Gestreepte marlyn

Die Gestreepte marlyn (Tetrapturus audax) is een van die mooiste marlyne en kom vanaf Kaapstad tot by die Mosambiekgrens voor. Die vis hou van die oopwaters en is 'n gesogte sportvis. Die Gestreepte marlyn is kleiner as die Bloumarlyn en die Swartmarlyn. In Engels staan die vis bekend as Striped marlin.

Gestreepte marlyn
Bewaringstatus
Byna bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Istiophoridae
Genus:	Tetrapturus
Spesie:	T. audax
Binomiale naam
Tetrapturus audax Philippi, 1887

Voorkoms

Die marlyn het 'n stroombevaarte lyf met 'n hoë, prominente dorsale vin. Die rug is diepblou tot swart terwyl die sye silwerblou en die pens wit is. Die naald op die neus is lank en die pektorale vinne kan heeltemal terugvou. Op die sye is vertikale strepe. Die normale vangs weeg tot 100 kg en die wêreldrekord is digby die 200 kg.

Habitat en gewoontes

Die marlyn het altyd in klein groepies voorgekom maar weens oorbenutting loop hulle deesdae enkel. Hulle jag naby die seeoppervlak en eet pelagiese visse, maasbankers en makriel.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Top Angling Fishes of Southern Africa. Hennie Crous. 2010. ISBN 978-1-77007-403-3

Eksterne skakel

• http://fishbase.org/summary/Kajikia-audax.html