F. W. Woolworth Maatskappy
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die F. W. Woolworth Maatskappy (dikwels verwys na as Woolworth's of Woolworth) was 'n kleinhandelmaatskappy en een van die oorspronklike pioniers van die "winkel op die straathoek". Dit was een van die mees suksesvolle Amerikaanse en internasionale besighede en het die moderne kleinhandelmodel geskep wat wêreldwyd deur winkels nagevolg is.
| F. W. Woolworth Company | |
 | |
| Tipe | Kleinhandel |
|---|---|
| Gestig | 22 Februarie 1879 Utica, New York, Verenigde State |
| Stigter(s) | Frank Winfield Woolworth (President) |
| Hoofkantoor | Woolworth Gebou, New York Stad, New York, Verenigde State |
| Sleutelpersone | F.W. Woolworth (Stigter/HUB) Charles Sumner Woolworth (Voorsitter) |
| Industrie | Kleihandel |
| Produkte | Klere, skoene, meubels, juwele, skoonheidsprodukte, elektronika en huisware |
| Moedermaatskappy | Woolworth Corporation, LLC. |
| Dogter- maatskappye | Woolworths Group F. W. Woolworth Ierland Woolworth Canada Woolworth GmbH Woolworth Mexicana Kinney Shoe Company Woolco Woolworth Athletic Group Richman Brothers |
| Eienaar | Onafhanklik |
| Webwerf | woolworth.com (geargiveer) |
| Ontbind | Julie 31, 1997 |
Die eerste Woolworth winkel is op 22 Februarie 1879 deur Frank Winfield Woolworth geopen as "Woolworth's Great Five Cent Store" in Utica, New York. Alhoewel dit wou voorkom asof die winkel suksesvol sou wees het dit vinnig misluk.[1] Toe Woolworth vir 'n nuwe ligging gesoek het, het 'n vriend Lancaster in Pennsilvanië as ligging voorgestel. Woolworth het sy eerste suksesvolle "Woolworth's Great Five Cent Store" op 18 Julie 1879 in Lancaster geopen, met gebruikmaking van die oorspronklike kenteken van die winkel in Utica. Sy broer, Charles Sumner Woolworth, het ook betrokke geraak by die besigheid.
Die twee Woolworth-broers was pioniers in die ontwikkeling van aanprysing, direkte aankope, verkope en kliëntedienspraktyke wat vandag steeds algemeen voorkom. Ondanks die feit dat dit vir die grootste deel van die 20ste eeu een van die grootste kleinhandel kettingwinkelgroepe ter wêreld was, het toenemende mededinging daartoe gelei dat dit in die 1980's begin agteruitgaan het, terwyl die winkel se afdeling vir sportgoedere gegroei het. Die winkelgroep het in Julie 1997 ontbind, toe die maatskappy besluit het om hoofsaaklik op sportgoedere te konsentreer en die naam verander is na die Venator Group. Teen 2001 het die maatskappy uitsluitlik op die mark vir sportgoedere gefokus.
Met ingang 2009 was daar bestaande kleinhandelkettingwinkels onder die naam Woolworth in Oostenryk, Duitsland, Meksiko en die Verenigde Koninkryk. Die gelyknamige Woolworths-supermarkte in Australië en Nieu-Seeland word bestuur deur die grootste kleinhandelonderneming in Australië, die Woolworths Group, 'n aparte maatskappy sonder historiese bande met die F.W. Woolworth Maatskappy of Foot Locker Ing. Woolworths Beperk het wel hul naam van die oorspronklike maatskappy geneem, aangesien dit destyds nie as handelsmerk in Australië geregistreer was nie. [2] In Suid-Afrika bedryf Woolworths Holdings Beperk 'n soortgelyke tipe winkel, met gebruikmaking van die Woolworth-naam. Dit het egter nooit enige verbintenis gehad met die Amerikaanse maatskappy nie. Die eiendomsontwikkelingsonderneming Woolworth Group in Siprus is van stapel gestuur as 'n filiaal van die Britse Woolworth's maatskappy en het oorspronklik Woolworth se afdelingswinkels in Siprus bedryf. In 2003 is hierdie winkels se naam verander na Debenhams; die kommersiële eiendom-deel van die onderneming het die naam Woolworth's behou.
Nie-Amerikaanse kleinhandelwinkels met die naam Woolworth
wysig
Voormalige F.W. Woolworth filiale
wysigTans in besigheid
wysig- Die Duitse deel van F.W. Woolworth, Deutsche Woolworth GmbH & Company OHG (gestig in 1927), word reeds sedert 1998 onafhanklik bedryf. Dit besit die regte tot die Woolworth handelsmerk in kontinentale Europa.
- Woolworth Mexicana bedryf 'n kettingwinkelgroep van kleinerige winkels. Dit is in Desember 1997 deur Foot Locker Ing. aan Control Dinamico S.A. verkoop [3] en is tans 'n filiaal van Grupo Comercial Control, S.A. de C.V.[4]
Ontbinde maatskappye
wysig- Woolworth Canada was die Kanadese deel of afdeling van F.W. Woolworth. Dit is in die 1920's gestig en gebaseer in North York, Ontario.[5] Bykomend tot die Woolworth winkels het Woolworth Canada ook winkels bedryf onder die handelsmerke Woolco, The Bargain! Shop, Kinney Shoes, Foot Locker, Northern Reflections, Northern Getaway, Northern Traditions, Silk & Satin en Randy River.[6] Die afdeling het voortgegaan om bekend te staan as Woolworth Canada, selfs nadat die laaste winkels onder die Woolworth naam in 1994 opgehou het om te bestaan. Woolworth Canada se naam is in 1998 verander na Venator Group Canada en in 2001 na Foot Locker Canada.[7]
- Woolworths Group plc was oorspronklik die Britse deel of afdeling van F.W. Woolworth's, maar is vanaf 1982 op onafhanklike wyse bedryf, met winkels in die Verenigde Koninkryk, Eiland van Man, Jersey en Guernsey. Op 26 November 2008 het Woolworths Group plc aangekondig dat hulle te veel skuld gehad het om hul krediteure te betaal. Die oorblywende Britse Woolworth's winkels het op 6 Januarie 2009 hul deure gesluit, met die verlies van byna 30,000 werksgeleenthede.[8] Shop Direct Group het Woolworths gekoop en dit tot 2015 as 'n aanlynwinkel bedryf.[9]
Ander
wysig- Woolworths Group is die grootste kleinhandel kettingwinkelgroep in Australië, met 'n verskeidenheid supermarkte en ander kleinhandel kettingwinkels in Australië en Nieu-Seeland. Die naam "Woolworths" is wettiglik toegeëien ten einde voordeel te trek uit die F.W. Woolworth naam, aangesien dié maatskappy nie sake in Australië gedoen het nie en derhalwe nie die handelsmerk aldaar geregistreer het nie. Die groep het behalwe vir die voorafgaande geen verbintenis met die Amerikaanse of Britse Woolworths nie.[10]
- Woolworths Holdings Beperk is 'n kleinhandel kettingwinkelgroep in Suid-Afrika wat luukse goedere, soortgelyk aan dié wat deur Marks & Spencer-winkels in die Verenigde Koninkryk verkoop word, aanhou. Die Suid-Afrikaanse maatskappy bedryf ook winkels in Bahrein, Botswana, Eswatini, Ghana, Katar, Kenia, Lesotho, Mauritius, Mosambiek, Namibië, Nigerië, Oman, Tanzanië, Uganda, die Verenigde Arabiese Emirate, Zambië en Zimbabwe.[11]
- Die Woolworth's geleë te Prince William-Henry St in Bridgetown, Barbados word onafhanklik bedryf. Dit het reeds in 1982 weggebreek van die Britse tak.[12] Dit is in die 1950's gestig, met voorraad wat ingevoer is uit Brittanje.
Verwysings
wysig- ↑ Winkler, John K. (31 Julie 2017). Five and Ten: The Fabulous Life of F. W. Woolworth. Pickle Partners. ISBN 978-1787207905.
- ↑ "Our Story – 1924 September". Woolworths Limited. Besoek op 10 Junie 2013.[dooie skakel]
- ↑ "Control Dinamico SA acquires Woolworth Mexicana SA de CV from Foot Locker Inc (1997/12/08) – Thomson Financial Mergers & Acquisitions". AlacraStore.com. 8 Desember 1997. Geargiveer vanaf die oorspronklike op 14 April 2009. Besoek op 11 Julie 2010.
- ↑ "Localización/Woolworth". Woolworth.com.mx. Geargiveer vanaf die oorspronklike op 2 Maart 2008. Besoek op 11 Julie 2010.
- ↑ "About us". The Bargain! Shop. Geargiveer vanaf die oorspronklike op 26 Oktober 2009. Besoek op 18 Oktober 2012.
- ↑ "Woolworth sells stores in Canada". United Press International. 14 Januarie 1994. Besoek op 1 Januarie 2021.
- ↑ "Foot Locker Canada Inc". Business Profiles. Besoek op 2 Januarie 2021.
- ↑ "Woolworths stores to shut by early January". Associated Press.
Administrators for Woolworth's announced plans Wednesday to close all the retailer's stores by the early new year, signaling the end of the road for the venerable British company and the loss of almost 30,000 jobs. However the brand has reappeared as an internet store at www.woolworths.co.uk, owned by the Group's Directing firm Kingfisher Holdings ...
- ↑ Chapman, Matthew (1 Junie 2015). "Shop Direct closes Woolworths site as brand name sell-off speculation begins". Retail Week. Besoek op 1 Januarie 2021.
- ↑ "Woolworths the fresh food people". Woolworths. 22 September 1924. Geargiveer vanaf die oorspronklike op 29 Mei 2010. Besoek op 11 Julie 2010.
- ↑ "Woolworths". Woolworths Holdings. Geargiveer vanaf die oorspronklike op 22 Julie 2011. Besoek op 11 Julie 2010.
- ↑ Thorne, Peter (26 November 2008). "Woolworths strong". CBC News. Geargiveer vanaf die oorspronklike op 18 Desember 2008.
Verdere leesstof
wysig- Winkler, John K. Five and Ten--The Fabulous Life of F. W. Woolworth (1940)
| Wikimedia Commons bevat media in verband met F. W. Woolworth Company. |