Tooi-lipvis

Die Tooi-lipvis (Halichoeres cosmetus) is 'n vis wat wydverspreid voorkom in die Indiese Oseaan en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Adorned wrasse.

Tooi-lipvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Labridae Cuvier, 1816
Genus:	Halichoeres (Rüppell, 1835)
Spesie:	H. cosmetus
Binomiale naam
Halichoeres cosmetus Randall & Smith, 1982

Identifikasie

Die vis word tot 11 cm lank en is klein met lang slanke lyf. Die volwasse mannetjie het afwisselende, nou, horisontale strepe oor die lyf. Daar is ook vertikale ligblou strepe op die agterkant van die lyf. Die onvolwasse vissies is lig groen met oranje strepe wat soms net 'n ry kolletjies bestaan. Daar is 'n paar oog vlekke op die dorsale vin.

Hulle leef in vlak koraal- en rotsriwwe in water wat 2 tot 30 m diep is. Die volwasse visse verkies om bo koraal en koraal rommel areas te swem terwyl die onvolwasse vissies die sand areas verkies. Hulle is alleenlopers of kom in klein groepies voor.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://www.fishbase.de/summary/Halichoeres-cosmetus.html

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakels

• Wikimedia Commons het meer media in die kategorie Tooi-lipvis.