Gerimpelde klipspringer

Die gerimpelde klipspringer (Istiblennius edentulus) is 'n vis wat voorkom in die westelike Stille Oseaan, die Indiese Oseaan, die Rooisee en aan die ooskus van Afrika suidwaarts tot by die Oos-Kaap. In Engels staan die vis bekend as die Rippled rockskipper.

Gerimpelde klipspringer
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Blennioidei
Familie:	Blenniidae
Genus:	Istiblennius
Spesie:	I. edentulus
Binomiale naam
Istiblennius edentulus (Forster & Schneider, 1801)

Identifikasie

Die vis word tot 16 cm lank. Die mannetjie is dof grysgroen met 5-6 pare rooibruin, vertikale strepe oor die lyf. Daar is 'n vlesige, vel lel op die kop. Daar is ook ligte diagonale strepe op die dorsale vin. Die wyfie lyk amper soos die mannetjie maar het nie die lel op die kop nie, die strepe op die lyf word gebroke en verander eindelik na kolletjies na die agterkant van die lyf. Beide geslagte kan een of twee horisontale, ligte strepe op die kop en voorkop aanskakel of verander na donker, amper swart streep.

Hulle leef in rotsstrande wat aan golwe blootgestel is en word gevind in getypoele. Die vis word selde in water wat dieper as 1 m is, gesien. Hulle is gewoonlik alleenlopers, kom in pare voor of klein groepies. Die vis vreet alge. Die vis is volop.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://www.fishbase.org/summary/Istiblennius-edentulus.html

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3