Kranskop (koppie)
Kranskop is 'n bergkoppie reg langs die N1 in Limpopo, Suid-Afrika. In Noord-Sotho staan dit bekend as Modimolle, d.w.s. "god het geëet / verslind". Dit bestaan uit rooi sandsteen en is aan die wesgrens van die Springbokvlakte geleë, sowat 8 km noordoos van Kranskoptolhek[1] en 3 km suid van die Nylrivier. Die kruin van die kop is 1 365 m bo seevlak en toon uit sekere oogpunte 'n ooreenkoms met 'n piramide – na bewering is dit deur die Jerusalemgangers as die ruïne van een aangesien. Sekere plaaslike Bapedi beskou dit as 'n heilige berg en hul rituele word snags teen die hange uitgevoer.[2] Die omgewing van die tolhek is na bewering onveilig weens rowers wat in die bos skuil.[3]
| Kranskop | |
|---|---|
 | |
| Ligging | Limpopo, Suid-Afrika |
| Hoogte | 1365 meter bo seevlak |
| Koördinate | 24°43′22″S 28°31′51″O / 24.72278°S 28.53083°OKoördinate: 24°43′22″S 28°31′51″O / 24.72278°S 28.53083°O |
  Kranskop |
|
Fauna en flora wysig
Die kop word aan die noorde begrens deur die grasvlaktes van die Nylvloedvlakte. Aan die kop se voet groei digte bosveld met ondermeer groot maroela-, vaalboom- en rooiseringbome, en op die kruin enkele papierbome wat laatsomer pryk in geel loof. Rooijakkalse, grondeekhorings, springhase, steenbokke, duikers, vlakvarke en enkele rondswerwende koedoes word hier aangetref, benewens nonnetjie- en witkoluile.[2]
Verwysings wysig
- ↑ Op Pad in Suid-Afrika. B.P.J. Erasmus. 1995 ISBN 1-86842-026-4
- ↑ 2,0 2,1 Come and be a part of an organic farm in Limpopo, South Africa
- ↑ Richter, Gawie (7 Maart 2022). "Brief: Oppas vir booswigte langs die N1". diepos.co.za. Die Pos / The Post. Besoek op 17 Maart 2022.
Hierdie Suid-Afrika-verwante artikel is slegs 'n saadjie. U kan ons wikipedia help deur dit uit te brei.