Senekal en A. Helman is in die SA Skolespan opgeneem.

Al die A-tennisspanne het hulle liga gewen. Die eerste seunstennisspan het vir die vierde agtereenvolgende jaar weer die Wayne Ferreiratoernooi en die Kearsney College toernooi gewen.

Die skaak was weer Super 16-wenners en 17 leerders het provinsiaal gespeel.

Die o/14A- en o/15A-krieketspan het die liga gewen. Die eerste hokkiespan was medewenners van die Super 16-trofee.

Die gemengde koor het tydens die Pretoria-Beeld Eisteddfod die trofeë vir beste skoolkoor en beste koor gewen. Die dansers, vokaliste en drama-deelnemers was ook wenners. Tydens die Centurion Eisteddfod is die koor ook as die beste koor aangewys.

Die junior en senior wenner van die individuele afdeling van die SA Gilde redenaars was Klofies. Bosman du Plessis het aan die ATKV-finaal deelgeneem. “Skole in duet” waar Waterkloof en Menlopark saam ’n konsert aanbied, is begin.

Vir die tweede keer was die skool die algehele wenner van die nasionale Afrikaans-Ekspo. By die Expo vir Jong Wetenskaplikes het die skool weer uitgeblink deur in twee afdelings die hoogste punte te behaal. Twee leerders het internasionaal deelgeneem.

2001

Vir die vyftiende agtereenvolgende jaar het die skool die Rentmeester interskole-atletiekkompetisie, insluitend die seuns- en dogtersafdelings, gewen.

Twee netbalspanne het die Super 16-kompetisie gewen; twee het Gauteng-Noordfinaal gewen; vyf het aan Noordvaaldag deelgeneem en die o/19-span het al hulle wedstryde tot by die SA-kampioenskap gewen.

Hokkie het die Super 16-kompetisie gewen en het 'n wenspan by Gauteng-Noordfinaal en Noordvaal gehad. Cormea Downing het aan 'n feestoernooi in Australië deelgeneem.

Tennis het die Super 16 gewen en die eerste seunspan het die Wayne Ferreiratoernooi die vyfde keer gewen. Vier spelers het vir die SA o/15-span internasionaal gespeel.

Die eerste skaakspan het Gauteng-Noord gewen en Pieter van der Merwe en Julian Spies het Suid-Afrika in Amerika verteenwoordig. Die 14-jarige Cecile van der Merwe is as die Suid-Afrikaanse dame ope en geslote kampioen aangewys en het in die buiteland presteer.

Die trompoppies het verskeie trofeë verower en Tessa Burger en Lize du Randt het Suid-Afrika in die buiteland verteenwoordig. Die o/14A-rugbyspan het die Beeldtrofee gewen en twee seuns is in die Cravenspan opgeneem.

Drie leerders het Suid-Afrika tydens die internasionale Expo vir Jong Wetenskaplikes verteenwoordig. Verskeie musiekleerders het nasionaal en internasionaal presteer. Die koor is weer as die beste hoërskoolkoor aangewys en hulle het verskeie trofeë in verskillende kompetisies ontvang.

Ballet het oral puik presteer en Charlene Gunter was die eerste Suid-Afrikaner in 15 jaar om aan die internasionale Adeline Geneé-kompetisie deel te neem. Kunsleerders het by alle kompetisies skoonskip gemaak.

2002

Vir die sestiende agtereenvolgende jaar het Klofies Die Rentmeester interskolebyeenkoms gewen. 12 medaljes is by die SA-kampioenskap verower.

Die koor is weer as beste hoërskoolkoor aangewys. Die seuns- en dogterlandloopspanne het die Noordvaalbyeenkoms gewen.

Drie netbalspanne het die Super 16 gewen en die skool het die prestasiebeker verower. Al 5 A-spanne het in die Gauteng-Noordfinaal gespeel; drie het gewen. Adéle Niemand is in die SA Skolespan opgeneem.

Hokkie het die Super 16 gewen en drie spanne het die Gauteng-Noordfinaal gewen. In die Noordvaalkompetisie was twee spanne wenners en een naaswenners.

Seunshokkie is begin. Die o/14-span was Gauteng-Noord B-ligawenners. Verskeie tennisspelers was nommer een in Suid-Afrika en twee spelers is vir die SA-skolespan gekies.

Vyf skaakspanne het in die liga gespeel – vier het gewen en en was naaswenners. Skaakspelers het Suid-Afrika internasionaal verteenwoordig en puik presteer.

Die o/14A-rugbyspan was Super 16 en Beeldtrofeewenners. Ses spelers is in die Cravenspan opgeneem. Meri-Lizette Pienaaar is as Gauteng se nommer 1-matrikulant aangewys met haar puik akademiese prestasie. Vir die derde keer in 5 jaar was die skool algehele wenners by die nasionale Afrikaans-Ekspo.

Sanmarie Kreuzhuber is as nasionale wenner van die Royal Academy of Dancing se beurskompetisie aangewys. Jan-Hendrik du Plessis het puik presteer in redenaars en is na België waar hy as spreker opgetree het.

In al die kultuurkompetisies het Klofies uitsonderlik presteer.

2004

Akademie

416 kandidate het die matriekeksamen voltooi. 90 kandidate slaag met ’n A-gemiddeld, terwyl 37 kandidate ses of meer onderskeidings behaal het. In totaal het die groep 709 onderskeidings behaal. 76,20% van die kandidate het met universiteitsvrystelling geslaag. Drie kandidate is onder die Gauteng Top 10, naamlik: Jo-Marie Schoeman (3de), Corné Conradie (4de) en Henk Burger (10de).

Danksy Hoërskool Waterkloof se matriekklas van 2004 is die skool as die TOP AKADEMIESE SKOOL in Gauteng aangewys.

Hannetjie Nell (gr. 12) het die hoogste punte in die nasionale Senior Tweetaligheidseksamen (Taalbond) behaal en Corli Meiring (gr. 12) eindig tweede. In die Junior Tweetaligheidseksamen behaal Heidi van Eeden (gr. 9) 'n 9de plek nasionaal.

Ekspo's en olimpiades

In die finale rondte van die Yskor Nasionale Wetenskapolimpiade het die graad 12-Klofies puik presteer. Peet van Wyk (gr. 11) en Abraham van den Berg (gr. 10) het die nasionale tegnologie olimpiade gewen.

Hoërskool Waterkloof se span het die Water Wiz Kids-kompetisie gewen wat deur Randwater en die Suid-Afrikaanse Instituut vir Siviele Ingenieurswese geborg is.

Hannetjie Nell (gr. 12) en Abraham van den Berg (gr. 10) het na die finale rondte van die Harmony SA Wiskunde Olimpiade deurgedring. Chantelle Coetzer het die derde plek in die UP landswye Wiskunde-kompetisie verower.

Ses Klofies was nasionale wenners in hulle onderskeie kategorieë in die Afrikaans-Ekspo.

Tydens die Noord-Gauteng en nasionale Ekspo vir Jong Wetenskaplikes het Klofies verskeie medaljes ontvang.

Atletiek

Tydens die Top 10 op 12 Februarie het Hoërskool Waterkloof tweede plek behaal met die atlete se gemidddelde punt 938 op die ABSA-tabel. Tydens die Rentmeester interskole op 28 Februarie wen Hoërskool Waterkloof die algehele-seuns- en dogterskompetisies vir die 18 de agtereenvolgende keer. By die USSASA Nasionale kampioenskap het Klofie-atlete 11 goue, 4 silwer en 3 bronsmedaljes verower. Tydens die ASA Nasionale jeug en juniorkampioenskap verower ons atlete 3 goue, 4 silwer en 2 bronsmedaljes. Ernst Hattingh en Brendon Clement is vir die Suid-Afrikaanse nasionale junior atletiekspan gekies wat aan die Wêreld Jeug Statebondspele in Australië deelgeneem het.

Die seuns het in die landloopligabyeenkomste algeheel tweede geëindig en die dogters eerste wat Hoërskool Waterkloof die wenskool gemaak het. Dit het meegebring dat beide spanne na die Noordvaal-finaal te Potchefstroom deurgedring het waar die dogters 'n algehele tweede plek verower het.

Netbal

Die netbalseisoen het baie goed begin toe die o/19A- en o/16A-span in Maart as OK-Grocer-kampioene, ’n landswye toernooi, gekroon is. Tydens die Michelin-reeks wen die o/14’s en die o/17’s. Die o/19’s was naaswenners en Hoërskool Waterkloof word as algehele wenners aangewys. Drie spanne wen die D4-distrikliga. 13 dogters het Gautengkleure verwerf.

Anerét Viljoen verwerf SA Kleure in die o/17-span en Simone van Heerden word in die SA o/19-skolespan opgeneem.

Vier spanne, naamlik o/14, o/15, o/16 en o/19, het gekwalifiseer om aan die GISSA-kompetisie deel te neem en sodoende vir Noordvaal te kwalifiseer. Die o/19’s was wenners en hulle het gekwalifiseer vir die Nasionale Kampioenskap. Hoërskool Waterkloof word weer as algehele wenners by die Noordvaaltoernooi aangewys. Die o/19’s is vir die tweede agtereenvolgende jaar as Nasionale Kampioene gekroon – die enigste skool wat dit nog ooit kon regkry.

Die hokkiedogters speel in die Grootskoleliga van die Gauteng-Noordliga. Vier spanne is ligawenners. Die O/15A- en die O/16A-span, is Gauteng-Noordwenners. In die Noordvaal-kompetisie is een span gesamentlike wenners. 21 dogters verwerf provinsiale kleure. Nerine Hattingh word as reserwe vir die SA O/16B-span aangewys. Die hokkieseuns neem aan die Gauteng-Noord B-liga deel en eindig algeheel tweede. Die o/14-span is ligawenners.

Skaak

Twee van die vier skaakligaspanne was wenners en twee naaswenners. Die skool wen ook die Michelin Premier Plus Reeks vir Top Hoërskole, die Grey Kollege interprovinsiale kampioenskap, die D4-finaal, die GISSA-finaal en kom tweede in die USSASA Top Skole kampioenskap. Op nasionale vlak was die skool silwer medaljewenners en is die heerskappy op skaakgebied na 8 goue jare beëindig.

Individuele spelers het eweneens gepresteer. Op nasionale en internasionale vlak neem Magriet van der Merwe deel aan die Wêreld Junior Skaakkampioenskappe in Griekeland, Carmen de Jager neem deel aan die Wêreld Amateur Skaakkampioenskap, waar sy die internasionale skaaktitel “FIDE vroue-kandidaatmeester” verwerf. Carmen is ook as die SA Vroue Geslote Skaakkampioen vir 2004 aangewys. Cecile van der Merwe wen die SA Vroue Ope Skaakkampioenskappe en verteenwoordig Suid-Afrika by die 36ste Wêreld-skaak-olimpiade in Spanje as lid van die Nasionale Senior Vrouespan, waar sy op bord een speel. Sy was ook een van slegs drie vroue in Afrika wat gekwalifiseer het om aan die Wêreld Vroue Skaakkampioenskap in Rusland deel te neem. Heinrich Stander het Suid-Afrika by die Wêreldskaak Jeugolimpiade in Indië, die Wêreld Junior Skaakkampioenskap in Griekeland en die Afrika Juniors in Zambië verteenwoordig.

Trompoppies

In Maart 2004 word Theulice Maree en Zahndri Prinsloo as deel van die SADMA-span (South African Drum Majorette Association) gekies. Altesaam ses dogters van Hoërskool Waterkloof is deel van die SADMA-span. Die ander vier dogters is: Lize du Randt, Danelle Oberem, Margit Louw en Chanel Stander.

Gholf

Twee spanne neem aan die Voorsitterstrofee deel. Die eerstespan dring tot die halfeindrondte deur. Henriëtte Frylinck word tot die Gauteng-Noord Hoërskolespan verkies, wat naaswenners van die Noordvaal-trofee was.

Die dogtersgholfspan was die wenners van die Gauteng-Noord Hoërskoleliga. M.J. Daffue is in die o/16-Gauteng Noord Gholfstigtingspan opgeneem.

Rugby

Negentien spanne het die 2004-seisoen deelgeneem. Tydens die Michelin-toernooi het die o/15A-span die finaal gewen. Die O/14A-span val in die halfeindrondte van die Beeld-trofee uit terwyl die O/16A-span in die finaal verloor. Die o/15A-span wen die Beeld-trofee vir die tweede agtereenvolgende jaar.

Nege seuns het die Blou Bulle by die Grant Kgomo-Cravenweek verteenwoordig. Drie spelers word in die SARVU Green Squad opgeneem.

Muurbal

Vier spelers is gekies om Gauteng-Noord by die SA Kampioenskap (USSASA) te verteenwoordig.

Krieket

Vyf seuns is deur na die finale o/15 P.G. Bison-proewe.

Tennis

Beide senior- en juniorspanne wen vir die sewende agtereenvolgende jaar die Michelin-kompetisie. Hanns Spangenberg en Adele van Niekerk is vir die SA-span gekies. Albei hierdie leerders was lede van die Gautengspan, wat die goue medalje by die SA-spele verwerf het.

Koor en orkes

Mev. Gisela de Villiers het ’n kamerkoor van 28 lede saamgestel wat gedurende die Julievakansie aan die Koorolimpiade in Bremen, Duitsland, deelgeneem het. Die koor het in twee kategorieë tydens die Olimpiade deelgeneem en in albei ’n silwer toekenning in die uitdunrondte ontvang. Die koor het op 31 Julie aan die finale rondte van die ATKV Applous Koorkompetisie in Bloemfontein deelgeneem en ’n goue toekenning ontvang.

Die koor het op 31 Julie aan die finale rondte van die ATKV Applous Koorkompetisie in Bloemfontein deelgeneem en ’n goue toekenning ontvang.

Die Blaasorkes neem aan verskeie kompetisies deel: die Mpumalanga- en Superliga-finaal. waar die orkes die kategorie vir blaasorkeste wen en algeheel derde eindig. Op 24 September 2004 het die orkes aan die Suid-Afrikaanse Konsert- en Marsorkeskompetisie te Springs deelgeneem en is gekroon as die Algehele Beste Konsertorkes in die land.

Redenaars

Tydens die redenaarskompetisie van die SA Gilde vir Spraak-en dramaonderwysers, is die Graad 11-Afrikaanse span, die Junior Tweetalige span en die Senior Tweetalige span as algehele wenners in die streek aangewys. Vian du Plessis is aangewys as algehele wenner van die senior Afrikaanse individuele kompetisie. Tydens die Onvoorbereide graad 11-redenaarskompetisie van die Afrikanerbond is Vian du Plessis as beste seunspreker aangewys en Gerda le Roux as beste dogter, beste taalgebruiker en algehele wenner.

Kilimandjaro

Dertig Klofies en drie onderwysers het as deel van die skool se kwarteeufees die hoogste berg in Afrika, Kilimandjaro, gedurende die Julievakansie aangepak.

Klofie-kapel en gedenkmuur

Die kapel en gedenkmuur is op 9 Maart 2004 onthul. Personeel en leerders wat oorlede is terwyl hulle aan die skool verbonde was, se name word op plaatjies op die muur aangebring.

Nuwe rekord

Een van die projekte om die 25-jarige bestaan van die skool te vier, het op 11 Februarie 2004 plaasgevind toe 16 071 leerders gelyktydig vir een minuut tande geborsel het om in die Guinness Book of World Records verewig te word.

Ekopark

Die ekopark is op 19 Maart 2004 geopen. Die doel daarvan is om natuurbewaring onder Klofies te bevorder. Buiteluglesings word daar aangebied.

2005

Akademie

446 kandidate het die Matriekeksamen voltooi. 67 kandidate slaag met ’n A-gemiddeld, terwyl 36 kandidate ses of meer onderskeidings behaal het. Die groep het 677 onderskeidings behaal. 77,8% van die kandidate het met universiteitsvrystelling geslaag. Chantelle Coetzer is tweede onder die Gauteng Top 10. Vyf kandidate is onder D4-Top 20

Expo vir Jong Wetenskaplikes

Jannes de Villiers het navorsing gedoen oor die faktore wat bydra tot die spesifieke verspreiding van twee soorte skerpioene. Hy het nie net ’n goue medalje verower nie, maar ook die hoogste toekenning, naamlik die Meiring Naude-prys ontvang. Hy is gekies om in 2006 aan die Taiwan Science Fair in Taipei deel te neem.

Lugvaart

Kabelo Tjatji en Bethuel Raseona is gekies om as deel van ’n span van ses (die Jong Valkespan) die Suid-Afrikaanse Lugmag by die wêreld se eerste internasionale lugvaart- en wetenskapolimpiade te verteenwoordig.

Ntkozo Simelane, ’n graad 12-leerder van die Akademie vir Lugvaart, het Suid-Afrika na afloop van die “Africa Space Challenge” in 2004, in Julie 2005 in Houston, Atlanta (VSA) by NASA verteenwoordig.

Ernst Conradie (groepleier), Philane Mkhize, Deon Nieuwoudt, Busisiswe Ndlazi en Erika Schade-Weskott is gekies om die SA Lugmag en Hoërskool Waterkloof by die Cranfield Universiteit se “Aerospace Challenge 2005” in Londen te verteenwoordig.

Atletiek

Die Top 10-byeenkoms het op 9 Februarie plaasgevind en Hoërskool Waterkloof het vierde geëindig. Klofie-atlete se gemidddelde punt was 958 op die ABSA-tabel. Tydens die PUK-interskole op 1 Maart het Hoërskool Waterkloof die algehele kompetisie vir die 19de keer gewen. Die dogters was eerste en die seuns tweede.

Vyf atlete het die onderskeiding behaal om in SA Skolespanne opgeneem te word naamlik: Brendon Clement, Pieter Smith, Willie de Beer, Gerlize de Klerk en Carla Hugo. Willie en Gerlize het tydens die Julie-vakansie aan die IAAF Junior Wêreldkampioenskap in Marokko deelgeneem. Brendon en Pieter het aan die Afrika Junior Kampioenskap in Tunisië deelgeneem. Carla is gekies om in Desember aan die Pacific Games in Australië deel te neem.

Landloop

Die landloopspan het die Michelin-reeks gewen. Die junior en senior dogters het die liga gewen en is gekies om die streek by die direkteursfinaal in Brits te verteenwoordig.

Netbal

Hoërskool Waterkloof is weereens as algehele wenners van die Michelin-reeks gekroon. Al vyf spanne het in die semifinaal gespeel. Die O/14’s- en O/17’s het gewen.

Vyftien dogters van verskillende ouderdomsgroepe het Gautengkleure verwerf. Erin Burger het SA-kleure vir haar deelname in die SA O/19A-span verwerf.

Vier spanne, naamlik O/14, O/15, O/17 en O/19, het gekwalifiseer om aan die GISSA-kompetisie deel te neem. O/14, O/15 en O/17 was GISSA-wenners en die O/19’s was vyfde. In die Noordvaal-toernooi het die O/14’s gewen en die O/19’s tweede geëindig. Hoërskool Waterkloof is ook hier as algehele wenner aangewys.

Hokkie

In die Michelin-reeks het die eerste dogterspan gewen en was die O/16A- en O/14A-span gesamentlike wenners in hulle ouderdomsgroepe. Hoërskool Waterkloof het algeheel eerste geëindig.

In die Grootskoleliga van die Gauteng-Noordliga was die O/14A- en die derde span ligawenners. Die O/14A- en die O/16A-span, was Gauteng-Noord wenners.

In die Noordvaal-kompetisie het die eerste span tot die semifinaal deurgedring en in die Noordvaal-Plaatkompetisie het die O/14A-span tot by die semifinaal gevorder. Die O/15A-span was naaswenners en die O/16A-span het as wenners uit die stryd getree.

26 dogters het provinsiale kleure verwerf. Hanli Hattingh is vir die SA O/16B-span gekies en Karien van Antwerpen is as reserwe vir die O/18-span, wat in 2006 aan 'n Nasionale O/21-toernooi deelgeneem het, aangewys.

Die seunshokkie het in 2005 die Gauteng-Noord B-liga gewen en skuif in 2006 op na die A-liga. Die O/14A- én die eerste span was ligawenners.

Skaak

Cecile van der Merwe was die eerste vrou wat toegelaat is om aan die SA Mans Geslote Kampioenskap deel te neem. Carmen de Jager het die SA Toernooi Direkteurseksamen met 87% geslaag en sodoende die jongste vroulike toernooidirekteur in die geskiedenis van SA-Skaak geword. Tydens die SA Ope Skaakkampioenskap in Julie was sy die gesamentlike wenner van die senior damesafdeling. Sy is ook gekies om SA in Indië en Zambië te verteenwoordig.

Heinrich Stander het geskiedenis gemaak toe hy in Januarie op 15 die jongste seun geword het om die gesogte 0/20 Afrika Kampioenskap in Zambië te wen. Hy stel 'n rekord op deur die jongste seun te word wat 'n Internasionale Meester is. Hy het aan die Senior Geslote SA Kampioenskap deelgeneem en in Julie 9 uit 11 spelle tydens die Wêreldkampioenskap in Frankryk gewen.

Trompoppies

Die trompoppies het tydens KANSA se Relay for Life-fondsinsameling opgetree. Tydens die Suid-Afrikaanse Trompoppie Kampioenskap wat gedurende die Julievakansie in Kaapstad plaasgevind het, het die trompoppies uitstekend gevaar. Eerste plekke is in die Onvoorbereide Vlagafdeling, Lang vlag trio en Nie-rekwisiet trio behaal. Lize du Randt is ook as die wenner in die Onvoorbereide Vlagafdeling aangewys. Maryke Nel, Junelize Swart en Zelda Wooler was die wenners van die Lang vlag trio.

Krieket

Steph le Roux en Eden Links (O/17) en Jeanré Joumat (O/19) is in die Noord-Gautengspan opgeneem.

Tennis

Beide senior en junior spanne het vir die agtste agtereenvolgende jaar die Michelin-reeks gewen. Die O/15A-span het die Gauteng-Noordliga gewen. Hulle het ook uitstekend gevaar deur die O/15-toernooi wat deur die Afrikaanse Hoër Seunskool aangebied is, te wen.

Gholf

Die Michelin-reeks is op 8 April 2005 by Lost City gespeel en die Klofiespan het ’n goeie tweede plek behaal. Nege spelers het aan die Gauteng-Noord Hoërskole Kampioenskap deelgeneem. Henriëtte Frylinck het ’n tweede plek in die netto-afdeling behaal.

Rugby

Tydens die Michelin-reeks het die O/14A – derde, die O/15A – vyfde, O/16A – eerste en die eerste span – derde plek behaal.

’n O/17-span van Hoërskool Waterkloof het die SANIX-toernooi in Japan bygewoon en drie van hul vyf wedstryde gewen. Hulle eindig uiteindelik derde in hierdie internasionale toernooi waar 16 lande teenwoordig was.

In die Blou Bul-finaal het die O/14A tweede geëindig en die O/16A en die eerste span het gewen. In die Beeldtrofee het die O/14A-span gewen, die O/16A’s het die trofee gedeel en die eerste span was naaswenners. Pieter Meyer het vir die O/19A Blou Bulle-span gespeel en hy en Stefan Watermeyer is vir die SA-skolespan, Wynand Willis vir die SA Skole B-span en Wiehahn Roos vir die SA O/18 Akademieweekspan gekies.

Perdry

’n Span is vir die eerste keer in die liga ingeskryf.

Musiek, kore en orkeste

Mev. Gisela de Villiers het as koorafrigter bedank en prof. Johann van der Sandt, internasionaal gerekende dirigent van die Universiteit van Pretoria, het die koor oorgeneem.

Nadat die Blaasorkes in beide die Gauteng Superliga en die Mpumalanga Superliga as beste Blaasorkes en algeheel beste Konsertorkes aangewys is, het hulle ook op 23 September by die SA- kampioenskap met die hoogste louere weggestap. Die Ensemble was ook eerste en mnr. Smith is as beste dirigent aangewys. Die orkes is vir die tweede jaar SA-kampioen.

Redenaars

Die junior tweetalige span was algehele wenners van die SA Gilde vir Spraak- en Dramaonderwysers se kompetisie.

2006

Akademie

Matriekuitslae: Slaagsyfer 100%: onderskeidings: 593; universiteitsvrystelling: 297 (76%) George Laing nr. 7; 30 kandidate met 6 of meer onderskeidings.

Minister N. Pandor het Hoërskool Waterkloof aangewys as die top wiskundeskool in die land. Op grond van die graad 12 HG-uitslae van 2006 is Hoërskool Waterkloof nou ingesluit in die Klub 100 wat bestaan uit skole wat 100 en meer suksesvolle HG kandidate gelewer het. Daar is slegs 12 hoërskole wat lid is van dié besondere klub.

Atletiek

In die Top 10-byeenkoms het Hoërskool Waterkloof het tweede geëindig. Klofie-atlete se gemidddelde punt was 932 op die ABSA-tabel. Met die B-span se Interhoër op 20 Februarie het die Klofies met die seuns-, dogters- en groottotaaltrofeë weggestap. Tydens die PUK-interskole het die skool die algehele kompetisie vir die twintigste keer gewen. Die dogters het hulle afdeling gewen.

Die SA-Kampioenskap is gedurende April in Pretoria en Sasolburg gehou. Willie de Beer, Kim Ludick, Claudine Jansen van Rensburg en Claudia Viljoen is as SA-kampioene gekroon Vier atlete het die onderskeiding behaal deur in SA-spanne opgeneem te word, naamlik: Claudia Viljoen, Claudine Jansen van Rensburg, Willie de Beer en Gerlize de Klerk. Claudia het Suid-Afrika in Madagaskar en Griekeland verteenwoordig, Claudine in Madagaskar, Mauritius en Sjina, Willie in Mauritius en Sjina en Gerlize in Namibië.

Landloop

Die O/19-dogters het eerste in die Michelin-reeks én die liga geëindig. Die O/15-dogters (het die liga, waaraan 34 skole in Pretoria deelgeneem het, gewen

Netbal

Die O/14-, O/15- en O/17-span het hulle wedstryde in die Michelin-reeks gewen. Vir die derde agtereenvolgende jaar het Hoërskool Waterkloof die trofee as algehele wenner verowerDie O/14A, B & C, O/15A, B, C & D, O/16A & C, O/19C & D was ligawenners. Gedurende die Gauteng-kampioenskap het die O/14A-, O/15A-, O/16A- en O/19A-span gewen. Hoërskool Waterkloof is as die algehele wenner en dus die beste netbalskool in Gauteng aangewys. Al vier spanne het tot die Noordvaal deurgedring. Tydens die Noordvaal-kampioenskap het die O/14A-, O/15A- en O/19A-span gewen. Hoërskool Waterkloof is as algehele wenner en die beste skool in Noordvaal aangewys. Die O/19A-span het die SA-kampioenskap gewen.

Hokkie – dogters

In die Michelin-reeks het die O/14A-span gewen. Die eerstespan was gesamentlike wenners in hulle ouderdomsgroep. Hoërskool Waterkloof het algeheel eerste geëindig. In die Grootskoleliga van die Gauteng-Noordliga vir groot skole was die O/14A-, O/14B- en die O/14C- span ligawenners. Die O/14A’s was gesamentlike wenners en die eerstespan Gauteng-Noord Grootskolewenners in die stadsbekerkompetisie. In die Noordvaal-kompetisie was die O/14A-span gesamentlike wenners en die eerstespan wenners.

Hanli Hattingh is vir die SA O/18A-span gekies wat in Argentinië aan 'n internasionale toernooi deelgeneem het.

Hokkie – seuns

Die vier spanne het vanjaar vir die eerste keer in die A-liga teen gerekende hokkieskole deelgeneem.

Skaak

Carmen de Jager is in April as die beste O/20-dogter by die SA Junior Geslote Skaakkampioenskap aangewys. Sy verteenwoordig Suid-Afrika tydens die Wêreld Junior O/20-Skaakkampioenskap in Armenië, Rusland en is ook die Suid-Afrikaanse Vroue Geslote Skaakkampioen van 2006.

Trompoppies

Tydens die Julievakansie het die trompoppies aan die SA Kampioenskap deelgeneem en algeheel vierde geëindig. Gedurende 2006 het vyf Klofies deel van die SA-span gevorm: Chanel Stander en Margit Louw (senior span), en Zuandré van Niekerk, Mirinda Blignaut en Lezani Joubert (junior span). Dié trompoppies is gekies om in 2007 aan 'n internasionale kompetisie in die VSA deel te neem en Nadia Marx is weer as hoofleidster gekies.

Krieket

In Oktober 2006 was die eerstespan nommer vier op die Super Sport Ranglys vir Top Krieketskole in Suid-Afrika.

Tennis

Beide senior en junior spanne het vir die agtste agtereenvolgende jaar die Michelin-reeks gewen. Die O/15A-dogterspan het die Gauteng-Noordliga gewen. Hulle het ook uitstekend gevaar deur die O/15-toernooi wat deur die Afrikaanse Hoër Meisieskool aangebied is, te wen.

Gholf

Die eerstespan het die Hoërskole Uitdaagreeks gewen en was die naaswenners in die Voorsitterstrofee-reeks en die Gauteng-Noord Hoërskoleliga

Klofie-gholf het sy tweede Junior Springbok opgelewer – MJ Daffue is die nommer een-speler op die Junior Ranglys in Suid-Afrika en presteer uitstekend tydens verskeie toernooie. Hy het Suid-Afrika onder andere verteenwoordig in Malawi (All Africa Golf Challenge) en Japan (World Cup vir Juniors) en is vir die Gauteng-Noord Senior Manspan én die O/23-span gekies wat aan die onderskeie SA Interprovinsiale Kampioenskappe deelgeneem het

Rugby

In die Blou Bul-finaal het die O/15A’s tweede geëindig en die O/16A en eerstespan was wenners. In die Beeldtrofee was die O/15A-, O/16A-en eerstespan naaswenners.

Marnus Schoeman, Stefan Watermeyer, Divan Kotzé, Wynand Willis en Aubrey McDonald is in die SA-Skolespan opgeneem en Corné Fourie is in die SA-Akademiespan opgeneem. Ons eerstespan het die onderskeiding behaal deur tot die eerste posisie op die ranglys van eerstespanne in Suid-Afrika op te skuif.

Kultuur

Shaun Bouwer in graad 12 het die graad 8 Unisa sangeksamen geslaag; was lid van die Nasionale Jeugkoor, Tukkies Jeugkoor en hoofseun van Hoërskool Waterkloof Koor. Hy is gekeur vir die Wêreldjeugkoor en as wenner van die komposisie afdeling van die Centurion Kunstefees aangewys.

Die Klofiekoor wen die Cantatuks Kooreisteddfod vir Jeugkore wat by die Universiteit van Pretoria aangebied is. Hulle ontvang 'n A+ sertifikaat by die Pretoria Eisteddfod. Hulle ontvang 'n goue toekenning by die ATKV Applous Streekskompetisie en dring deur na die finaal waar die koor 'n goue Disa-toekenning ontvang

Die Konsertorkes o.l.v. mnre. Danie Smith en Sampie Goosen het 'n toer na die VSA onderneem. Hulle was die eerste orkes in Afrika om 'n spesiale uitnodiging te ontvang om aan die American All Stars Music Competition in Orlando, Florida, deel te neem. Die orkes is as algehele wenners aangewys. Hulle het ook die “Esprit de Corp”-trofee as die orkes met die algeheel beste indruk en verhoogdissipline ontvang. Hulle het op 29 September aan die SA’s in die Ope-kategorie deelgeneem en is die derde agtereenvolgende jaar as SA Kampioene aangewys.

In die afdeling "Senior Afrikaans Beste Spreker" van die Suid-Afrikaanse Gilde vir Spraak- en Dramaonderwysers was Madder Steyn die algehele wenner.

In die Graad 11 onvoorbereide redenaarskompetisie was Christof van der Merwe en Madder Steyn die wenners.

Junior Stadsraad van Pretoria

Gerbrand Lindeque is as die nuwe Junior Onderburgemeester ingehuldig.

2007

Akademie

Aantal Matriekkandidate: 423; 100% slaagsyfer; 615 onderskeidings; universiteitsvrystelling: 74,7%; Heidi van Eeden: 16e in Gauteng; 32 kandidate met 6 of meer onderskeidings.

Atletiek

Die Top 10-byeenkoms het op 7 Februarie plaasgevind en Hoërskool Waterkloof het tweede geëindig. Ons atlete se gemidddelde punt was 973 op die ABSA-tabel. Tydens die PUK-interskole op 1 Maart het Hoërskool Waterkloof die algehele kompetisie vir die 21ste agtereenvolgende keer gewen. Die dogters was eerste en die seuns tweede.

Vier atlete is in SA-spanne opgeneem: Claudia Viljoen, Gerlize de Klerk, Willem le Roux en Juné Roelofse. Gerlize (goud) en Claudia (brons) het Suid-Afrika in Burkina Faso by die Afrika Junior Kampioenskap verteenwoordig. Willem le Roux het in die Tsjeggiese Republiek by die Wêreld Jeugkampioenskap deelgeneem.

Landloop

Die O/19-dogters het eerste in die Michelin-reeks en die liga geëindig. Die O/19-seuns en O/15-dogters het tweede in die liga, waaraan 34 skole in Pretoria deelgeneem het, geëindig.

Netbal

In die Michelin-reeks het vyf spanne, naamlik O/14, O/15, O/16, O/17 en O/19 in die semifinaal gespeel. O/14, O/15, O/16 en O/19 het hulle wedstryde gewen. Vir die vyfde agtereenvolgende jaar het Hoërskool Waterkloof die trofee as algehele wenner verower. Die volgende spanne was D4-ligawenners: O/14, O/15, O/16 en O/19; O/17. Al vyf dié spanne het na die Gauteng-kampioenskap deurgedring. O/14 en O/16 was Gauteng-wenners. Al vyf spanne het vir Noordvaal gekwalifiseer.

'n Merkwaardige prestasie is dat sewe van Hoërskool Waterkloof se eerstespan in die O/17- en die O/19-Gautengspan opgeneem is. In die Noordvaal-kompetisie het al vyf spanne in die semifinaal gespeel: O/15 en O/16 het die kompetisie gewen. Hoërskool Waterkloof is weereens, vir die vyfde agtereenvolgende jaar, as algehele wenners van dié kompetisie aangewys.

Tydens die USSASA-toernooi was Gerlize de Klerk, Tessa Swan en Colette Malan (O/19) onder die top 30 spelers in Suid-Afrika. Gerlize de Klerk is vir die SA Skolespan, wat gedurende November in die Verenigde Koninkryk gespeel het, gekies. Zizi Mzayidume (O/17) is in die O/17 SA Skolespan ingesluit.

Hokkie

dogters

In die Michelin-reeks het die O/14A-span derde geëindig, die eerstespan tweede en die O/15A en O/16A was gesamentlike wenners in hulle ouderdomsgroepe. Hoërskool Waterkloof het algeheel eerste geëindig. In die Grootskoleliga van die Gauteng-Noordliga was die O/14A-, O/16A- en eerstespan gesamentlike ligawenners en die O/15A-, O/15B- en O/15C-span ligawenners. In die Noordvaal-kompetisie was die eerstespan naaswenners en die O/15A’s wenners.

Aretha van Graan is vir die O/16 SA-oefengroep gekies en Hanli Hattingh vir die SA O/18A en O/21 Vroue, asook vir die nasionale oefengroep.

Die O/16-dogters het gedurende April 2007 'n suksesvolle toer na Maleisië onderneem. Die senior dogters het op uitnodiging in September aan die China Stars International Friendship Games in Beijing deelgeneem. Hulle het tweede geëindig. Karyn Dreyer is as Waterkloof se Speler van die Toernooi aangewys.

Hokkie

seuns

Die vier spanne het in die A-liga deelgeneem.

Skaak

Al die spanne het na die Gauteng-finaal deurgedring. Die eerste- en O/15-span was naaswenners, terwyl die tweedespan hul afdeling gewen het. Die eerstespan is na die SA Top Schools Toernooi in Kaapstad uitgenooi waar hulle algeheel derde geëindig het.

Trompoppies

12 dogters het SA-Kleure verwerf. Hulle het Suid-Afrika in April 2007 tydens 'n Internasionale Trompoppie Kampioenskap in die VSA verteenwoordig. Nadia Marx, Michelle Opperman en Michelle Bothma verteenwoordig Suid-Afrika op 'n soortgelyke kompetisie gedurende April 2008, ook in die VSA.

Krieket In Oktober 2007 was die eerstespan nommer twee op die Super Sport Ranglys vir Top Krieketskole in Suid-Afrika.

Dertien krieketspanne het aan die Pretoria-liga deelgeneem. Tydens dié liga het die eerstespan gewen.

Tennis

Beide senior- en juniorspanne het vir die tiende agtereenvolgende jaar die Michelin-reeks gewen. Die O/15A-dogterspan het die Gauteng-Noordliga gewen. Hulle het ook uitstekend gevaar deur die Liezl Huber O/15-toernooi, wat deur AHMP aangebied is, te wen.

Gholf

Die eerstespan het die Voorsitterstrofee en die Michelin/Tuks-reeks gewen. Hulle het ook die Hoërskole Uitdaagtoernooi gewen en gekwalifiseer om Gauteng-Noord by die SA Hoërskole kampioenskap te verteenwoordig waar hulle 'n vierde plek behaal het.

MJ Daffue is weer as junior Springbok gekies en het Suid-Afrika in België in die SAAB O/21 Internasionale Toernooi verteenwoordig.

Rugby

Tydens die Michelin-reeks het die O/14A- en O/16A-span eerste plek behaal. Hoërskool Waterkloof behaal 'n tweede plek in die rugbyafdeling van dié reeks.

Die eerstespan het in die Beeldtrofee-finaal tydens 'n naelbytstryd met slegs 14 spelers op die veld teen Hoërskool Florida gewen en die O/14A-span het teen Hoërskool Monument gewen. Die O/15A-span het in die finaal teen Hoërskool Monument verloor.

Peet Vorster is vir die SA Skole B-span gekies, Marnus Schoeman vir die SA Skolespan en Francois Brummer vir die SA O/19-span.

Perdry

Klofies se ruiters is by SANESA geregistreer en het vanjaar vierde uit 95 skole geëindig

KUNS EN KULTUUR

Tydens die Philip Moore Musiekkompetisie het Zack Ngcobo na die finale uitdunrondte deurgedring. Nhlanhla Mondlane en Tian Potgieter het elk goue sertifikate verwerf.

Skoolkoor

Hulle wen die tweede agtereenvolgende jaar die Cantatuks Kooreisteddfod vir Jeugkore wat van 11 – 12 Mei by Tukkies aangebied is. Hulle ontvang 'n Cum Laude-sertifikaat en R6000 prysgeld. Die koor ontvang 'n goue toekenning by die ATKV Applous Streekkompetisie en dring deur na die finaal. Die koor van Hoërskool Waterkloof is een van slegs vier gemengde hoërskoolkore landswyd wat na die finaal van die ATKV Applous Koorkompetisie in Pretoria deurdring. Hulle wen die afdeling vir Gemengde Kore, ontvang 'n Cum Laude-toekenning en word aangewys as die koor wat die beste voordrag van 'n voorgeskrewe werk lewer.

Konsertorkes

Die Konsertorkes het vir die vierde keer aan die Suid-Afrikaanse Konsertorkeskompetisie deelgeneem en was die wenners van: Algeheel Beste Indruk, Konsertdissipline en Netheid (vierde agtereenvolgende jaar) en Beste Ope-Konsertorkes (vierde agtereenvolgende jaar). Die orkes en afrigter, mnr. Danie Smith het vir die vierde agtereenvolgende jaar Nasionale Kleure ontvang.

Redenaars

Die graad 8-span en die graad 9-span was tydens die redenaarsfees van die Pretoriase Hoërskole Redenaarsvereniging wenners.

Piet Matipa (gr. 12) het die SA-finaal van die ATKV-Redenaarskompetisie vir Tweedetaalsprekers gewen.

Die junior tweetalige redenaarspan, bestaande uit Carla Taute, Meri du Randt, Lizelle Snyders en Riaan Groenwald was kompetisiewenners redenaarsfees van die Pretoriase Hoërskole Redenaarsvereniging.

Voortrekkers

12 Voortrekkers het die Presidentsverkennertoekenning ontvang.

2008

Akademie

394 kandidate het Matriek geskryf en almal het geslaag; 807 onderskeidings; universiteitsvrystelling: 90,36%; 34 kandidate met 7 of meer onderskeidings.

Weereens aangewys deur die Gauteng Departement van Onderwys as die topskool in Gauteng. Hoërskool Waterkloof is in 2008 vir die tweede keer as die top-Wiskundeskool in die land aangewys. Dié toekenning is gemaak op grond van die aantal leerders wat Wiskunde in 2007 op die hoër graad geslaag het.

Afrikaans

In die Afrikaans Olimpiade het Melinda Barkhuizen sesde plek en Lauren Cawood negende plek landswyd behaal. Ses leerders het die puik prestasie behaal om as algehele nasionale wenners in 'n afdeling tydens die nasionale Afrikaans-Ekspo gekroon te word

Wiskunde en Wetenskap

17 leerders (2 spanne) neem aan die Robotic Club deel en is besig met opleiding by TUT. Die leerders se robotte kan al op bevele reageer en die leerders is besig om voor te berei vir die kompetisie wat binnekort plaasvind.

96 leerders het aan die eerste rondte van die Wiskunde Olimpiade deelgeneem en 32 leerders het na die tweede rondte deurgedring. Interne wenners van die eerste rondte: Jurgen van Wyk 85%, Anthony Burgess en Bernard Haasbroek 80%, Carla Ubbink en Tawie Wolvaardt 70%.

J.W. Hurter en Susan van Graan, albei in graad 10, is deur “UP with Science” aanvaar. Hulle ontvang elkeen 'n beurs wat alle koste vir 'n graadkursus by UP dek.

Carla Ubbink, Donald Tsepang Ratlhogo en Shannon Petzer behaal 'n tweede plek uit 11 lande by die Cranfield Universiteit in Londen in die Aerospace Challenge 2008. Slegs ½ punt skei die eerste twee plekke.

Tydens die Nasionale Expo vir Jong Wetenskaplikes het die Klofies se Einsteins uitstekend gevaar deur ses goue en twee silwer medaljes te behaal. Drie van dié presteerders is gekies om volgende jaar aan internasionale Expo’s deel te neem: Suné Gerber neem aan die Internasionale Expo in Houston,Texas deel; Emelia Swart neem aan die ISE-Expo in Tunisië deel; Arno de Beer en Jason Dixon neem aan die Intel Science Fair in Amerika dee;lZoëgne du Preez het ook in Amerika deelgeneem.

KUNS EN KULTUUR

Musiek

Hermann Potgieter (gr. 12) het 'n Lisensiaat deur Trinity College verwerf en was algehele wenner van die Kunste Trust Nasionale Klavierkompetisie.

Skoolkoor

'n Meisieskoor is gestig. By die Pretoria Eisteddfod het albei die kore 2 A++ sertifikate ontvang en die Gemengde Koor is aangewys as die beste koor by die eisteddfod. Die Gemengde en Meisieskoor het die naweek van 31 Julie tot 2 Augustus 2008 aan die landswye finaal van die ATKV Applous Koorkompetisie deelgeneem. Die meisieskoor het in die Minder Ervare Afdeling vir Hoërskool Dogterskore deelgeneem en 'n goue toekenning ontvang en is as die wenner in hierdie afdeling aangewys. Die meisieskoor is ook as die algehele wenner van die Minder Ervare Hoërskoolkore-afdeling aangewys.

Die Gemengde Koor was tweede in hulle afdeling.

Konsertorkes

Die konsertorkes het aan die Suid-Afrikaanse Kampioenskap deelgeneem en verskeie afdelings gewen: Beste algemene indruk, konsertdissipline en netheid (vir die vyfde agtereenvolgende jaar); Ligte musiek ensembles en Ope-afdeling konsertorkeste (vir die vyfde agtereenvolgende jaar). Die orkeslede en afrigter het vir die vyfde agtereenvolgende jaar Nasionale Kleure ontvang. Samantha Jubber is die heel eerste orkeslid wat haar platinum Gauteng-Noordkleure ontvang het vir SA-wenners vier jaar in 'n ry.

Voortrekkers

21 matrieks het die Presidentsverkennertoekenning van die Voortrekkers verwerf.

Kilimandjaro

Vir die derde keer het 'n groep Klofies Kilimandjaro geklim. Hulle is vergesel deur me. Gerda Kleynhans en mnr. Jaco van Wyk.

Atletiek

Vir die eerste keer skryf Waterkloof 'n B-span vir die top 10-byeenkoms in en eindig in 'n baie goeie derde plek. Tydens die jaarlikse Top 10-byeenkoms het die Klofies in die tweede plek geëindig, slegs een punt na die wenners.

Die diepte van Waterkloof se atletiek is tydens ons B-span interhoër gewys toe 102 Klofies aan die nuut gestigte PUK-Interskole Groep 5-byeenkoms deelgeneem het en teen sterk skole se A- spanne vyfde gekom het. Op 26 Februarie, tydens die PUK-Interskole Groep 1-byeenkoms, het die A-span na 21 jaar nie gewen nie, maar in die tweede plek geëindig.

Hoërskool Waterkloof se atlete het weer eens 'n uitstaande jaar by die verskillende nasionale kampioenskappe beleef. Die Klofies het 29 medaljes verower: vier brons, ses silwer en negentien goud. Ruan Greyling, Patrick Maponya en Zanri van der Merwe was in aflosspanne wat SA-rekords verbeter het. Drie Klofies het individuele SA rekords verbeter: Zanri van der Merwe – verspring, Patrick Maponya – 300 meter hekkies en Francois Tredoux – 100 meter hekkies.

Die Klofies het ook in die internasionale arena puik presteer. Monja Goosen en Annika van Huyssteen, het Suid-Afrika op 'n internasionale byeenkoms verteenwoordig. Op die COSSASA Jeug Kampioenskap het Annika 'n goue medalje in die 400 meter en Monja 'n silwer medalje in die verspring en 'n goue medalje in die driesprong verwerf.

Bergfietsry

Hoërskool Waterkloof het puik gevaar tydens die interskole ligabyeenkomste en het vierde uit 45 skole geëindig. Dit was die eerste keer dat 'n span ingeskryf is en die ryers het baie goeie ondervinding opgedoen.

Gholf

Werner Ferreira is saam met Kirsten Kloppers tot die Gauteng-Noord Hoërskolespan verkies. Die toernooi is deur Gauteng-Noord gewen en Werner Ferreira het tweede geëindig. Hy is ook tot die Noordvaalspan verkies en in die Gauteng-Noord O/18 Gholfstigtingspan opgeneem. JD Oosthuizen, Reinhardt Blaauw, Kirsten Kloppers en Francois Oosthuizen verteenwoordig Gauteng-Noord Gholfstigting gereeld in driehoekige provinsiale toernooie.

Hokkie – Dogters

Hoërskool Waterkloof stap weereens met die louere weg as algehele wenners in die NuPower/Tuksreeks. Die O/14A-, O/16A- en eerste span was wenners in hul ouderdomsgroepe. In die Grootskole A1-liga was die O/14A-, O/16A-, O/16B-, O/16C- en die tweede span ligawenners. In die Stadsbekerkompetisie, sowel as in die Noordvaal, tree die O/14A- en O/16A-span as wenners uit die stryd. Vyf-en-dertig dogters verwerf provinsiale kleure.

Hokkie – Seuns

Die seunshokkiespanne handhaaf hulle baie goed in die A-liga. Die O/14-seuns was ligawenners. Elf seuns het in 2008 provinsiale kleure verwerf.

Krieket

Sewe leerders het Noord-Gauteng in Desember 2008 op die nasionale toernooie verteenwoordig.

Landloop

Na 'n goeie seisoen in die skoleliga bestaande uit vier wedlope, het die senior- en juniordogters deurgedring na die Noordvaalfinaal op 20 September te HTS Vereeniging. Vyf atlete het Gauteng-Noord op 6 September by die SA-kampioenskap te Middelburg verteenwoordig.

Netbal

Hoërskool Waterkloof was algehele wenners van die NuPower/Tuksreeks, Gauteng en “Schools Festival” (Noordvaal). Die hoogtepunt was die feit dat die O/19's weer die wenners van die SA-trofee was. In die NuPower/Tuksreeks het O/14, O/16 en O/19 die kompetisie gewen, terwyl O/15 en O/17 naaswenners was.

In die D4-liga het die O/19-span gewen. Tshwane is deur die O/19's gewen. Vyf spanne het na die Gauteng en Schools Festival deurgedring: O/19A en O/16A het gewen.

Netbalspelers wat vir Suid-Afrikaanse Skolespanne gekies is: Melissa Myburgh is vir die O/17-span gekies en Heike Schabort en Zizi Mziyadume vir die O/19-span. Zizi is ook as kaptein van dié span aangewys.

Die O/19-span is tydens die National Challenge as die beste O/19-Skolespan in Suid-Afrika aangewys. (Dié prestasie is in 2001, 2003, 2004 en 2006 ook behaal.)

Gedurende die seisoen het die O/19A-span 1 370 doele teenoor slegs 476 doele teen hulle, aangeteken – 'n fenomenale prestasie wat van hierdie span waardige wenners gemaak het.

Perdry

Die skool se perdryspan is geregistreer by SANEF en mnr. Johan Stander is die beskermheer. Hoërskool Waterkloof is as die algehele wenner van die afdeling in Hoërskole Perdesport, Gauteng-Noord, aangewys.

Rugby

Prestasies van die seisoen:

• O/14: NuPower Tuksreeks finaliste, Beeldtrofee Semi-finaal
• O/15A: NuPower Tuksreekswenners, Beeldtrofeewenners
• O/16A: NuPower Tuksreeks – 6de plek, Beeldtrofee Semi-finaal
• Eerste span: NuPower Tuksreeks – 3de plek; Beeldtrofeewenners

Die eerste rugbyspan het slegs een wedstryd verloor gedurende 2008, hulle het die derde posisie ingeneem onder alle eerste spanne in Suid-Afrika. Die span het ook ses O/18-Cravenweekspelers, vier O/18-Akademieweekspelers en drie O/19-Blou Bullespelers opgelewer. Die O/16-span het vier O/16-Grant Kgomospelers opgelewer en vyf O/16-Akademiespan-spelers.

Die O/15 A-, B- en C-span het nog 'n baie suksesvolle jaar afgesluit en al drie hierdie spanne is na twee jaar steeds onoorwonne. Die O/15B-span het selfs hierdie jaar teen verskeie A-spanne gespeel en steeds mooi oorwinnings behaal.

Klofies se rugby het ook die algehele trofee in die NuPower Tuksreeks gewen en met twee Beeldtrofee-spanne het ons die skool weer die stempel as een van die top rugbyskole in SA afgedruk.

Skaak

'n Skaaksentrum wat vier akademies insluit, is gestig: Sport-Opvoeding Skaak, NUSA (Na-ure Skaak-akademie), “Training of Trainers”-akademie en “School for young Stars”-akademie. Al vier dié akademies het puik prestasies gelewer en verskeie van ons lede het Suid-Afrika internasionaal verteenwoordig of het provinsiale kleure verwerf.

Ons is trots op IM Watu Kobese wat SA vanjaar by vier wêreldklastoernooie verteenwoordig het. Hy het ook vanjaar die SA Ope Skaakkampioenskap en die Waterkloof Prestige Internasionale Toernooi gewen; Klofies se eerste span wat Gauteng Kampioene is; Klofies se O/15A-span wat Gauteng naaswenners is; Klofies se tweede span wat vir die vierde agtereenvolgende jaar onoorwonne D4-wenner is; nege Klofies wat in 2008 provinsiale kleure verwerf en in Desember aan die SA Junior Skaakkampioenskap deelgeneem het.

Danksy ons borge is verskeie suksesvolle satelliet akademies vir skaak in agtergeblewe gemeenskappe gestig.

Sokker

Sokker het in sy tweede bestaansjaar by Hoërskool Waterkloof weereens 'n baie geslaagde seisoen beleef onder afrigterskap van mnr. André Fick. Hoërskool Waterkloof is in 2007 na die O/20 tweede afdeling gepromoveer en het tweede in geëindig.

Tennis

Klofies het die NuPower/Tuksreeks in die O/15 en bo/15 afdeling gewen. Elf van die spelers is vir die Gauteng-Noord Hoërskole-span gekies. Bernard Schoeman is vir die derde jaar vir die SA-span gekies.

Gedurende die Amanda Coetzer-toernooi is Welma Luüs as die beste nr. 1-speler aangewys. Sy het hierdie prestasie ook by die Gizelle Davin-toernooi in Stellenbosch herhaal. Klofies het tweede geëindig. 17 Klofie-spanne het aan die Gauteng-Noord Hoërskole-liga deelgeneem het. Die O/15A-seuns en -dogters het albei hulle liga gewen.

Trompoppies

Die buitenshuise span het tydens die SA-kampioenskap (te Oudtshoorn) algeheel derde geëindig. Die binneshuise span het derde in Suid-Afrika geëindig. Die TRIO-troep, het ook 'n goue medalje verower. Verskeie dogters het senior Gauteng Kleure vir trompoppies, asook S.A.D.M.A.-kleure, verwerf. Dié dogters gaan onderskeidelik hul provinsie tydens die 2009 SA-Kampioenskap en Suid-Afrika op 'n internasionale kompetisie in 2009 in die VSA, verteenwoordig.

2009

Akademie

Mev. Helena Coetzee het die besondere eer te beurt geval om die eerste Suid-Afrikaner te word om die internasionale Pre-University Teacher’s Award op 20 November 2009 in New Brunswick in New Jersey in die VSA te ontvang vir haar buitengewone bydrae op wetenskaplike en tegnologiese gebied.

Matriekuitslae

Hoërskool Waterkloof is op 7 Januarie 2010 tydens die “Aankondiging van die Matriekuitslae”, 'n funksie wat gehou is deur die LUR vir Onderwys, Me Barbara Creecy, as: Top Presterende Skool in kwantiel 5 en Topskool in Gauteng van 2009, aangewys.

361 kandidate het die volle eksamen geskryf en almal het geslaag; 800 onderskeidings is behaal; 85,9% het universiteitsvrystelling behaal;18 kandidate het 7 en meer onderskeidings. Vir die 19de keer het die skool 100% slaagsyfer. 22 vakke het 'n gemiddeld van 70% of hoër.

Expo vir Jong Wetenskaplikes

Internasionale deelname

Klofies neem aan drie internasionale wetenskapuitstallings deel. Hierdie leerders het nie net uitstekend vertoon nie, maar verskeie internasionale pryse verower. Arno de Klerk en Jason Dixon neem aan die Intel ISEF-Science Fair in Remo, Nevada, VSA deel. Hierdie seuns ontwerp 'n nuwe manier om bosluise van wild soos buffels te verwyder. Hulle wen 'n $1 000-prys in die veeartsnykunde. Algeheel word hulle taak derde in die groepstake geplaas. Emelia Swart neem aan die MILSET Science Fair in Tunisië deel. Haar taak het gehandel oor allelopatie in die Landbou. Suné Gerber neem aan die International Sustainable World Project Olympiad in Houston, VSA deel. Sy het 'n taak oor “The efficiency of propellers” gedoen. Hierdie veelsydige meisie wen 'n $1 000-prys en 'n goue medalje. Sy word ook gekies om aan die Girls on Ice-projek deel te neem.

Robotika

Die robotmeisiespan was die algehele wenners van die Suid-Afrikaanse FLL-Robotic-kompetisie en het gevolglik gekwalifiseer om in April 2009 aan die Wêreld FLL-kampioenskap in Atlanta te gaan deelneemDie robotmeisies is as algehele wenners in die navorsingsafdeling aangewys. Mev. H Coetzee is as die beste afrigter aangewys.

Akademie vir Lugvaart en Tegnologie

Vanaf 2008 word Lugvaartkunde as 'n keusevak in graad 8 en 9 aangebied. Bo en behalwe die teorie in die klas word modelvliegtuie gebou vir die praktiese komponent. Vanaf graad 10 tot 12 word 'n gespesialiseerde kursus in lugvaart- en verwante loopbane gevolg, met insluiting van 'n wêreldklas grondskool en vliegopleiding by uitgesoekte vliegskole.

Hoërskool Waterkloof neem ook jaarliks deel aan die International Aerospace Summer School wat by Cranfield, 'n universiteit in Engeland, gehou word. 10 lande neem aan die kompetisie deel en Suid-Afrika (Hoërskool Waterkloof) is jaarliks onder die top 5 lande.

Afrikaans-Ekspo

Die leerders van Hoërskool Waterkloof het op die Nasionale vlak van die Afrikaans-Ekspo puik presteer. Hulle het 25 goud, 49 silwer en een brons medalje verower. Ses leerders is as nasionale wenners aangewys.

Redenaars

Die redenaars het skitterend presteer. Tydens die Pretoria Hoërskole Redenaarsfees het Ané de Wet, as junior redenaar, die eerste plek behaal. Carli Grobbelaar wat as senior redenaar deelgeneem het, het die tweede plek verower. Die Graad 11-span was algehele wenners.

In die junior tweetalige afdeling is Carl-Adriaan Hugo as algehele wenner aangewys. Tydens die ATKV-redenaarskompetisie het. Jannes Badenhorst het aan die nasionale eindrondte in Bloemfontein deelgeneem.

Daar word jaarliks 'n graad 11 onvoorbereide kompetisie gehou, waartydens Jannes Badenhorst as algehele wenner aangewys is.

English team orators

Drie van die Engelse spanne het na die finaal deurgedring, waarvan twee gewen het.. Die senior tweetalige span r het die senior tweetalige kompetisie gewen.

Beeldende kunste

Hoërskool Waterkloof het uitstekend gevaar in die 2009 Pretoria Eisteddfod. In Ontwerp het 10 leerders 'n A; 12 leerders 'n A+ en 12 leerders 'n A++ verwerf. In Visuele kuns het 9 leerders 'n A en 3 leerders 'n A+ verwerf. Suné Gerber is aangewys as algehele wenner vir tekenkuns en Stella Marais as algehele wenner vir ontwerp.

Dans

Die deelname aan die Eisteddfod was 'n groot sukses met 'n algehele gemiddeld van 85%. Die dansers het ook drie trofeë verwerf.

Voortrekkers

13 graad 12-leerders het die Presidents-verkennertoekenning ontvang.

Konsertorkes

Die orkes het 'n baie suksesvolle Europese toer gehad en daarna aan die Suid-Afrikaanse Konsertorkeskampioenskap deelgeneem. Hulle het die volgende prestasies behaal (vir die sesde agtereenvolgende jaar): eerste plek vir beste algemene indruk, konsertdissipline en netheid; beste opekonsertorkes en is as die algeheel beste konsertorkes vir 2009 aangewys. Mnr. Danie Smith is as dirigent van die jaar aangewys.

Koor

Tydens die ATKV Applous Koorkompetisie is die koor as een van net drie gemengde hoërskoolkore landswyd, as 'n finalis in die kompetisie aangewys

MIAGI

MIAGI (Music is a great investment) – hierdie internasionale musiekorganisasie leef die visie uit om aan alle bevolkingsgroepe musiek as 'n vertroostende, helende krag te bied. Met die daaglikse beoefening daarvan, behou kinders hulle innerlike skoonheid en onskuld. Catherine en Fraser Schenck het die orkestoer na Duitsland meegemaak waarvan die hoogtepunt die optrede in die Konzerthaus in Berlyn tydens die Young Euro Music Festival was.

Atletiek

Tydens die jaarlikse Top 10-byeenkoms by die Ruimsig stadion, het die Klofies in die tweede plek geëindig.

Die diepte van Hoërskool Waterkloof se atletiek is tydens ons B-span se Interhoër, PUK-Interskole Groep 5 byeenkoms bewys. Teen sterk skole se A-spanne het ons seuns sewende, ons dogters sesde en die atletiekspan algeheel vyfde geëindig. 39 medaljes is ingepalm.

Tydens die PUK-Interskole Groep 1 byeenkoms, het die A-span puik presteer. Daar was 27 prestasies bo 900 ABSA-punte. Van die 22 rekords is 7 deur Klofies aangeteken. Francois Tredoux, Irné Herbst en Zanri van der Merwe het individuele trofeë verower. Die dogters en die seuns het in die tweede plek geëindig en Hoërskool Waterkloof was vir die 22 ste keer die algehele wenner.

Op nasionale vlak het die Klofies 21 medaljes verower: vyf brons, vier silwer en twaalf goud.

Juné Roelofse, Melissa Harmse en Zanri van der Merwe het Suid-Afrika op internasionale byeenkomste verteenwoordig. Op die Suidelike-Afrika Jeugbyeenkoms het Melissa 'n brons medalje in die 400 meter hekkies verwerf, Juné goud in die hoogspring en Zanri silwer in die 200 meter en goud in die 1000 m aflos en verspring. Zanri is ook vir die SA Skolespan gekies. Melissa en Zanri het Suid-Afrika op die Wêreld Jeug Kampioenskappe in Italië verteenwoordig.

Hokkie – Dogters

Theané Guthrie (O/18) en Welma Luüs (O/17) is vir SA-spanne gekies. Die eerste- en O/15A-span het die Noordvaaltrofee oortuigend gewen. 35 dogters is vir Noord-Gautengspanne gekies. Die eerstespan het vierde in die St Mary’s Feestoernooi geëindig. Die O/15A-span was Stadsbekerwenners. Die tweede-, O/15A-, O/15B- en O/14B-span het hulle NuPower/Tuksreeks gewen. Die eerste-, tweede-, derde-, O/15A- en O/15B-span was ligawenners.

Hokkie – Seuns

gewen het; die span het algeheel eerste in NuPower/Tuksreeks geëindig; agt seuns is vir Noord-Gautengspanne gekies en die eerstespan het aan die Aitkentrofee-kompetisie deelgeneem.

Gholf

Die eerste span het die SA Hoërskoletoernooi, NuPower/Tuksreeks en Gauteng-Noord Hoërskoletoernooi gewen. Hulle was naaswenners in die Gauteng-Noord Spanuitdaagtoernooi, Voorsitterstrofee, Super Six Cuptoernooi en het 'n goue medalje tydens die internasionale St. John’s-toernooi verwerf.

Krieket

Vyf Klofiesis in die Gauteng-Noordspan in die onderskeie ouderdomsgroepe opgeneem: O/15A: Danru Ferns, Sean Phillips en Frederik Andersen. O/19A: Vukosi Bamuza en André Malan in die Northerns-span. André is in die SA-skolespan opgeneem. Klofie-afrigters, mnr. N. de Villiers (O/19) en Johan Muller (O/17), is as spanbestuurders van die provinsiale spanne aangestel.

In die plaaslike liga het die O/15A-span die Noordvaal-trofee ingepalm en die O/14A-span was ligawenners.

Landloop

Die senior dogters het elke byeenkoms derde uit 38 skole geëindig. Tien atlete het aan die AGN-Landloopkampioenskap deelgeneem en ses aan die Gauteng Kampioenskap.

Netbal

2009 was 'n baie suksesvolle netbalseisoen. Die wenners in die verskillende kampioenskappe: D4 -liga: O/18B, O/17B, O/16A, O/16B, O/16C en O/15C. Gauteng Kampioenskap: O/16A en O/14A. School’s Sport Festival:O/18A (onbeslis), O/16A (onbeslis) en O/15A is naaswenners

Vyftien Klofie-netbalspelers en twee afrigters het Gauteng by die SA Skole-kampioenskap verteenwoordig. Suné de Villiers en Melissa Myburgh, is onderskeidelik in die SA O/17- en SA O/18-skolespan opgeneem.

Perdry

Die span is as die wenners van die D4 mediumskole kompetisie (bereken volgens die aantal ruiters) aangewys.

Rugby

Hoërskool Waterkloof is in 2009 weer as die algehele wenner van die NuPower/Tuksreeks rugbykompetisie aangewys. Die O/14- en O/16-span eindig eerste; die O/15-span tweede en eerstespan derde. Drie spanne het in 2009 in die Beeldtrofee finaal gespeel. Die O/14-span en teen HTS Middelburg (39/9). Dié span het slegs een wedstryd gedurende die seisoen verloor. Die O/16-span wen teen Hoërskool Marais Viljoen (34/13). Dié span het ses finale in 'n ry gewen. Hulle het oor 'n tydperk van drie jaar 57 uit 58 wedstryde gewen.

Die Eerstespan verloor teen Hoërskool Monument (32/20).

In 2009 het Hoërskool Waterkloof 33 provinsiale spelers opgelewer. Lean Schwartz is in 2009 vir die SA O/18-Akademiespan gekies en is vir die SA O/19-oefengroep gekies. Gerno Eksteen en Lean Schwartz is vir die SA O/18 SARU-oefengroep gekies. Quinten Kruger, Schalk van Heerden en Faf de Klerk was lede van die SA-Akademiespan.

Sewe Klofies het vir die O/18-Cravenweekspan in Oos-Londen gespeel: Lean Schwartz (kaptein), Jacques Momberg, Herman Basson, Gerno Eksteen, Pierre Lombard, Anton Kruger en Jacques Lombard. Vier Klofies is vir nasionale spanne verkies.

Skaak

In spanverband het die Klofies puik presteer: NuPower/Tuksreekswenners, D4-wenners, Gauteng Top Schools-wenners op top ses borde en SA Top Schools-naaswenners. Individuele Klofies het ook uitgeblink: elf het provinsiale kleure en vier nasionale kleure behaal. Hendri de Klerk het 'n internasionale FIDE gradering en Jeandré du Randt het 'n goue medalje by die Wêreld O/16 Skaak-Olimpiade in Turkye gewen.

Die Waterkloof Skaaksentrum het 'n geskiedkundige mylpaal bereik deur 'n satelliet-akademie by vyf skole in Mamelodi/Eersterust te begin.

Twee ontwikkelingstoernooie is met groot sukses in Mamelodi en Eersterus aangebied.

Negentien Klofies het in Noorweë aan die Arctic Chess Challenge deelgeneem en drie Klofies het in die Top 10 van hul graderingsgroep geëindig. Frankryk is ook besoek.

Sokker

Die 2009-seisoen was baie geslaagd. 'n O/15-span is ook in die liga ingeskryf.

Tennis

Tien spelers is vir die Gauteng-Noord hoërskolespan gekies en Bernard Schoeman, Welma Luüs, Anél Luüs en Johan Hattingh is ook vir die SA-hoërskolespan gekies. Hoërskool Waterkloof was weer algehele wenners van die NuPower-Tuksreeks en het vir die eerste keer aan die St Benedict’s fees deelgeneem en dié toernooi gewen. Klofies het sewentien spanne vir die liga ingeskryf. Die O/15A- en O/15D-seunspan het die liga gewen. Bo/15-dogters het gelyk eerste saam met Clapham High School geëindig.

Trompoppies

Saam met die span en afrigters, Cornel Bezuidenhout, Tessa Burger en Jaco Swanepoel kan die Trompoppies terugkyk op 'n uiters suksesvolle jaar waarin hulle in die ligakompetisies en provinsiale kompetisies goed presteer het. Tydens die Suid-Afrikaanse kompetisie in Bloemfontein het die buitenshuise afdeling (Groot groep onvoorbereid) 'n brons medalje ontvang; die binneshuise afdeling (kleingroep), die buitenshuise afdeling (groot groep) en die kampioen van kampioene-afdeling het almal 'n silwer medalje ontvang. Die trio’s het twee gopue medaljes ontvang. Carmia Essakow en Mirinda Blignaut het SADMA-kleure (SA) ontvang en Anna-Lotte Retief het Protea-kleure ontvang. Anne-Lotte het as lid van die SA-span in die VSA deelgeneem.

2010

Akademie

345 kandidate het die volle Matriekeksamen geskryf; 100% slaag; 915 onderskeidings, 90,14% universiteitsvrystelling; 100% slaagsyfer vir die 20ste opeenvolgende jaar.

Aangewys as nr. 1 skool in Gauteng: 22 vakke het 'n gemiddeld van 70%+ behaal.

Ekspo

Hoërskool Waterkloof se leerders het tydens die nasionale Afrikaans-Ekspo 24 goue, 32 silwer, en 8 brons sertifikate verwerf.

Al die leerders wat na die Noord-Gauteng-Expo vir Jong Wetenskaplikes deurgedring het, het medaljes behaal. Vyftien take het goue medaljes ontvang. Tien take is gekies om by die Nasionale Expo vir Jong Wetenskaplikes uit te stal. Monique Gerber en Jeandré du Randt het goue medaljes ontvang. Twee leerders, nl. Monique Gerber en Laura Meyer, is vir die span wat oorsee deelgeneem het, gekies.

Robotika

Klofies se Robotika-span, Super Boom, het in Junie aan die FLL Open European Robotics-kompetisie in Istanbul, Turkye, deelgeneem. Daar was 55 spanne van regoor die wêreld. Die spanhet uitstekend gevaar en is as algehele naaswenners aangewys. Hulle is. as wenners in die robotontwerp-afdeling aangewys en was finaliste in die spangees-, spanwerk- en robotprogrammering-afdeling. Tydens die kompetisie het hulle 100% vir hul robot se funksionering gekry toe hul robot die baan foutloos voltooi het.

Redenaars

2010 was 'n groot jaar vir redenaars. Nie alleen was Hoërskool Waterkloof die enigste skool in Pretoria wat twee senior redenaars in die ATKV-finaal gehad het nie, maar die skool het ook wenners in die Noord-Gauteng Van Huyssteen-oratorsfees gehad.

Tydens die spanredenaarskompetisie het die graad 11- en graad 12-span hulle afdelings gewen. Ané de Wet is as beste graad 9-redenaar.

Die graad 9-span in die English Orators-afdeling is as wenners aangewys.

Musiek en orkeste

Agt Klofies het die eer te beurt geval om lede te kon wees van die Simfonia Juventi-jeugorkes.

Die konsertorkes se vier groepe het aan die 2010 Suid-Afrikaanse Kampioenskap deelgeneem. In die Ensemble-kategorie het die Saksofoon Oktet die tweede plek en die Con Gusto Ligtemusiek-ensemble die eerste plek behaal. In die konsertorkesafdeling het die Con Brio Ligtemusiek-orkes die tweede plek en die Hoërskool Waterkloof Konsertorkes vir die sewende jaar die eerste plek behaal. Die orkes het ook vir die sewende keer die trofee vir Beste Algemene Indruk, Konsertdissipline en Netheid verower. Mnr. Danie Smith is as die Dirigent van die Jaar aangewys. Renée Hartzenberg het haar S.A. Platinum Erewapen vir vyf agtereenvolgende jaar as lid van die orkes wat die SA’s ononderbroke wen, ontvang. By die Pretoria Eisteddfod het die konsertokes 'n A+ ontvang asook 'n diploma (bo 95%) by die National Eisteddfod Academy.

Die Interskole Serenadekompetisie is in 2010 die eerste keer op skoolvlak aangebied.

In die kunswedstryd het leerders in 'n wye verskeidenheid instrumentale en vokale afdelings meegeding. Topprestasies is gelewer. Monique van Alphen was 'n afdelings- sowel as beurswenner vir haar fluitspel. Renée Hartzenberg is saam met Monique aangewys as algehele wenners vir die beste concerto. Deidre Ilsley het op die Grahamstadse Kunstefees as solis saam met die Tshwane Jeugorkes opgetree. Sy het ook 3 A++ sertifikate en 'n trofee vir die beste kunslied verower. Susan en Jacques Tredoux het 'n wisseltrofee vir die Beste Senior Blokfluitensemble ontvang.

Hoërskool Waterkloof het in die 2010 Pretoria Eisteddfod se Beeldende Kunste-afdeling puik gevaar. In al die afdelings, naamlik tekenkuns, skilder en ontwerp was Waterkloof die algehele wenners. Ses kategoriewenners was ook Klofies

Voortrekkers

14 matrikulante het die Presidentsverkennertoekenning behaal.

Toneel en dans

Twee Engelse en twee Afrikaanse tonele is op die planke gebring. Hoërskool Waterkloof se Dansakademie is aangewys as die top Dansakademie in die hele Gauteng met 'n gemiddeld van 82%.

Atletiek

Tydens die TUT Top 12-byeenkoms lewer die Klofies weer 16 prestasies bo 900 ABSA punte, waarvan 7 bo 1000 punte was. Die seuns eindig tweede. Tydens Noordheuwel se Top 10-byeenkoms by die Ruimsigstadion, het die Klofiespuik prestasies gelewer. Vier prestasies was bo 900 ABSA punte, waarvan 3 bo 1000 punte was. By Tuks se Top 10 byeenkoms lewer die Klofies 9 prestasies bo 900 ABSA punte, waarvan 2 bo 1000 punte was. Die diepte van Waterkloof se atletiek is tydens die B-span se Interhoër gewys. Op 24 Februarie het die Klofies aan die PUK-Interskole Groep 5-byeenkoms deelgeneem. Teen sterk skole se A-spanne eindig die seuns 3de, die dogters 2de en Hoërskool Waterkloof tree as die algehele wenners uit die stryd. Die Klofies palm 17 goue medaljes in en die senior dogterspan word as die wenners aangewys. Op 2 Maart, tydens die PUK-Interskole Groep 1-byeenkoms op Rustenburg, het die A-span weer goed presteer. Daar was 20 prestasies bo 900 Absapunte. Lendo Greyling verbeter die rekord in die seuns O/14 400 meter. Die seuns eindig in die tweede plek, en Waterkloof eindig vir die eerste keer derde in die algehele kompetisie. In 2010 het Hoërskool Waterkloof se atlete weereens ’n uitstaande jaar by die verskillende nasionale kampioenskappe beleef. Die Klofies het 12 medaljes verower, waarvan 4 brons, 1 silwer en 7 goud. Ruan Greyling het Suid-Afrika op drie internasionale byeenkomste verteenwoordig. Hy is eers vir die SA Skolespan gekies, en verower ’n silwer medalje in die 400 meter by die COSSASA byeenkoms in Botswana. Hy was ook deel van die span wat die goue medalje in die 1000 meter aflos gewen het. Op die Suidelike Afrika Jeugbyeenkoms in Botswana verower hy 'n goue medalje in die 400 meter. Die hoogtepunt van sy seisoen was in Augustus toe hy vir Suid-Afrika aan die eerste Jeug Olimpiese Spele in Singapoer deelgeneem het. Tydens die uitdun teken hy die beste tyd van sy loopbaan aan. Ruan verras toe hy in die finaal weer ’n persoonlike beste tyd aanteken en in baan agt die silwermedalje verower.

Bergfiets

Die Klofie-Bergfietsryers het in 2010 besonder goed presteer en die span is as die skole-bergfietskampioen gekroon. Die reeks het uit drie ligabyeenkomste bestaan waarvan Hoërskool Waterkloof al drie gewen het en ook as die reekswenner gekroon is. Ongeveer 70 skole het deelgeneem.

Gholf

NuPower/Tuks-reeks: Waterkloof het tweede in die NuPower/Tuks-reeks en by die Gauteng-Noord Hoërskole-kampioenskap geëindig.

Hokkie – dogters

Welma Luüs is vir die O/18 SA-span gekies en speel vir die O/17 SA-span in die nasionale O/21-toernooi. 40 dogters word in Noord-Gautengspanne gekies. Die O/14A-, O/16A- en eerste span is Stadsbekerwenners. Klofies is algehele wenners van die NuPower/ Tuksreeks. Die eerste-, tweede-, O/15A- en O/16A-span wen hul kompetisie in die NuPower/Tuksreeks. Die eerste-, tweede-, derde-, O/16A-, O/16B-, O/14A- en O/14B-span is ligawenners. Die O/16A- en O/14A-span is naaswenners in die Noordvaalkompetisie.

Hokkie – seuns

Ses spanne het aan die liga deelgeneem en die O/14A- en O16B-span het hul onderskeie ligas gewen.

Die O/16A-span het die NuPower-Tuksreeks gewen: 9 seuns is vir Noord-Gautengspanne gekies; die eerstespan het 'n vriendskaplike wedstryd teen Warwick, 'n span van Engeland, gespeel.

Krieket

Die SA Homeloans Binnenshuise Krieketfasiliteit is vroeg in 2010 in gebruik geneem. Buiten dat die skoolspanne en krieketakademie onder gunstige omstandighede oefen, word daar ook goeie werk deur goedgekwalifiseerde buite-afrigters gedoen deur die aanbieding van individuele sessies. In die plaaslike liga het die O/15A-span die Noordvaal-trofee ingepalm. Die O/14A-span was ligawenners.

Landloop

Op Maandag 19 Julie is 'n Klofie massa-landloop by die skool gehou. 1200 Klofies het aan die wedloop oor 2 kilometer deelgeneem. Sewe Klofies eindig onder die top 20 in hulle ouderdomsgroepe tydens die Gauteng-Noord Kampioenskap. Ses Klofies word vir die Distrikspan gekies. Agt Klofies word vir die Gauteng-Noordspan gekies om aan die SA kampioenskap deel te neem.

Netbal

Hoërskool Waterkloof was weereens algehele wenners van die NuPower Tuksreeks. Die O/15A was wenners, terwyl die O/14A en O/16A tweede was; O/17A en O/18A was derde. Tydens D4 en Tshwaneligas het al vyf die A-spanne gekwalifiseer vir die Gautengkamp en O/14A, O/15A, O/16A en O/18A vir Schools’ Festival.

Verskeie Klofie-netbalspelers het Gauteng by die SA Skole kampioenskap verteenwoordig.

Perdry

Gedurende 2010 het Hoërskool Waterkloof 19 perderuiters gehad en in die Grootskole-kategorie deelgeneem. Van die ruiters het aan die uithouwedrenne deelgeneem en vanaf 2011 sal dit 'n volwaardige deel van die klub wees. 2010 was die eerste jaar wat 'n senior en juniorspan in die ligas deelgeneem het. Die seniorspan het in die semifinaal van die liga verloor en die juniorspan in die kwartfinaal teen gevestigde Engelse spanne.

Rugby

Die NuPower/Tuks-reeks is deur Hoërskool Waterkloof oorheers: die O/14A, O/15A en O/16A was gouemedalje-wenners. Die eerstespan het derde geëindig. Met die vier spanne wat die finaal gewen het, is Hoërskool Waterkloof as algehele wenners van die rugby én NuPower/Tuks-reeks aangewys. O/14B en O/16B was die wenners in die afdeling vir B-spanne en die tweedespan was tweede. Al die A-spanne het in die finaal van die Beeldtrofee gespeel – 'n uitmuntende en eerste prestasie vir die skool. Die O/14A-, O/15A- en O/16A-span was Beeldtrofeewenners. 29 Klofies is vir provinsiale spanne gekies.

Die 7’s-rugby het geskiedenis te maak deur drie van die vyf @lantic 7’s-toernooie te wen. Drie Klofies is by die @lantic-span wat gekies is om teen die Springbok 7’s-span te speel, ingesluit. Hulle het ook in die senior provinsiale 7’s-kategorie by die Royal Bafokeng-stadion gespeel. Klofies se 7’s-span het outomaties vir die nasionale 7’s-toernooi gekwalifiseer wat by Konka aangebied word.

Skaak

Die ligaspanne was almal onoorwonne wenners in die D4-liga. Ons 1ste span en die O/15-span was Gautengkampioene en albei die spanne was naaswenners by die SA Top Schools. Drie Klofies verwerf SA nasionale kleure – IM Watu Kobese, Marcel Roberts en Jeandré du Randt en 14 Klofies word gekies vir junior provinsiale skaakspanne.

Marcel verwerf Gauteng-Noord senior provinsiale kleure, asook 'n Unie Meester-titel en Jeandré word aangewys as die beste speler by die SA Top Schools en hy wen goud by die nasionale Expo vir Jong Wetenskaplikes met sy projek oor skaak en skoolgereedheid. Al drie hierdie Klofies verskyn ook op die SA Top 40-lys vir 2010.

Klofie-skaak is bevoorreg om 'n stigterslid te wees van die Moves for Life skaakprogram, saam met pres. Jacob Zuma, asook gemeenskaps-, politieke en besigheidsleiers. Klofie-skaak bedryf verskeie satelliet-akademies in agtergeblewe gemeenskappe regoor Suid-Afrika. Chess SA en die wêreld-skaakliggaam, FIDE ondersteun die inisiatiewe en ander Afrikalande werk ook saam.

Tennis

In 2010 is 12 Klofies vir die Gauteng-Noordspan gekies. Welma Luüs is vir die SA O/19-span gekies en Gerhard Gruindelingh en Phillip de Bruyn vir die SA Hoërskolespan.

Klofie-tennisspelers het die O/15- en bo 15-afdeling van die NuPower/Tuksreeks gewen en is weer as die algehele wenners van dié reeks gekroon.

Welma Luüs en Dané Joubert is as die beste dubbelspelpaar by die Amanda Coetzer-toernooi aangewys.

Trompoppies

Klofie-Trompoppies het op die Gauteng provinsiale ligakompetisies, binnenshuis sowel as buitenshuis, skoonskip gemaak deur in beide genres as wenners uit die stryd te tree. Gevolglik het die Klofiespan as die nommer een span in Gauteng, aan die nasionale kompetisie deelgeneem. Tydens die nasionale kompetisie het die Klofie-trompoppiespan verskeie goue medaljes verwerf. Die Twirling Flags is net een van die afdelings waarin Klofie-dogters goue medaljes verwerf het. In die buitenshuise kompetisie (grootdril) het die Klofie-dogters met 0,45 punte minder as Hoërskool Brackenfell tweede geëindig. Verskeie Klofie-trompoppies het hul SADMA-kleure verwerf en Suid-Afrika in die VSA in 'n internasionale kompetisie verteenwoordig.

2011

Die vierde permanente hoof van Hoërskool Waterkloof, mnr Daan Potgieter het in Januarie 2011 diens aanvaar.

Akademie

306 kandidate wat volle matriekeksamen geskryf het; 100% slaag; 800 onderskeidings; 90% universiteitsvrystelling; 30 kandidate met 7 of meer onderskeidings; 100% slaagsyfer vir die 22ste opeenvolgende jaar.

Aangewys as die Top Akademiese skool in Gauteng vir die vierde agtereenvolgende jaar. Melise du Toit is derde in Gauteng.

Olimpiades en taalkompetisies

Elizna du Toit het die tweede plek landswyd in die Junior Afrikaans Olimpiade behaal. In die Senior Afrikaans Olimpiade het Gustav Wingard die negende plek nasionaal en Liesel Mienie die dertiende plek nasionaal behaal.

In die tweetaligheidseksamen, die Taalbondeksamen, het Rütger van Gruting in graad 10 die 18de plek nasionaal behaal.

In die Poort Skryfkompetisie is Liesel Mienie en Zia Sonnekus se skryfwerk nasionaal beloon.

Ulrik de Mûelenaere was die algehele Gauteng-juniorwenner van die tweede rondte Wiskunde Olimpiade. Hy het ook na die finale rondte deurgedring en is as lid van die Gauteng-Noord Skole-wiskundespan gekies.

Expo vir Jong Wetenskaplikes

By die Nasionale Expo vir Jong Wetenskaplikes het die volgende leerders goue medaljes ontvang: LouFrans Esterhuizen, Roland Bezuidenhout, Miné van der Walt en Mericia Els (kategoriewenner) en Jean-Pierre de la Rey (kategoriewenner en onder die top 14 projekte). Nicolas Popich (kategoriewenner) is gekies om aan 'n oorsese expo deel te neem.

Robotica

Ian Stapelberg het Suid-Afrika in November 2011 in Abu Dhabi verteenwoordig.

HIP2B2iThink

Die HIP2B2iThink-kompetisie is deur die Mark Shuttleworth Stigting gereël om Wiskunde, Wetenskap en Tegnologie op skoolvlak te bevorder. Die Klofie-span het saam met 5 000 leerders aan die eerste rondte deelgeneem het en uiteindelik na die derde en finale rondte deurgedring.

Redenaars

Tydens die ATKV-redenaarskompetisie het sewe redenaars, naamlik Jané Möller, Carli Grobbelaar, Carl-Adriaan Hugo, Ané de Wet, Olivia de Kock, Mericia Els en Thuli Manunga na die halfeindrondte deurgedring. Mericia Els het as junior redenaar na die eindrondte deurgedring. Mericia Els in graad 8 en Marinette Coertzen in graad 10 was die wenners van die Engelse afdeling van die individuele redenaars in die Van Huyssteen Noord-Gauteng Oratorskompetisie.

Koor en orkes

Die koor het in 2011 'n nuwe dirigent, mnr Neels Boonzaaier, aangestel. Die koor het aan verskeie koorfeeste deelgeneem, asook aan die Pretoria Eistedfodd en die ATKV Applous-streeksuitdunne in die ervare afdeling. Die koor het hier 'n goue toekenning ontvang.

Die konsertorkes is vir die negende agtereenvolgende jaar as die beste konsertorkes in Suid-Afrika gekroon. Verskeie lede het nasionale orkeskleure verwerf.

Dans

Die Dansakademie word al hoe meer bekend vir die hoë standaard wat gehandhaaf word en gevolglik is uitnodigings om as gaskunstenaars op te tree van die Tshwane Youth Arts Festival, St. Albans se kultuurraad en Tukkies se spog Serenade-aand ontvang. By al drie optredes was die Klofie-dansers ware ambassadeurs vir die skool.

Kunswedstryde en eisteddfods

Leerders het in 'n wye verskeidenheid uitvoerende, instrumentale en vokale afdelings meegeding. Verskeie topprestasies is bereik.

Musiekblyspel

Die leerders het telkens die gehoor op hul voete gehad in waardering van puik toneelspel, sang en dans. Dit was 'n wonderlike voorreg om in die Atterbury-teater voor vol gehoorsale te kon optree.

Toneel

Hoërskool Waterkloof het in 2011 aan twee nasionale toneelkompetisies deelgeneem en besonder goed presteer. In die ATKV-Tienertoneel is die groep as een van die top 10 tonele nasionaal aangewys en het by Aardklop opgetree.

Voortrekkers

Melissa Mentz (gr. 12) is vir die Gebiedsjeugraad vir termyn 2011–2012 vir die gebied Transvaal gekies. In die matriekgroep is daar 7 Presidentverkenners.

Atletiek

By die A-bond se Interhoër het Hoërskool Waterkloof as die algehele wenners uit die stryd getree. Die hoogtepunt van die seisoen was op 1 Maart tydens die PUK-Interskole Groep 1 byeenkoms in Germiston waar Waterkloof weer algehele wenner was.

Drie Klofies het Suid-Afrika in die buiteland verteenwoordig. Zanri van der Merwe het aan die Afrika Juniorkampioenskappe in Botswana deelgeneem. Somari Els en Reinhard van Zyl verteenwoordig hulle land by die Suidelike Afrika Streeksbyeenkoms in Windhoek. Albei hierdie atlete word ook ingesluit in die SA-span wat in Frankryk aan die Wêreld Jeugkampioenskappe deelgeneem het. Reinhard verstom die wêreld toe hy die finaal wen. Dit was die eerste keer in die skool se geskiedenis dat ’n Klofie ’n goue medalje by ’n internasionale byeenkoms wen.

Fietsry

Dit is die vierde jaar wat Hoërskool Waterkloof aktief deelneem. In 2011 het die ryers puik gevaar en is by die nasionale byeenkoms as die beste gemengde span in die land aangewys. Die meisiespan het 'n tweede plek behaal. Die skool het ook vir die tweede agtereenvolgende keer die Anatomic Skolereeks gewen.

Gholf

Die eerste span wen die Suid-Afrikaanse Hoërskole Vereniging se topskole toernooi, die Gauteng-Noord Hoërskole A-liga (deur Tuks Sportskool in die finaal te klop), die NuPower/Tuks toernooi en speel gelykop teen Tuks Sportskool in die prestige St. John’s Internasionale Gholftoernooi by Sun City, waar Hoërskool Waterkloof baie mediadekking gekry het. Die eerstespan was naaswenners in die Voorsitterstrofee. Nege spanne speel in die liga. Die 1e, 3e, 4e, 7e en 9e span was afdelingswenners en die derdespan naaswenners in die Gauteng-Noord Hoërskole Gholf se B-liga.

Christiaan Bezuidenhout verwerf Nasionale kleure, sy span eindig eerste in die All Africa Games in Namibië, hy eindig gelyk eerste met Matthew Bright in die finale kampioenskappe van die Glacier Junior Kampioenskappe en verloor in die uitspele. Ruan Conradie as lid van die Gauteng-Noord Hoërskole gholfspan kom tweede in die interprovinsiale gholftoernooi wat by Parys plaasgevind het. Ruan word in die SA Skolespan opgeneem. Hy was derde in die SA Seuns 0/15 toernooi en 6e in die SA Seuns 0/16.

Hokkie – Dogters

Die afgelope seisoen het die volgende hoogtepunte opgelewer: Anél Luüs is in die O/17-oefengroep opgeneem; 41 dogters is vir Northerns Blues provinsiale spanne gekies; die O/15A-span was Stadsbekerwenners en die O/14A-, O/16A- en eerstespan Stadsbekerwenners. Klofie-hokkie was weer die algehele wenners van die NuPower/Tuksreeks. Die O/15A-, O/16A, O/14B-, O/15B-, O/16B- en tweedespan het hulle afdeling in die NuPower/Tuksreeks gewen. Die eerste-, O/16A-, O/14A- en O/14B-span was Grootskole ligawenners en die O/15A-span was Noordvaalwenners.

Hokkie – Seuns

Die 2011-seisoen sal onthou word as dié een waar die seuns aan die eerste Noordvaaltoernooi deelgeneem het. Die eerste span het derde geëindig en die O/14A-span tweede.

Die tweede span het hul liga oortuigend gewen.

Die 2011-seisoen het verskeie hoogtepunte opgelewer: Die eerste en O/16A-span het die NuPower/Tuksreeks gewen; 6 seuns is vir Noord-Gautengspanne gekies; die eerste span het hul ligawedstryd teen Pretoria Boys’ High gewen en die eerste “Heroes vs Legends”-wedstryd is na afloop van die seisoen gehou.

Krieket

Verskeie spanne het vanjaar hul onderskeie ligas gewen. Die eerste span is op die Standard Bank Nasionale pro 20-toernooi as die nasionale kampioen aangewys. Dié span het ook 'n toer na Engeland onderneem. Die tweedespan het vir die eerste keer in die skool se geskiedenis die B-liga gewen. Die derdespan het D-liga gewen en die O/14A-span het die Grootskole Weekliga gewen. DIe O/15A’s het in hulle weekliga tweede geëindig. Jovaun van Wyngaardt is vir die SA Colt-span gekies.

Landloop

Op grond van die uitslae tydens die ligawedlope word Waterkloof weer na die Noordvaal finaal uitgenooi.

Twaalf Klofies tel onder die top 20 landlopers aan die einde van die ligawedlope. Vier Klofies is vir die Distrikspan gekies. Vier Klofies eindig onder die top 10 in hulle ouderdomsgroepe tydens die Gauteng-Noord Kampioenskap. Sewe Klofies word vir die Gauteng-Noordspan gekies om aan die ASA Landloopkampioenskappe deel te neem. Marnu du Plessis en Tarien Prinsloo verower brons medaljes vir hulle aandeel in hulle onderskeie spanne se derde plekke op die SA kampioenskap in Bloemfontein.

Netbal

Hoërskool Waterkloof is weereens as algehele wenner van die NuPower/Tuks-Reeks aangewys – O/14A, O/15A en O/16A was wenners. Tydens die D4- en Tshwane-liga het al vyf die A-spanne weereens vir Gauteng en vir die Schools’ Festival gekwalifiseer. Die O/18’s het die Festival gewen, terwyl die O/16’s die SA Challenge gewen het. Met hierdie wen het hulle gekwalifiseer om aan die Wêreld Jeugbyeenkoms in Singapoer deel te neem.

Verskeie Klofie-netbalspelers het Gauteng by die SA Skolekampioenskap verteenwoordig: Drie van ons spelers, Lizanne Visser en Shenel Bouwer (O/17) en Megan Blaauw (O/18) is gekies onder die top 35 spelers in Suid-Afrika. Meagan is in die SA Skolespan ingesluit.

Perdry

Die Klofie Perdryklub bestaan uit 17 ruiters. Hulle het gedurende die jaar aan vier skoue (kompetisies) teen ander skole deelgeneem. Na afloop van die skoleskoue was Hoërskool Waterkloof die wenner, in die Groot Skole-kategorie, in Saddle Seat.

Rugby

Die eerste span was wenners in die NuPower/Tuks-Reeks. O/14B en O/15B was die wenners in die afdeling vir B-spanne. Al die A-spanne het in die finaal van die Beeldtrofee gespeel – 'n uitmuntende prestasie vir die skool die tweede jaar na mekaar. Die O/14A-, O/15A- en eerstespan was Beeldtrofeewenners.

Sean Robinson, Morné du Plessis, Irné Herbst en Marné Coetzee is opgeneem in die SA-skole rugbyspan wat teen Frankryk speel; Sean Robinson, Janco Gunter en Rohan J van Rensburg is in die SA O/18 7’s rugbyspan opgeneem wat aan die Jeug Statebondspele op die Eiland Man deelgeneem het. Hulle het die silwer medalje verower.

Skaak

Die skool was NuPower/Tuksreekswenners; Grey Kollege Hoërskole Uitnodigingstoernooi – naaswenners. Al ons spanne was ligawenners asook D4-distrikswenners in die O/15-, O/17- en O/19-afdelings. Hoërskool Waterkloof het Gauteng Top Skole verower en die O/19-span ontvang goue medaljes terwyl die O/17- en O/15-spanne silwer medaljes wen. Al die Klofie A-spanne kwalifiseer vir die SA Top Skole 2011 in Bloemfontein. Die Klofies O/19-span wen die SA titel wat Klofies die SA Top Skaakskool vir 2011 maak en die O/15-span eindig tweede nasionaal.

Drie Klofies verwerf SA Junior Nasionale kleure, naamlik Roland Bezuidenhout wat die SA O/14 titel wen. Hy verteenwoordig SA vanjaar drie keer internasionaal: as lid van die SA-span by die Wêreld O/16 Olimpiade in Turkye, by die O/14 Jeug Wêreld Kampioenskap in Brasilië en by die Afrika Jeugkampioenskap in Zambië. Bernard Koekemoer verteenwoordig SA by die O/14 Jeugskaak Wêreld Kampioenskap en by die Wêreld O/16 Olimpiade as lid van die SA-span. Marcel Roberts word as lid van die SA O/16 Olimpiade B-span gekies.

Mev. M van der Merwe is genooi om die Kasparov Chess Foundation Europe in België te besoek. Sy het aan die 30-speler simultaan teen Gary Kasparov deelgeneem.

Swem

Hoërskool Waterkloof het in 2011 weer swem as 'n sportsoort aangebied. Die span was naaswenners in die E-liga (die intreevlak vir nuwe skole.

Tennis

Die eerste dogterspan het die Gerrie Bernertoernooi in die Paarl gewen. Hulle het die beker as wenners van die Amanda Coetzer-toernooi in Bloemfontein gedeel. Dané Joubert is as die beste nommer 1-enkelspeler aangewys en sy en Anél Luüs was die beste dubbelspaar. Die O/15-dogters het ook die Fulfant-toernooi in Nelspruit gewen. Die O/15-seuns en –dogters en bo/15 seuns en –dogters het weereens die NuPower/Tuksreeks gewen. Gedurende die Absolut Menlo-toernooi het die seuns en dogters in die finaal gespeel. Negentien spanne is vir die liga ingeskryf. Die dogters O/15A, dogters bo/15A, -B en –C asook seuns bo/15C en –D spanne was ligawenners.

Gerhard Gruindelingh, Stephan Crafford, Wayne van Schalkwyk, Leon Olivier, Thomas Greeff, Anél Luüs, Lu-Marie Makkink, Helena Potgieter, Nicola Nel en Anandhi Botha is vir die Gauteng-Noord Hoërskolespan gekies. Gerhard Grundelingh en Anél Luüs is vir die SA Skolespan gekies.

Trompoppies

Verskeie goue medalje en eerste plekke word behaal. Die trompoppies is aangewys as SA Kampioene in buitenshuis sowel as binneshuise kompetisies. Carmia Essakow en Annelie Pruis is as die beste leidsters in SA aangewys. Die Waterklooftrompoppies word aangewys as Champs of Champions tydens die SA Kampioenskap. 21 trofeë is verower. Sewe trompoppies verwerf Proteakleure.

2012

Akademie

Matriekuitslae: Hoërskool Waterkloof is vir die vyfde agtereenvolgende jaar as die top akademiese skool in Gauteng aangewys. Die 305 kandidate het 'n gemiddeld van 72% met 765 vakonderskeidings behaal. 87% het universiteitstoelating gekry. 73 kandidate het 'n gemiddeld van hoër as 80% gekry. 20 vakke het 'n gemiddeld van hoër as 70%.

Internasionale Wetenskapskou

Tydens die INTERNATIONAL SCIENCE FAIR wat van 4 tot 6 Oktober gehou is, het Hoërskool Waterkloof baie goed presteer: 5 van die nege projekte word as deel van die internasionale span gekies; 5 van die nege projekte is kategorie-wenners. Die volgende leerders is vir die internasionale span gekies: Marlene Meyer, Christine Popich, Tiehan Nel, Ulrik de Mûelenaere, Jean-Pierre de la Rey.

Expo vir Jong Wetenskaplikes

Klofies het weereens uitstekend gevaar op die Noord-Gauteng Expo vir Jong Wetenskaplikes: 13 van die 25 projekte behaal goue medaljes, 7 silwer medaljes en 4 brons medaljes; 6 projekte ontvang spesiale pryse en 9 projekte het na die nasionale rondte deurgedring.

Leerders wat spesiale pryse ontvang het:

• Die beste projek deur 'n meisie: Marlene Meyer.
• Beste projek in Dierkunde: Elana Marais en Noeline Viljoen;
• Beste projek in Plantkunde: Marlene Meyer;
• Beste projek in Rekenaars: Ulrik de Mûelenaere;
• Beste projek in Mikrobiologie: Mignon Swanepoel en Wernard Van Zyl;
• Beste projek in Sosiale en Geesteswetenskappe: Laura Meyer.

Wiskunde

Ulrik de Mûelenaere het na die derde en finale rondte van die Nasionale Wiskunde Olimpiade deurgedring. Ulrik de Mûelenaere is in die Gauteng-Noord Junior Wiskunde Skolespan opgeneem. Hulle het op nasionale vlak derde in die land geëindig.

Marcel Coetzee, Ruan Steenkamp en Ulrik de Mûelenaere was die wenners van die tweede prys tydens die Universiteit van Pretoria se Wiskundekompetisie.

KUNS EN KULTUUR

Redenaars

By die Van Huyssteens Onvoorbereide Oratorsfees het die volgende spanne puik gevaar: Spanwenners Graad 9: Mericia Els, Thuli Manunga, Liané Badenhorst en Mignon Swanepoel. Spanwenners Graad 10: Darren Maree, Olivia de Kock, Franko Beckers en Nina du Toit.

Ses leerders het na die semifinaal van die ATKV-redenaarskompetisie deurgedring., naamlik Liané Badenhorst en Jané Möller het na die landswye finaal deurgedring. Sy was tweede in haar afdeling en het die toekenning vir die beste taalgebruik ontvang. Jané Möller het die voorreg gehad om twee keer tydens haar hoërskoolloopbaan in die landswye finaal te praat.

English orators

• Van Huyssteens Unprepared Orators Competition
• Winners during the prize-giving ceremony:
• Angelique Carmichael (Grade 8): Best individual speaker – both English and Bilingual
• Mericia Els (Grade 9): Best individual speaker – English
• Jané Möller (Grade 12): Best individual speaker – Bilingual
• Jana van Huyssteen, Nolene Viljoen, Alice Rykheer and Alrika Möller: Best Grade 8 English Team.
• Carl-Adriaan Hugo, Marchrizel Jordaan, Charissa van Dyk and Rihandi Venter: Best Grade 12 English Team

Klofiekoor

Die koor onder leiding van mnr. Neels Boonzaaier, het gedurende 2012 aan verskeie plaaslike koorfeeste en kompetisies deelgeneem en 'n baie suksesvolle buitelandse toer na Kroasië en Italië onderneem. In Kroasië het hulle aan 'n internasionale kultuurfees deelgeneem.

MIAGI

Collette Brand het as tjellis in Junie/Julie saam met hierdie nasionale jeugorkes na Duitsland getoer.

Simfonia Juventi

Animé Struwig was as eerste violis lid van hierdie streek-jeugsimfonieorkes. Hierdie orkes het, benewens konserte in Nylstroom, Naboomspruit en Nelspruit, ook geskitter tydens 'n feestelike gala-aand in die ZK Matthews ouditorium van UNISA.

Pretoria Eisteddfod

Die musiekleerders het uitstekend presteer. Miné van der Walt is as algehele wenner van die klavierafdeling aangewys.

Konsertorkes

Die konsertorkes bestaan uit 50 hoër- en laerskoolleerders. Uit die konsertorkes word daar ook 'n Ligte Musiekensemble en Ligte Musiekorkes saamgestel. Hoërskool Waterkloof Konsertorkes is vir die negende agtereenvolgende jaar die SA-Kampioen. Die orkes is ook die afgelope nege jaar die houer van die trofeë vir Beste Algemene Indruk, Konsertdissipline en Netheid. Die dirigent, mnr. Danie Smith is vir die sesde keer as Beste Dirigent tydens die nasionale kompetisie aangewys. Die Ligte Musiekensemble het gedurende 2012 as wenner in die ensemble-kategorie geseëvier met die Ligte Musiekorkes wat 'n tweede plek naas die konsertorkes behaal het.

Atletiek

Oud-Klofie Willie de Beer was deel van die span wat die silwermedalje in die 4 x 400 meter aflos by die Wêreld Senior Atletiekkampioenskap in Korea verower het. Willie was ook deel van die span wat in die uitdunne 'n nuwe SA rekord opgestel het. Divan Engelbrecht het in Desember 2011 aan die IWASF (International Wheelchair and Amputees Sports Federation) Wêreld Seniorspele in Sharjah in die Verenigde Arabiese Emirate deelgeneem. Hy was derde in die 100 meter, tweede in die 200 meter en hy wen die 400 meter met 'n nuwe Afrika-rekord.

Die diepte van Waterkloof se atletiek is tydens ons B-span se Interhoër gewys. Op 24 Februarie het die Klofies aan die PUK-Interskole byeenkoms vir B-spanne deelgeneem. Ons seuns eindig 3de, ons dogters 2de en ons tree as die algehele wenners uit die stryd. Twee individuele trofeë word deur die Klofies verower.

’n Deurbraak is gemaak toe Hoërskool Waterkloof op 2 Maart weer tot die Pretoria A-Bond toegelaat is. Klofie-atlete lewer 10 prestasies bo 900 ABSA-punte en 3 bo 1000 punte. Die Klofies verbeter 8 rekords, waarvan 4 in die aflosse, en drie trofeë word verower. Die dogters eindig derde, die seuns tweede en algeheel eindig Hoërskool Waterkloof in die tweede plek.

Die laaste byeenkoms van die seisoen was op 6 Maart tydens die PUK-Interskole Groep 1 byeenkoms op Germiston. Daar was 17 prestasies bo 900 ABSA-punte en 4 bo 1000 punte. Klofies verower twee trofeë en verbeter drie rekords. Die dogters eindig in die derde plek, die seuns eindig in die vierde plek en die spantotaal plaas Hoërskool Waterkloof vir die tweede keer in die derde plek.

In 2012 het Hoërskool Waterkloof se 15 provinsiale atlete weereens ’n uitstaande jaar by die verskillende nasionale kampioenskappe beleef. Die Klofies het 4 medaljes verower, waarvan 3 silwer en 1 goud.

Somari Els verteenwoordig haar land by die Suidelike Afrika Streeksbyeenkoms in Zimbabwe, waar sy die diskusgooi gewen het.

Bergfiets

In die Anatomic skole-reeks was die Klofies vir die 3de agtereenvolgende jaar die wenners.

Gholf

Nege spanne het in die liga gespeel..Die eerste span het die Retief Goosen Suid-Afrikaanse Hoërskole Kampioenskap en die Gauteng-Noord Spantoernooi gewen. Die eerste span was ook naaswenners in die Voorsitterstrofee en die prestige St. John’s Internasionale Gholftoernooi by Sun City. In die finaal van Gauteng-Noord Hoërskole A-liga speel hulle teen Tuks Sportskool en die Klofiespan wen.

Christiaan Bezuidenhout het Nasionale kleure verwerf. Hy het die All Africa Games in Botswana gewen en die span het ook eerste geëindig. Hy het aan die Toyota World Junior Golf Team Championship, by Chukyo CC in Nagoya Japan deelgeneem. Hy is die Retief Goosen SA Hoërskole kampioen, het die Glacier Junior Kampioenskap, die Gauteng-Noord Hoërskole Kampioenskap asook die Ekurhuleni 0/23 geslote kampioenskap gewen.

Crystal Cooper, Bianca de Beer en Es-marie Schoeman het aan die SA Dogters te Orkney deelgeneem. Ruan Conradie en Aubrey Kok het aan die SA Seuns 0/19 deelgeneem. Ruan Conradie en JP Cooper het vir die SA Seuns 0/17 deelgeneem en JP Cooper en Estiaan Conradie het aan die SA Seuns 0/15 toernooi deelgeneem.

Gimnasium

Die gimnasium het vanjaar met 'n funksie geopen om die nuwe gimnasium bekend te stel. Die gimnasium was betrokke by sportleerders se fiksheid asook met fiksheidstoetsing. Die gimnasium is tydens die opedag deur voornemende Klofies besoek.

Krieket

Die eerste- en O/15A-span het albei die finaal gewen – die eerstespan teen Hoërskool Nelspruit en die O/15’s teen Hoërskool Menlopark. Op provinsiale vlak is ses spelers in die Gauteng-Noordspanne opgeneem.

Landloop

Die NuPower/Tuks-wedlope het op 12 en 13 Maart by Tuks plaasgevind. In die afloswedlope eindig die Senior Dogters 11de, die Junior Seuns eindig 8ste, die Senior Seuns eindig 7de en die Junior Dogters eindig 4de. In die 4 km wedlope eindig die Senior Dogters 11de, die Junior Dogters en die Senior Seuns eindig 8ste en die Junior Dogters behaal 'n 2de plek. Algeheel eindig Waterkloof in die 9de plek.

Netbal

In die NuPower/Tuks Reeks is die skool as algehele wenners aangewys – O/15A, O/16A en –B was wenners. Tydens dieTshwane-liga het al vyf spanne vir Gauteng gekwalifiseer. O/15A het gewen en O/19A was tweede. Na die Gauteng- en Top School’s Kampioenskap is tien Klofies in Gautengspanne opgeneem.

Die O/15A-span het die Topskole-toernooi gewen en is die beste O/15-netbalspan in die land. Die O/17A-span was tweede by dié toernooi. Somari Els (O/17) en Shenel Bouwer (O/18) word in hulle onderskeie ouderdomsgroepe onder die top 30 netbalspelers in Suid-Afrika aangewys. Lizanne Visser en Romé Dreyer is albei in die SA-Skolespan ingesluit.

Perdry

Hoërskool Waterkloof het regdeur die jaar 3e op die ranglys gelê. In ag genome die 40+ perd/ruiter kombinasies in die skole wat 1e en 2e gelê het, is dit voorwaar 'n prestasie om op trots te wees. Klofieruiters behaal in totaal 10 eerste plekke, 12 tweede plekke en 11 derde plekke in die loop van die jaar. Marno Swart, Marlise Strydom, Catherina Basch en Mirna Potgieter het hul Gautengkleure verwerf en in September aan die Nasionale Kompetisie by Kyalami Equestrian Farm deelgeneem. Jani Moolman het haar Gautengkleure verwerf in Western Mounted Games en aan die Nasionale kompetisie deelgeneem.

Rugby

Die eerste span het in die finaal van die NuPower/Tuks-Reeks gespeel. Die tweede- en O/16B-span was die wenners in die afdeling vir B-spanne. Die O/16A-span het die Beeldtrofee gewen. Vyftien O/16-spelers (vyf in die Grant Kgomo-span, vyf in die O/16B- en vyf in die O/16C-span) verteenwoordig die Blou Bulle; dertien O/18-spelers (twee in die Cravenweekspan, ses in die O/18-Akademiespan en vyf in die O/19-span) verteenwoordig die Blou Bulle; Kobus Marais was kaptein van die Blou Bulle Akademiespan. Rohan J van Rensburg en Justin Phillips is vir die SA-skolespan gekies.

Skaak

Al die A-spanne wen hul ligas en dring deur na die Distriksfinaal waar Klofies in al 3 die Hoёrskole ouderdomsgroepe as D4-Distrikswenners aangewys word. Hoërskool Waterkloof wen vanjaar al die kompetisies waaraan die spanne deelneem: Die Grey Kollege Nasionale uitnodigingstoernooi vir Hoёrskole; die NuPower/Tuks Reeks; die D4-Distikskampioenskap en Hoërskool Waterkloof is ook die huidige Gauteng- en SA Top Skole Kampioene.

4 Klofies verwerf SA Skole-kleure: Jeandré du Randt (gr.11), Bernard Koekemoer (gr. 9), Marcel Roberts (gr. 10) en Jean-Pierre de la Rey (gr. 9). 6 Klofies verwerf SA Junior Nasionale kleure: Jeandré du Randt (gr.11), Roland Bezuidenhout (gr. 9), Marcel Roberts (gr. 10), Bernard Koekemoer (gr. 9), Sean-Luc de la Rey (gr. 8) en Suné Toit (gr. 8). IM Watu Kobese verwerf SA Senior Nasionale Kleure as lid van die SA A-span by die Wêreld Skaak-Olimpiade in Turkye. Twee Klofies verwerf die internasionale FIDE-skaaktitel, Kandidaat Meester: Jeandré du Randt en Marcel Roberts. Vier Klofies het internasionale FIDE skaaktitels verwerf: Internasionale Skaakmeester (IM) Watu Kobese, en Kandidaat Meesters (CM)Roland Bezuidenhout, (CM)Marcel Roberts en (CM)Jeandré du Randt. Die skool se skaak-organiseerder, mev. Marisa van der Merwe, word aangewys as “Shoprite Checkers Woman of the Year 2012” in die Opvoeder-kategorie – vir die MiniChess program en Moves for Life – die landswye skaak-ontwikkelingsprogram wat deur Hoërskool Waterkloof geïnisieer is en ondersteun word.

Swem

Die swemspan was wenners van die D-liga en skuif nou op na die C-liga.

Tennis

Die O/15- en bo/15-seuns en dogters het weer die NuPower/Tuks Reeks gewen en ontvang ook die trofee as algehele wenners. Die seuns en dogters wen die Groot 5-toernooi in Nelspruit. Negentien spanne het aan die Gauteng-Noordliga deelgeneem.

Trompoppies

Die trompoppies is SA-kampioene en Champs of Champions van 2012, wenners van verskeie goue medaljes en wenners van die Large en Small Drill sowel as verskeie groepe. Lilene de Wit is tydens die SA-kampioenskap as beste Large Drill-leidster aangewys.

20 dogters verwerf Gautengkleure en 9 dogters ontvang Protea – (SAMCA)-kleure in trompoppies.

Alumni

Sakeleiers

• Marthinus Visser (1992),
• Werner le Roux (1985),
• Bennie Groenewald (1987),
• Henk Deist (1987),
• Everhard Carstens (1984),
• Carel le Roux (1990),
• Neil Goosen,
• David van Wyk,
• Strauss Odendaal (1988),
• André de Beer (1991),
• Janno Huyser

Sportlui

• Deidrè Scheepers (1982), SA trampolien;
• Lydia Venter, gimnastiek;
• Danie van Schalkwyk (1994), SA Rugby;
• Wikus van Heerden (1998), SA Rugby;
• Jeff Coetzee, tennis;
• Pietie Norval, tennis;
• Surina de Beer, tennis;
• Cornel de Villiers, wenner van Dakar 2003 vierwielmotorfiets;
• Rika Geyser, roei (lid van Olimpiese span);
• Nico Grimbeek, atletiek;
• Yolanda Steyn, atletiek;
• Faf de Klerk (SA Rugby speler)
• Burger Lambrechts (Matriek 1991),SA atletiek;
• Carel le Roux (Matriek 1990), SA atletiek;
• Frits Potgieter (Matriek 1992), SA atletiek;
• Marelize Fouchè, sewekamp;
• Susan Knox, atletiek;
• Marna Schutte, atletiek;
• Albie Geldenhuys, Comrades-marathon goud;
• Werner Botha, atletiek;
• Karel Potgieter, atletiek;
• Vanessa Becker, atletiek;
• Cecile van der Merwe, skaak;
• Gusti van Zyl, skaak;
• Barend du Toit, skaak;
• Stan Nortje, skaak;
• Pieter van der Merwe, skaak;
• Julian Spies, skaak;
• Heinrich Stander, skaak;
• Carmen de Jager, skaak;
• Maguerite Luttig, onderwaterhokkie;
• Andre Fouchè, hengel;
• Shaun Rusch, hengel;
• Stephan Aspeling, seiljagvaart;
• Gary Botha, rugby;
• Pieter Botha, gholf;
• Stefan Watermeyer, Rugby -Bababok '07;
• Wynand Willis, Rugby – Bababok '07;
• Divan Kotze, Rugby – Bababok '07;
• Aubrey McDonald, Rugby – Bababok '07;
• Corné Fourie, Rugby – Bababok '07;
• Barend Pieterse, Rugby;
• Justin Phillips, SA 0/19, twee jaar in 'n ry;
• Rohan Janse van Rensburg, Rugby – Bababok 2013;
• Irné Herbst, Rugby – Bababok 2013;
• Roelof Smit, Rugby – Bababok 2013;
• Roelof van der Merwe – Krieket SA's;
• Erin Burger – Netbal SA's;
• Melissa Myburgh – Netbal SA's;
• Anaret Viljoen – Netbal SA's;
• Christiaan Bezuidenhout – Gholf SA's;
• Werner Ferreira – Gholf SA's;
• Reinhardt van Zyl – Atletiek (spiesgooi) – Jeugwêreldkampioenskappe, goue medalje 2012.

Akademici

• Dr Pierre Greeff, Ingenieursdosent by Universiteit van Pretoria;
• Dr Albertus J. Smit, Marienebioloog dosent/navorser by die Universiteit van KwaZulu-Natal;
• Prof Andre Jooste, Departementshoof: Landbou-ekonomie verbonde aan die Universiteit van die Vrystaat;
• Dr Carel le Roux, Mediese navorser in Ierland;
• Dr Pieter Coertze, Chirurg.

Toneel en vermaaklikheidspersoonlikhede

• Daantjie Badenhorst (Matriek 1985), Musiekkenner, joernalis en Aspergersindroom-bewustheidsaktivis;
• Mariaane Breytenbach, radiopersoonlikheid;
• Francois Coetzer (Matriek 1984), akteur;
• Izelle Kotze, joolkoningin 1995 by Universiteit van Pretoria;
• Sarette Schutte, joolkoningin 2003 by Universiteit van Stellenbosch en Mej. SA finalis 2003;
• Rian van Heerden (Matriek 1991), TV-aanbieder, radio-omroeper;
• Elandri Stricker, aktrise en kontinuïteitsaanbieder;
• Barbara-Marie Venter, aktrise;
• Chanelle Hoolsema (Matriek 2007), Ms Modern Woman 2012;
• Anja van Zyl (Matriek 2006), Mej. Suid-Afrika 1ste prinses 2010 en 2011;
• Melinda Bam (Matriek 2007), Mej. Suid-Afrika 2012;

Avonturiers

• Dr. Cornel Grobler, avonturier en chirurg (sterf in Alaska tydens avontuurstaptog)
• Carel Smit, prokureur in Australië, avonturier wat geld insamel vir 'n hospitaal in Ethiopië.

Eksterne skakels

• Hoërskool Waterkloof se amptelike webtuiste