Lingua Franca Nova

Lingua Franca Nova (ook bekend as Elefen, en gereeld afgekort as LFN) is 'n kunsmatige taal, deur Dr. C. George Boeree saamgestel, om as hulpmiddel te dien in internasionale kommunikasie. Dit is saamgestel uit 'n mengsel van die tale Frans, Italiaans, Portugees, Spaans en Katalaans, met 'n grammatika soortgelyk aan die kreoolse tale soos Bislama, Tok Pisin en Papiamentu. Die kort naam vir die taal is LFN. Die LFN-groep het hul eie wiki en sedert 19 April 2018 ook hul eie Wikipedia.

Lingua Franca Nova
Gepraat in:
Gebied:
Totale sprekers:	>100
Taalfamilie:	Indo-Europees  Kunsmatige taal   Lingua Franca Nova
Skrifstelsel:	Latynse en Cyrilliese alfabet
Taalkodes
ISO 639-1:	geen
ISO 639-2:
ISO 639-3:	lfn

Inleiding

Die woordeskat van die taal is afkomstig van vyf romaanse tale: Frans, Spaans, Portugees, Italiaans en Katalaans, maar die grammatika is nader aan die kreool se tale. Soos meeste werkwoorde in Afrikaans, verander die werkwoord nie na aanleiding van die persoon nie:

Me scrive - ek skryf

Tu scrive - jy/u skryf

El scrive - hy/sy/dit skryf

Nos scrive - ons skryf

Vos scrive - julle skryf

Los scrive - hulle skryf

Voorbeelde

Bon dia - goeie dag

Alo - hallo

Como es tu? - hoe gaan dit met jou?

Bon, e tu? - goed, en self?

No mal - nie te sleg nie

Ce es tu nom? - wat is jou naam?

Me nom es Maria - my naam is Maria

Grasias! - dankie!

Tu es vera bela -- jy is baie mooi

Pardona? - verskoon tog?

Me ama tu - ek hou van jou

Me debe vade aora - ek moet nou gaan

Asta la ora? - sien jou later?

Bon sera - goeie naand

Bon fortuna - sterkte

Lingua Franca Nova luister

Lingua Franca Nova is ontwerp om 'n besonder eenvoudige, konsekwente, en maklik leerbare taal vir internasionale kommunikasie te skep.

Dit het 'n aantal positiewe eienskappe:

Dit het 'n beperkte aantal foneme. Dit klink soortgelyk aan Italiaans of Spaans.

Dit word foneties gespel. Geen kind hoef jare te spandeer om dit aan te leer nie.

Dit het 'n heeltemal gewone grammatika. Dit is min of meer so eenvoudig as Engels of Indonesies.

Dit het 'n beperkte en heel-gereelde stel produktiewe affikse vir roetine woordafleiding.

Dit het goed gedefinieerde reëls vir woordorde, in ooreenstemming met baie groot tale.

Dit het 'n woordbasis wat sterk gewortel is in die moderne Romaanse tale. Hierdie tale is self wydverspreid en invloedryk, plus hulle het die grootste deel van die Engelse woordeskat bygedra.

Dit is ontwerp om Latynse en Griekse tegniese neologismes natuurlik te aanvaar, die de facto "wêreldstandaard".

Dit is ontwerp om relatief "natuurlik" te wees vir diegene wat vertroud is met Romaanse tale, sonder om enigsins moeiliker vir ander persone te wees om aan te leer!

Letterkunde

Die eerste oorspronklike roman wat in Lingua Franca Nova gepubliseer is, was La xerca per Pahoa ["die soektog na Pahoa"], geskryf deur Vicente Costalago; Uitgewers het in 2020 (internet) en 2021 (boek) begin. Die tweede oorspronklike boek wat gepubliseer is, was La marcia nonconoseda, ook deur dieselfde skrywer.

Grammatika

Die hoofartikel vir hierdie afdeling is: Grammatika van Lingua Franca Nova.

LFN het 'n analitiese grammatika en lyk soos die grammatika van tale soos die Haïtiaanse Kreools, Papiaments en Afrikaans.

Eksterne skakels

• Wikiwoordeboek het 'n inskrywing vir Lingua Franca Nova.
• Lingua Franca Nova Geargiveer 20 Februarie 2014 op Wayback Machine
• Lingua Franca Nova – Wiki Geargiveer 8 Mei 2013 op Wayback Machine
• Lingua Franca Nova – Yahoo Geargiveer 3 Februarie 2006 op Wayback Machine
• Lingua Franca Nova – Facebook
• Lingua Franca Nova – Disionario
• Lingua Franca Nova – Omniglot