Koperstreep-ghieliemientjie

Die Koperstreep-ghieliemientjie (Barbus multilineatus) is 'n varswater vis wat voorkom in die Kunenerivier, Okavangorivier en die boonste en middelste gedeeltes van die Zambezi- en Kafueriviere. Dit kom ook voor in die Kongorivier naby die Bangweulu-meer in Zambië. In Engels staan die vis bekend as Copperstripe barb.

Koperstreep-ghieliemientjie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Barbus
Spesie:	B. multilineatus
Binomiale naam
Barbus multilineatus Worthington, 1933

Voorkoms

Die vis het 'n kort lyf met twee pare baarde om die bek en word slegs 45 mm lank. Die vis is olyfbruin aan die bokant met silwer kante. Die voorste straal in die dorsale vin is swart terwyl die vinne geel is. Daar is 'n donker streep vanaf die punt van die snoet tot by die basis van die stertvin. Daar is drie skadu strepe bo en twee onder die hoof streep. Gedurende die broeityd kry die mannetjies 'n helder koper horisontale band oor die hele lyf.

Habitat

Die vis leef in vlak water, vloedvlaktes en aan die kante van riviere wat vol plantegroei is.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• http://fishbase.org/summary/Barbus-multilineatus.html