Rene Roux
|
Inleiding van artikels wysig
Dankie vir die artikels wat jy skep, maar let asb dat die inleiding van persoon-artikels noemenswaardigheid moet aandui. Met ander woorde, die rede hoekom die persoon 'n artikel verdien. 'n Opening soos die is dus nie reg nie: "Gerald Charles Accom studeer vanaf 1973 aan die Dower Onderwyskollege, waar hy in 1975 ʼn Primêre Onderwysdiploma in Liggaamsopvoeding verwerf". Jy kan die artikel eerder begin met iets soos: "Gerald Charles Accom is 'n Suid-Afrikaanse politikus en skrywer... beskryf die hoogtepunte van sy loopbaan bondig... boeke gepubliseer/ pryse gewen, ens.". Groete. Frank (kontak) 07:21, 7 April 2016 (UTC)
- Lees asseblief Wikipedia:Wenke vir die skryf van ’n goeie artikel: "Sorg dat jou artikel met ’n kort inleiding van die onderwerp begin: Jy moet dit as ’t ware aan die leser voorstel. Die eerste paragraaf behoort ’n opsomming te bevat van wat volg of ’n omskrywing van die onderwerp. Indien die artikel oor ’n mens handel, is dit raadsaam om te noem hoekom hy of sy belangrik is, waar hy of sy vandaan kom en wanneer hy of sy gelewe het. Vir ’n stad is dit byvoorbeeld nuttig om te noem in watter land dit geleë is en hoe dit in die plaaslike taal heet." Frank (kontak) 06:14, 8 April 2016 (UTC)
- Rene, kan jy asb jou artikels in lyn kry soos versoek deur Burokraat:Naudefj? Anders sal ons aksie moet neem; die Wiki gemeenskap stel nie belang in kwantiteit nie maar kwaliteit. Groete! Oesjaar (kontak) 07:52, 8 April 2016 (UTC)