Max Verstappen

Hollandse motorrenjaer

Max Verstappen (gebore 30 September 1997) is 'n Belgies-Nederlandse professionele motorrenjaer[1][2] wat vir die Red Bull-Honda-span in Formule Een Grands Prix jaag. Hy is die seun van oud-Formule 1-renjaer Jos Verstappen.

Max Verstappen
Verstappen in Maleisië, 2017
Verstappen in Maleisië, 2017
Geboortedatum 30 September 1997 (1997-09-30) (23 jaar oud)
Geboorteplek Hasselt, België
Volle naam Max Emilian Verstappen
Nasionaliteit Vlag van Nederland Nederlander
Span in 2021 Red Bull-Honda
Motornommer 33
Inskrywings 129 (129 begin)
Kampioenskappe 0
Oorwinnings 15
Podiums 50
Loopbaanpunte 1347
Voorste wegspronge 8
Vinnigste rondtes 14
Eerste F1-wedren 2015 Australiese Grand Prix
Eerste wen 2016 Spaanse Grand Prix
Laaste wen 2021 Oostenrykse Grand Prix
Laaste inskrywing 2021 Britse Grand Prix
Laaste seisoen 2020
Verlede jaar plek 3de (214 punte)
Verstappen jaag hier vir Toro Rosso by die 2015 Maleisiese Grand Prix

Sy beste F1-seisoene sover was in 2017, toe hy twee wedrenne gewen het, die Maleisiese en Meksikaanse Grands Prix en in 2019, met oorwinnings in die Oostenrykse, Duitse en Brasiliaanse Grands Prix.

BiografieWysig

Max Verstappen is op 30 September 1997 in Hasselt, België, gebore.[3] Sy familie het lank 'n skakel met motorsport gehad: sy vader, Jos Verstappen, is 'n Nederlandse voormalige Formule 1-jaer, sy Belgiese moeder, Sophie Kumpen, was aktief en suksesvol in karting en as renjaer en sy kleinneef, Anthony Kumpen, is 'n Belgiese beroepsrenjaer. Verstappen woon sedert Oktober 2015 in Monaco maar sê dat dit nie om belastingredes is nie.[4]

Alhoewel Verstappen 'n Belgiese moeder het, hy gebore is en in België woonagtig was,[2] besluit hy om met 'n Nederlandse renlisensie mee te ding omdat hy "meer Hollands voel", meer tyd saam met sy pa deurgebring het as by sy moeder vanweë sy knortjor-aktiwiteite en was hy altyd omring deur Nederlanders toe hy in Maaseik, 'n Belgiese stad aan die Nederlandse grens, grootgeword het.[5] Verstappen het in 2015 gesê: "Ek het eintlik net in België gewoon om te slaap, maar bedags het ek na Nederland gegaan waar my vriende ook was. Ek is grootgemaak as 'n Nederlander en so voel ek ook".[2]

Vroeë loopbaanWysig

Verstappen het op vierjarige ouderdom met karting begin. Vanaf die ouderdom van sewe jaar mag hy aan kartingkompetisies deelneem. Op 15 Maart 2015 maak hy sy Formule 1-buiging in die Australiese Grand Prix vir Toro Rosso. Op die ouderdom van 17 jaar en 166 dae word hy die jongste debutant van alle tye in Formule 1. Hy het meer as 'n halwe seisoen aan Formule 1 deelgeneem voordat hy op sy 18de verjaardag sy rybewys verwerf het.[6]

Een seisoen later behaal hy sy eerste podiumplek in 'n GP op 15 Mei 2016 in diens van Red Bull Racing en wen die Spaanse Grand Prix. Hiermee word hy op die ouderdom van 18 jaar en 228 dae die jongste leier in 'n Grand Prix, die jongste bestuurder op die podium en die jongste wenner ooit van 'n Grand Prix.

Hy was ook die eerste Nederlandse wenner in Formule 1 en later die eerste Nederlander wat 'n voorste wegspringplek behaal het. Verstappen is die suksesvolste Nederlandse Formule 1-jaer ooit.

Vanweë die sukses van Max Verstappen in die Formule 1, het die openbare belangstelling in die sport in Nederland geweldig toegeneem. Dit het ook verseker dat Formule 1 sou terugkeer na die Zandvoort-renbaan.

VerwysingsWysig

  1. "Jos Verstappen over de nationaliteit van Max". f1today.net. 10 April 2015. Besoek op 15 Desember 2020.
  2. 2,0 2,1 2,2 GPfans.com. "Dit is waarom Max Verstappen niet onder de Belgische vlag rijdt" (in Nederlands). Besoek op 2020-11-02.
  3. "Drivers / Max Verstappen" (in Engels). ESPN F1. Besoek op 2 November 2020.
  4. "Latest Formula 1 Breaking News - Grandprix.com". www.grandprix.com. Besoek op 2020-11-02.
  5. Cornelissen, Marc (17 Augustus 2014). "Geen rijbewijs, wel in de F1" (in Nederlands). Het Nieuwsblad. Besoek op 2 November 2020.
  6. "Road legal at last! Verstappen passes driving test on 18th birthday". Formula 1® - The Official F1® Website (in Engels). Besoek op 2020-11-02.