Maleisiese Grand Prix

Die Maleisiese Grand Prix was 'n jaarlikse Formule Eenmotorwedren in Sepang, Maleisië. Die finale wedren was op 1 Oktober 2017.

Ingang na die Sepang Internasionale Renbaan in Maleisië.
Die Sepang Internasionale Renbaan.

GeskiedenisWysig

Die wedren is op 17 Oktober 1999 vir die eerste keer by die Sepang Internasionale Renbaan gehou en is deur Eddie Irvine gewen, wat hom gehelp het met sy kampioenskapambisies, met sy Ferrari-spanmaat Michael Schumacher in die tweede plek. In 2000 het Michael Schumacher gewen, met Rubens Barrichello tweede. Dit was dieselfde geval in 2001, behalwe vir 'n kort reënbui wat die ren net na die wegspring getref het. In 2002 het Ralf Schumacher gewen en in 2003 het Kimi Räikkönen sy deurbraakoorwinning behaal.

In 2004 het Michael Schumacher weereens gewen. Fernando Alonso het in 2005 gewen en in 2006 het Giancarlo Fisichella gewen met Alonso tweede. Fernando Alonso het sy eerste oorwinning vir die McLarenspan behaal in 2007 en in 2008 het Kimi Räikkönen weereens gewen.

Die rekordwenner in Maleisië is Sebastian Vettel met 4 oorwinnings.

PolitiekWysig

Op 22 Januarie 2008 word aangekondig dat die baandirekteur Mokhzani Mahathir vanaf 2009 'n nagwedren op hierdie baan wil hou. Weens die hoë koste kon hierdie plan egter nie voortgaan nie. Daar is eerder besluit om die wedren 'n bietjie later in die dag te hou. Die temperature is dan laer, en Europese TV-kykers kon die wedren regstreeks volg op 'n tyd wat vir hulle normaal is.

Die laaste byeenkoms van die Grand Prix is ​​in 2017 gehou. Volgens die Maleisiese regering was die wedloop nie meer winsgewend nie. Max Verstappen het die laaste wedren gewen.

Voormalige wennersWysig

Jaar Renjaer Vervaardiger Plek
2018–tans nie plaasgevind nie
2017   Max Verstappen   Red Bull-TAG Heuer Sepang
2016   Daniel Ricciardo   Red Bull-TAG Heuer
2015   Sebastian Vettel   Ferrari
2014   Lewis Hamilton   McLaren-Mercedes
2013   Sebastian Vettel   Red Bull-Renault
2012   Fernando Alonso   Ferrari
2011   Sebastian Vettel   Red Bull-Renault
2010   Sebastian Vettel   Red Bull-Renault
2009   Jenson Button   Braun-Mercedes
2008   Kimi Räikkönen   Ferrari
2007   Fernando Alonso   McLaren-Mercedes
2006   Giancarlo Fisichella   Renault
2005   Fernando Alonso   Renault
2004   Michael Schumacher   Ferrari
2003   Kimi Räikkönen   McLaren-Mercedes
2002   Ralf Schumacher   Williams-BMW
2001   Michael Schumacher   Ferrari
2000   Michael Schumacher   Ferrari
1999   Eddie Irvine   Ferrari