Geelrant-bontpaling
Die Geelrant-bontpaling (Gymnothorax flavimarginatus) is 'n bontpaling wat wydverspreid voorkom in die Stille en Indiese oseane; meer spesifiek die Rooisee en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Yellow-edged moray.
| Geelrant-bontpaling | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | G. flavimarginatus
|
| Binomiale naam | |
| Gymnothorax flavimarginatus (Rüppell, 1830)
| |
Identifikasie
wysigDie vis word tot 120 cm lank en is een van die grootste bontpalings. Die lyf is geelbruin en vol bruin spikkels. Die voorkop is persbruin, die oë oranje en daar is 'n groot swart vlek op die kieue-opening. Die agterkant van die vinne het geelgroen rante.
Die vis leef in kusrotsareas, platriwwe en aflandige koraal- en rotsriwwe in water wat 1 tot 50 m diep is. Die vis is 'n alleenloper en skuil in gate en skeure in die riwwe. Hulle word dikwels gesien waar net die kop uit sy skuiling steek; hulle verlaat die skuiling min bedags. Die bontpaling is nie aggressief nie behalwe as dit uitgelok word. Hulle maak snags jag op skaaldiere en klein vissies.
Sien ook
wysigBron
wysig- The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3
Eksterne skakel
wysig- Gymnothorax flavimarginatus by Fishbase.