Geometriese bontpaling

Die Geometriese bontpaling (Gymnothorax griseus) is 'n vis (daar word na die vis verwys as 'n paling) wat voorkom aan die ooskus van Afrika vanaf die Rooisee tot by die Oos-Kaap. Dit kom ook voor in die westelike Indiese Oseaan. In Engels staan die paling bekend as die Geometric moray.

Geometriese bontpaling
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Elopomorpha
Orde:	Anguilliformes
Familie:	Muraenidae
Genus:	Gymnothorax
Spesie:	G. griseus
Binomiale naam
Gymnothorax griseus (Lacépède, 1803)

Voorkoms

Die paling word tot 65 cm lank, die lyf is geelgrys van kleur en bedek met bruin na goudbruin kolletjies en die kop is bedek met opmerklke lyne wat uit swart kolletjies bestaan. Bo-op die rug is 'n dorsale vin. Dié paling lyk asof dit 'n hermafrodiet kan wees, met eiers en sperms wat gelyktydig ontwikkel.

Habitat

Die paling kom voor in koraalriwwe, skuil bedags en is snags aktief wanneer dit klein vissies jag. Die paling is skadeloos en aard goed in 'n akwarium.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• Gymnothorax griseus by Fishbase.