Streepkol-klipspringer

Die Streepkol-klipspringer (Istiblennius dussumieri) is 'n vis wat in die westelike Stille Oseaan, die Indiese Oseaan en aan die kus van Oos-Afrika suidwaarts tot by die Oos-Kaap voorkom. In Engels staan die vis bekend as die Streaky rockskipper.

Streepkol-klipspringer
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Blennioidei
Familie:	Blenniidae
Genus:	Istiblennius
Spesie:	I. dussumieri
Binomiale naam
Istiblennius dussumieri (Valenciennes, 1836)

Identifikasie

Die vis word tot 10 cm lank. Die vis se lyf is lig van kleur met bruingroen vertikale, breë strepe oor die sye wat nouer word aan die onderkant en in twee verdeel. Die breë strepe word kolletjies aan die bokant van die vis se lyf. Daar is 'n tentakel bokant die oë. Hulle leef op rotsstrande en tussen getypoele in water wat selde dieper as 1 m is. Die visse is alleenlopers of bly in klein groepies saam. Hulle vreet draderige alge.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://www.fishbase.org/summary/Istiblennius-dussumieri.html

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3