Oranjerivier-moddervis

Die Oranjerivier-moddervis (Labeo capensis) is 'n varswatervis wat voorkom in die Oranje- en Vaalrivier-stelsels. In Engels staan die vis bekend as die Orange river mudfish.

Oranjerivier-moddervis
Foto en illustrasie van L. capensis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Labeo (Cuvier, 1817)
Spesie:	L. capensis
Binomiale naam
Labeo capensis (A. Smith, 1841)

Voorkoms

Die vis is groot en lank met die kop ietwat plat. Daar is twee pare baarde om die mond. Die onvolwasse visse is dunner terwyl die volwasse visse 'n dieper lyf het met die skof agter die kop wat goed uitstaan. Die onvolwasse visse is grys en wit aan die onderkant; die volwasse visse is donkergrys en word diep donker blou-swart gedurende broeityd. Die vis word tot 500 mm lank en weeg gemiddeld 1,8 tot 2,2 kg (5 pond). Die Suid-Afrikaanse hengelrekord is 3,83 kg.

Habitat

Die vis leef in vloeiende water van groot riviere en kan ook oorleef in beskermende water. Hulle vreet kos vanaf die oppervlakte van plante en rotse. Beide geslagte migreer in die somer stroomop om te broei.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• Labeo capensis by FishBase