Gebruikerbespreking:Aliwal2012/argief2012

Latyn

Dankie vir jou taalversorging dinge! Ek het met 'n klomp biologie artikels die diere se wetenskaplike name begin met (Latyn:GGGG) maar ek het later uitgevind dit is verkeerd. Jy kan help deur dit te verwyder. Sien Wahlbergse vrugtevlermuis. Oesjaar (kontak) 19:46, 23 April 2012 (UTC)

Springbokke

Jy het "meestedrieë =" na "meeste drieë =" verander. Oor die algemeen sal jy reg wees, maar hierdie is 'n parameter van 'n sjabloon. Na jou verandering word die data nie meer in die artikel aangedui nie. Groete. Anoniem

Dankie vir die regstelling...ek het nie dit geweet nie!

Aliwal2012 (kontak) 15:17, 1 Mei 2012 (UTC)

Datum skakels

Hoekom verwyder jy die datum skakels? Oesjaar

Dit dui op geen interessante inligting, behalwe na die Gregoriaanse kalender, nie.

Volgens Wikipedia-reëls moet 'n nuwe skakel nie net vir die onthalwe van 'n skakel opgestel word nie (dit moet 'n doel dien, bv. om meer inligting te verskaf oor 'n onderwerp).

Ook die aanhoudende skakel na bv. Pretoria in een artikel word afgekeur (almal weet waar/wat is Pretoria).

Groete, laat weet maar as jy nie saamstem nie

Aliwal2012 06:37, 6 Mei 2012 (UTC)

'n Datum is 'n artikel, miskien wel nie direk oor die onderwerp waarin hy voorkom nie. Om te sê dat dit nie interessante inligting bevat nie, is subjektief. Waarvan ek van hou is nie noodwendig wat ander mense van hou nie. Ons het hard gewerk van die begin van die jaar om die datum artikels met soveel as moontlik inligting toe te rus juis om dit meer bruikbaar te maak en hier is nog 'n enorme klomp werk nog nodig. Daar is nog een of twee datum artikels met geen gebeure nie! En party met net Engels! Hoe dit gebeur het weet ek nie. Ons moet Wikie so navigeerbaar as moontlik kry. Stem saam oor die Pretoria argument, 'n skakel word net een keer per artikel gebruik. Oesjaar.

Ek het 'n gespreksgroep begin op Geselshoekie om meer insette te kry uit die Wiki gemeenskap. Oesjaar

Op die Nederlandse wikipedia verwys ons die eerste keer na 'n plek, datum of ander artikel. Op die Nederlandse wikipedia verwys ons dus die eerste keer na "Pretoria" en die tweede keer sê ons bloot "Pretoria" (sonder verwysing).I90Christian (kontak) 18:59, 6 Mei 2012 (UTC)

Dakar-tydren

Dateer asb Afrikaanse Dakar-tydren op uit Engelse weergawe.

Gedoen. Aliwal2012 15:01, 13 Mei 2012

Curriebeker

Dag Aliwal2012. Ek verwys na jou wysigings aan 2011 Curriebeker Premierafdeling. Volgens my werk dit so dat die verdedigende kampioen die span is wat die vorige jaar gewen het (dus die wenners van die 2010 Curriebeker Premierafdeling), wat in dié geval die Haaie is. ’n Mens sou dalk eerder die tweede paragraaf van die artikel kon maak dat die Haaie die verdedigende kampioene vir daardie seisoen was en dat die Leeus die seisoen gewen het en gevolglik die kampioen is. Die inligting in die inligtingskas moet dan ook daarmee ooreenstem. Puvircho 09:17, 1 Junie 2012

Voorstel om Trans-Kalahari-Grootpad meer akkuraat te maak

Hallo Aliwal2012, dankie vir die skep van hierdie artikel. Ek voel die Trans-Kalahari-Grootpad moet dalk beter beskryf word, vir die volgende redes:

Volgens 'n artikel van www.capetocongo.com lyk dit of die hele roete, soos beskryf op die Trans-Kalahari-Grootpad bladsy, nie as die Trans-Kalahari-Grootpad bekend staan nie. Die gedeelte vanaf Walvisbaai tot by Johannesburg staan bekend as die Trans-Kalahari korridor. Die gedeelte vanaf Maputo tot by Johannesburg staan bekend as die Maputo-korridor. Sien gerus die artikel by: www.capetocongo.com/wp-content/uploads/2011/03/Landlocked-but-not-lost.pdf Sien ook 'n beskrywing van die Trans-Kalahari korridor by: www.wbcg.com.na/corridors/trans-kalahari-corridor.html

Volgens Encyclopedia Britannica is die Trans-Kalahari-Grootpad slegs die gedeelte vanaf Gobabis in Namibia, tot naby Lobatse in Botswana. Sien die kaart op Encyclopedia Britannica: www.britannica.com/EBchecked/media/18871/The-Trans-Kalahari-Highway

Ek voel daar moet dalk onderskeid gemaak word tussen die Trans-Kalahari korridor, wat Walvisbaai met Gauteng verbind, en die Trans-Kalahari-Grootpad, wat Gobabis met Lobatse verbind.

Dit sal ook goed wees om bronne aan te haal vir verifieerbaarheid in hierdie artikel.

Ek sal graag jou kommetaar oor hierdie voorstel wil hoor. Dink jy ek het 'n punt beet, of praat ek nou nonsens?

Groete Ossewa (kontak) 17:19, 2 Junie 2012 (UTC)

Ek dink jy het 'n punt beet, ek kon nog nie bronne bekyk nie, het bloot artikel uit Duits vertaal. Die Engelse wiki het 'n afgewaterde poging, wat die Trans-Kalahari-Grootpad aanstuur na A2 highway (Botswana).

Dankie vir jou raad,

Aliwal2012 18:17, 2 Junie 2012

Dit lyk of die Duitse en Engelse weergawe dan ook bietjie werk nodig het. Die Trans-Kalahari-Grootpad bestaan uit die A2 in Botswana, asook 'n gedeelte van die B6 in Namibia. 'n Aanstuur na die A2 is dus nie heeltemal korrek nie. Groete, Ossewa (kontak) 05:14, 3 Junie 2012 (UTC)

Mafikeng

Hoekom al die vreemde name hier orals indruk? Die Afrikaanse naam bly tog Mafikeng?

Hallo Anoniem. 'n Amptelike naam (deur die staat afgekondig) is 'n universele naam en nie vertaalbaar nie. Of jy nou geel of rooi of wit is! In my opinie is dit beter om dit reg te stel op die Afrikaanse Wiki, eerder as om verandering teen te staan tot ons eie nadeel.

Groete en dankie vir jou belangstelling, Aliwal2012 (kontak) 07:21, 6 Junie 2012 (UTC)

Ek stem saam - ons ensiklopedie weerspieël net die werklikheid. Dit is nie soseer belangrik om "Afrikaanse" name vir enigiets te gebruik nie. Maar dit is belangrik om met ons ensiklopedie alles in Afrikaans, en juis nie Engels nie, te kan beskryf en te behandel - ons is die beter alternatief...;) --Voyageur (kontak) 07:35, 6 Junie 2012 (UTC)

Die beter alternatief vir wat? Die mense gaan bly praat van Mafikeng, maar nou nie eintlik saak wat julle dit hier noem nie. Die Afrikaanse naam en sogenaamde amptelike naam hoef nie noodwendig ooreen te kom nie. Elke geval, dis net my opinie, maak soos julle smaak. Anoniem

Die Afrikaanse Wikipedia is die beter alternatief vir twee- of drietaliges! --Voyageur (kontak) 08:03, 6 Junie 2012 (UTC)

Met ander woorde as die "amptelike naam" van Kaapstad Cape Town is mag ons nie meer praat van Kaapstad op hierdie Wiki nie?

Mafikeng, Mahikeng - dit is plekname uit 'n ander taal en beslis nie Afrikaans nie. Die amptelike naam van Kaapstad is - Kaapstad. Waar Afrikaanssprekendes 'n meerderheid vorm, moet hulle dan ook maar begin om met nadruk Afrikaans op alle vlakke as funksionele taal af te dwing. Ek wag ook nog steeds op die Afrikaanse weergawes van amptelike webtuistes vir Afrikaanssprekende nedersettings. Voyageur (kontak) 09:24, 6 Junie 2012 (UTC)

Dankie vir die warm gesprek. Wat my opval, is dat Mafikeng reeds 'n verandering van die oorspronklike Mafeking (Britse besettingstyd) was, en tog het die publiek die naam (geleidelik) aangeneem.

Mahikeng is nie 'n vreemde naam soos Anoniem hierbo sê nie, dis 'n taalkundige regstelling v.d. vorige Tswana naam...Aliwal2012 09:15, 6 Junie 2012 (UTC)

Ons mag dus ook nie na East London as Oos-Londen verwys nie want die Engelssprekendes is daar 'n meerderheid?

Jy mis weer die kol→die meerderheid (51.3%) daar is Xhosa-sprekend!Aliwal2012 10:04, 6 Junie 2012 (UTC)

Watookal. Die punt is dat dit dan die "inheemse" naam moet hê as 'n mens Voyageur se redenasie neem. Daarvolgens gaan slegs die Wes-Kaap nog hoegenaamd Afrikaanse plekname hê. Wat kwalifiseer jou buitendien om te sê die Afrikaanssprekendes in Mafikeng praat van die nuwe of ou naam. Nooi eerder jou vriende daar uit om insette te lewer as om aannames te maak.

Daar is nou meer as een anonieme gebruiker wat aan die gesprek deelneem. Ek was eerste, dus Anoniem1. Het iemand al gehoor dat 'n Afrikaanssprekende van Mahikeng praat? Wel, miskien net as hulle die spot dryf met al die belaglike naamsveranderinge. Selfs Kerkstraat in Pretoria het deesdae 4 name wat niemand kan uitspreek nie. Julle kan nou maar al die artiketjies opdateer en die regering met hulle slinkse planne help, maar Mafikeng sal Mafikeng bly. Geniet julleself! Anoniem1

Anoniem1, dit lyk asof jy persoonlike vooroordele jeens die naam het. Dalk moet jy, om jou eer te behou, aanbied om van die argument te onttrek? Adriaan Joubert (kontak) 10:47, 6 Junie 2012 (UTC)

My argument bly staan! As dit tot stemming geplaas word sal dit 10 teen 1 die siening van meeste Afrikaanssprekendes sal wees.

Niemand hier is ten gunste van naamsveranderinge nie, en ons het ook geen beleid waarvolgens Afrikaanse plekname onderdruk word nie. Ek het net bedoel dat ons realisties moet wees - waar Afrikaanssprekendes geen meerderheid vorm nie, is hulle dan meestal ook nie in staat om naamsveranderinge te verhinder nie. Aangesien ons in ons artikels die hele historiese konteks behandel, sal name soos Kerkstraat en Mafikeng/Mafikeng onlosmaaklik met die betrokke plekke verbonde bly, ongeag die artikelnaam waaronder hulle gelys word. --Voyageur (kontak) 10:53, 6 Junie 2012 (UTC)

Die argument gaan nie oor naamsveranderinge per se nie, maar eerder oor wat gebruiklik is in Afrikaans. Self die Zoeloes verstaan dat hulle nie 'n artikel Johannesburg kan noem nie (al is dit wonderbaarlik nog die amptelike naam), maar wel iGoli! Dieselfde behoort hier te geld. Ek is seker die Engelse sal Mafeking verkies, die Afrikaanssprekendes, Mafiking, terwyl die Tswana's die plek eerder Mahikeng sal noem. Almal is reg. Al wat ek vra is dat ons voorkeur aan die Afrikaanse name gee. Dus moet ons eerder praat van Mafeking (amptelik Mahikeng) as Mahikeng (voorheen Mafeking). Groete. Anoniem1

Aliwal, hoekom skuif jy ook "Bill Clinton" na "William Clinton" nie? En wat van die ander nedersettings in Suid-Afrika wat Naamsveranderinge gehad het, soos Naboomspruit? Groete :) Bezuidenhout (kontak) 11:49, 6 Junie 2012 (UTC)

Die groot Wikipedia's ( Verenigde State,  Frankryk,  Duitsland) gebruik blykbaar al die nuwe amptelike naam - maar die dorp is dan ook nie in hul hoofsaaklike verspreidings-/taalgebied geleë nie. Ons beleid was en is om voorkeur aan die gebruiklike Afrikaanse naam te gee, maar daar word niks gesê oor die manier waarop ons die gebruiklike naam moet bepaal nie. Wie is die onaantasbares - die taalgemeenskap? Die pers? Woordeboekskrywers? Die uitsaaibedryf? --Voyageur (kontak) 11:57, 6 Junie 2012 (UTC)

Menere, julle het jul punt gemaak! Daar is min persone wat bereid is om te help op Wiki, moet nie die wat wil help soos kriminele laat voel nie! Ek maak foute en gaan nog 'n baie maak en julle ook! Stel die beleid en gaan aan! Oesjaar (kontak) 12:11, 6 Junie 2012 (UTC)

Het iemand konstruktiewe idees hoe om die geskilpunt vreedsaam op te los? Anoniem1

Ek stem saam dat sekere plekname Afrikaanse vorme het en dat die amptelike naam nie in algemene gebruik onder Afrikaanssprekendes is nie, maar met Mafikeng was die naam nog altyd 'n variant van Mahikeng en nou is dit net amptelik gekorrigeer. Is dit regtig so 'n groot verandering? Dit is nie dieselfde as met Pretoria/Tshwane of Moskou/Москва́ nie. Adriaan Joubert (kontak) 09:14, 7 Junie 2012 (UTC)

Ons Springbokke...

Hou by Die Springbokke.... Wiki is neutraal en objektief...Oesjaar (kontak) 18:25, 9 Junie 2012 (UTC)

Hel maar jy hou my dop, nè

Probeer maar help. Jy doen goed!

Dankie, jy gee my moed! Die Springbokke was 'n aspris van my, ek wou sien of iemand dit raaksien, synde dit in Afrikaans geskryf is. Aliwal2012 18:49, 9 Junie 2012

Geen titels vir lewende persone

(Volledigheidshalwe direk gekopieer vanaf Bespreking:Noordwes-Universiteit)

Dit is iets nuuts vir my! Verduidelik asb! Soos voorheen gesê: ek is 'n tegnokraat en nie 'n taalkundige nie! Oesjaar

Wie gee Aliwal2012 die reg om te besluit dat lewende personen nie titels mag hê nie? Daar gaan vrek baie werk daarin om 'n doktorsgraad te kry. Sit dit asb. terug.

Ek dink dit is geen reg waarop iemand aanspraak wil maak nie, maar eerder 'n konvensie wat algemeen in ensiklopediese werke aangewend word. Akademiese of adelstitels word nie in artikelname gebruik nie, en hoef eintlik ook nie in die artikelteks gebruik te word nie. Die mees geskikte plek daarvoor is akademiese jaarboeke of so iets. --Voyageur (kontak) 09:22, 14 Junie 2012 (UTC)

Dit is 'n Suid-Afrikaanse verskynsel dat ons lief is vir titels. Persoonlik, gee krediet waar jy kan! Hou die titels. Oesjaar

So ons moet eers wag tot hulle die lepel in die dak steek voordat hulle op Wikipedia erkenning kan kry vir die drie tot sewe jaar (en selfs langer) wat dit vat om 'n doktorsgraad te kry? En dan moet ons seker, Voyageur, deur al 23,000 artikels gaan om seker te maak dat almal wat nog lewe nie dalk iewers betitel is nie. Gaan jy dit dalk doen? Julle dubbelstandaarde maak my boude lam. Ek stem uit en uit om die titels daar te hou en soos Oesjaar sê, ons is mos lief vir titels!

┌────────────────────────────────────────────────────────────────────────────────────────────────────┘Wikipedia is geen instelling wat erkenning vir akademiese grade en die werk daaraan verbonde gee nie. Volgens ons riglyne word akademiese grade nie saam met name genoem nie - tans is die Engelse Wikipedia se Manual of Style / Biographies ook van toepassing op ons projek. Die verwerwing van grade mag wél in artikels oor lewende persone vermeld word. --Dr Dr Dr Dr Dr Dr Dr Dr Dr h.c. (humoris causa) Voyageur (LOL) (kontak) 08:55, 15 Junie 2012 (UTC)

Die vraag bly staan of u, dr. Voyageur, dan die artikels gaan opspoor waarin persone met hul titels vermeld word, en dit dan verwyder. Of moet Aliwal dit eerder doen aangesien hy die wiel aan die rol gesit het?

Ag wat, los maar! Ons gaan dit beslis nie doen nie! Maar, soos ons riglyne bepaal, mag enige bydrae hier genadeloos gewysig word. Iemand, wat die titels verwyder, kan hom gerus op daardie riglyne beroep. --Voyageur 16:04, 15 Junie 2012 (UTC)

Manne en manninne, moet nou nie dat iets so gering ons wikigenot versuur nie. Tik dit soos julle wil. As dit iemand se oë brand, kan hul dit self regmaak. Sit dan terug en glimlag oor die tyd wat dit die arme drommels gaan vat. Sterkte en hou die blink klant bo! Anoniem

Ek stem! Oesjaar 17:15, 15 Junie 2012 (UTC)

┌────────────────────────────────────────────────────────────────────────────────────────────────────┘Dag aan almal hierbo! Dit gaan soos by my werk, ek het nou weer iets gesondig waaroor elkeen 'n eiertjie te lê het!! Ek verwelkom kommentaar, maar hoekom die gebruiker se persoon aanval?

Ek werk bloot op wiki omdat ek dit interresant vind om artikels te lees, en waar ek só dink, dit reg te stel.

Ek wou geen oorloë begin nie, en dis beter as om snags na vuil porn sites te sit en kyk.

Persoonlik begin ek dink om Afr wiki te verlaat weens die gejag op my regstellings deur genadelose "speurders". Veral die anoniemes wat net hanna-hanna oor dieselfde probleem elke keer (verwys my Mafikeng→Mahikeng wat 6993 grepe kritiek getrek het).Aliwal2012 12:39, 16 Junie 2012 (UTC)

Ons sal meer versigtig moet wees en mekaar se gevoelens in ag neem, al kan ons nie eenstemmigheid bereik nie. Ek is nie die anonieme gebruiker wat die gesprek begin het nie, maar die een wat steeds nie saamstem oor die Mahikeng-skuif nie. Dit het soortgelyke emosies by my opgeroep, veral na die persoonlike aanval, maar ek is nou oor dit. Ongeag dink ek steeds jou bydraes is waardevol, en hoop jy sal betrokke bly. Groete. Anoniem

Emoe

Geluk met 'n goeie artikel. Verander net jou binomiale naam in die eerste sin sodat dit inlyn met die taxobox is. Sinonieme word onder die binomiale naam gemeld. Oesjaar

Kerkgeboue

Dankie vir jou boodskap oor die kerkgeboue. Ek het nog gemeen om aandag aan die uitleg te gaan gee, want soos jy tereg opmerk, sommige van die dorp-artikels hét te veel kerkfoto's. Ongelukkig het dit die afgelope paar weke heeltemal te dol gegaan by die werk om saans tyd of lus te hê vir dié stokperdjie, maar jou boodskap is net die inspirasie wat ek nodig gehad het om weer aan die werk te spring. Ek sal mettertyd die dorpe waarby ek's foto's opgelaai het, nagaan om te kyk waar die uitleg kan verbeter. Die ideaal is seker om die artikels uit te brei sodat 'n kerkfoto of drie nie die hele uitleg beduiwel nie, maar intussen sal ek van hulle na die galery toe skuif. Groete en sterkte! Morne (kontak) 07:41, 28 September 2012 (UTC)

Dankie, jy's 'n ster! Ek stem saam Aliwal2012 (kontak) 10:29, 28 September 2012 (UTC)

Noordoos-Kaap

Aliwal, gebruik eerder die noorde van die Oos-Kaap.. in stede van Noordoos-Kaap aangesien al ons artikels min of meer provinsiale verwysings gebruik. Dan bly ons ten minste eenvormig. Stel jy ook belang in Stoomtreine? Wens ek het 'n boek of iets daaroor gehad! Groete. Oesjaar

Dankie vir die N.O.K. advies, ek't gesien Noordooskaap word 'n gremlin  ;) Stel belang in stoomtreine sedert ek Lima treinmodelle bymekaar maak (kos my al 'n fortuin). Ek het 'n mooi koffietafelboek wat ek jou kan pos! Groete, Aliwal2012 (kontak) 17:02, 9 Oktober 2012 (UTC)

So jy verstaan model 19F? As ek klaar maak met die visse dink moet die stoomtreine my volgende projek wees. Oesjaar

Ja, 19F was die oudame van lokomotiewe! Probeer gerus kers opsteek by die SAR guru, Kol Andre Kritzinger by en:User talk:Andre Kritzinger

Beelde

Kan jy groot asb. die beelde wat jy opgelaai het voorsien van 'n beskrywing, bron, datum, daarsteller, ens. Groete. Anoniem

Praat jy vd Gariepdam (dis almal my eie foto's); of die range/kentekens wat ek by Suid-Afrikaanse Geneeskundige Diens opgelaai het is bietjie problematies...dis van bidorbuy-verkopers af! Sal ek die bronne moet kontak, daar was nie kopiereg op verklaar nie?

Groete, Aliwal2012 07:59, 13 Oktober 2012 (UTC)

Ek twyfel of mens kopiereg op 'n rangteken kan hê. Ek sou dit sommer merk as publieke domein. Groete. Anoniem

Dankie tog, ek dog ek het gesondig daarmee! Ek wou dit juis nie op commons laai nie, die rëels is te streng! Aliwal2012

Vuurtorings...

Kyk asb of die lys Vuurtorings van Suid-Afrika ooreenkom met die name in die sjabloon en die name onder die kategorie Vuurtorings ook. Maak ook sommer seker dat die lys onder die hofie Sien ook is onder elke vuurtoring. Dan is jou goeie werk hier klaar! So nou en dan ontdek ek nog 'n vis of spesie/familie/orde wat nie in die lyste of korrekte kategorie is nie! Ons kort nog net 31,000 vis spesies.... Oesjaar.

Westelike Provinsie wen die Curriebeker in 2012

Wanneer bring jy hulle op datum? Ek het so 'n vroeë Krismis geskenk gekry... Oesjaar.

Gedoen.

Baie geluk aan jou span...ek was op die pawiljoen! Nou in Drakensberge vir 5 dae, het nie goeie sein nie.

WP jou lekka deng!! Aliwal2012 08h16, 29 Oktober 2012 (SA tyd)

Skakels na Engelse Wikipedia

Gert ou maat, behalwe vir die interwiki gedeelte, skakel ons nie artikels na die Engelse wiki (of na enige ander wiki) toe nie. Dit word per slot ook nie op die ander wikipedias toegelaat nie. Groete. Anoniem

Daar is geen wit vlag hier te hys nie. Die tipe skakels word nie hier of op enige van die ander Wikipedias toegelaat nie. Lekker aand. Anoniem

Ek wil nou nie hardekwas wees nie, maar dit maak nie vir my sin nie. Waar staan dit geskryf en wie het dit besluit?

'n Goeie kompromie is om dit so te skakel: Mr Bones (en). Dan weet mense die artikel moet nog geskep word en ek hoef nie 'n halwe hartaanval te kry as ek skielik op 'n Ingelse blad opeindig nie. Sien gerus en:Help:Interlanguage links. Groete. Anoniem

Mosselbaai

Aliwal, plaas die lys woonbuurte na die teks, mense lees eers en kyk dan! Oesjaar

Johannesbroodboom

Sien asb my kommentaar by die artikel. Sien ook karaat. Oesjaar

Jy moet nou by Johannesbroodboom (wonder waar die naam vandaan kom?) iets plaas oor die karaat. Oesjaar

Mooirivier

Gert, rol asb daardie ander Mooi verwysings terug. Dit is sinneloos om 'n blad te hê met slegs twee reëltjies op as ons die gebruiker ook soveel meer ander indirekte inligting kan gee. Ons moet die gebruikers aanmoedig om te surf, d.w.s. hoe meer skakels hoe beter! Oesjaar

Duitse nasionale rugbyspan

Terwyl jy werk soek, help asb met bogenoemde? Oesjaar

Waarmee moet ek hul help? Die Rugby Wêreldbeker wen!? Grap net, watter spesifieke deel sien jy fout mee? Aliwal2012 (kontak) 12:59, 18 Desember 2012 (UTC)

Bietjie taal wat jy reggemaak het! Dankie! Oesjaar

SANParke

Wil jy nie asb solank werk aan 'n inleidende artikel vir Sanpark nie waarvandaan die gebruiker gelei word na al die parke nie? Oesjaar (kontak) 17:31, 20 Desember 2012 (UTC)
---Einde van argief 2012---