Rooineus-moddervis

Die Rooineus-moddervis (Labeo rosae) is 'n varswater vis wat voorkom in die Laeveld gedeelte van die Limpoporivier en ook in die Pongolarivier en Komatirivier. In Engels staan die vis bekend as die Rednose labeo.

Rooineus-moddervis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Labeo
Spesie:	L. rosae
Binomiale naam
Labeo rosae Steindachner, 1894

Voorkoms

Die lyf is diep en dun en die dorsale vin is groot met 'n holronde rant. Die kop is klein en daar is 'n paar baarde om die mond. Die kleur van die vis wissel, normaalweg is dit goud-groen met silwer pienk skubbe en die oë is rooi. Daar is rooi tuberkels op die snoet. Die onvolwasse visse is silwer met 'n swart kol op die basis van die stert. Die vis word tot 410 mm lank. Die Suid-Afrikaanse rekord is 3.025 kg.

Habitat

Die vis leef in sanderige areas van die meer permanente riviere. Hulle vreet detritus, alge en klein ongewerweldes. Die vis is aktief en spring oor versperrings in die rivier tydens hulle migrasie-tog stroomop met broeityd.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• http://fishbase.org/summary/Labeo-rosae.html