Reusebontpaling

Die Reusebontpaling (Gymnothorax javanicus) is 'n bontpaling wat wydverspreid voorkom in die Stille en Indiese oseane; meer spesifiek die Rooisee en aan die ooskus van Afrika suidwaarts tot by die suide van Mosambiek, moontlik die noorde van KwaZulu-Natal. In Engels staan die vis bekend as die Giant moray.

Reusebontpaling
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Elopomorpha
Orde:	Anguilliformes
Familie:	Muraenidae
Genus:	Gymnothorax
Spesie:	G. javanicus
Binomiale naam
Gymnothorax javanicus (Bleeker, 1859)

Identifikasie

Die reusebontpaling is normaalweg 240 cm lank maar kan tot 300 cm lank word. Dit is die grootste van sy soort in die Indiese Oseaan. Die vis se lyf is ligbruin tot taankleurig en daar is klein swart kolletjies op die kop en rug. Daar is ook 'n swart vlek op die kieue-opening.

Die vis leef in 'n verskeidenheid rif habitatte; vanaf rotskusareas tot aflandige koraalriwwe in water wat ten minste 50m diep is. Hulle vreet hoofsaaklik vis en skaaldiere. Die bontpaling is alleenlopers en normaalweg passief maar kan beserings veroorsaak indien dit aangehits word.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/Gymnothorax-javanicus.html