Mbombela-stadion

Mbombela-stadion is 'n 43 500-sitplek stadion en was een van die tien stadions wat tydens die FIFA Sokker-Wêreldbekertoernooi in 2010 vir wedstryde gebruik is.[2] Dit is ses kilometers wes van Nelspruit in Mpumalanga, Suid-Afrika geleë.

Mbombela-stadion
Die Mbombela-stadion

Ligging Nelspruit, Suid-Afrika
Koördinate 25°27′40″S 30°55′44″O / 25.461°S 30.929°O / -25.461; 30.929Koördinate: 25°27′40″S 30°55′44″O / 25.461°S 30.929°O / -25.461; 30.929
Eienaar Mbombela-munisipaliteit
Kapasiteit 43 589[1]
Oppervlak Gras
Konstruksie
Eerste sooi gespit Februarie 2007
Geopen Oktober 2009
Boukoste R1.05 miljard
(USD$ 140 miljoen)
Argitek R&L Argitekte
Huurders
'n Sokkerwedstryd tussen Italië en Nieu-Seeland, 2010 FIFA Wêreldbeker.

Die stadion is na die stad vernoem, wie se amptelike naam deur die Suid-Afrikaanse regering in Oktober 2009 in Mbombela verander is.[3] Maar FIFA se 2010 Wêreldbeker-sokkertoernooi-webwerf het na die stad as Nelspruit verwys.

Die stadion is die middelpunt van 'n voorgestelde wyer sportsgebied met atletiek en krieket sowel as ander sportsoorte.

Die R1 050 miljoen se sportfasiliteite was gereed vir gebruik voor begin van die Wêreldbeker-sokkertoernooi in Junie 2010. Die stadion is moontlik gemaak deur befondsing van belastingbetalers.

Rugby by die Stadion wysig

Die Pumas is die vernaamste rugbyhuurders. Hulle speel al hul Curriebeker-wedstryde by die stadion, terwyl die meeste Vodacombeker- wedstryde by die Puma-stadion gespeel word.

Die stadion het sy eerste rugbywedstryd op 27 Augustus 2010 gehou. Die Pumas was gasheer vir die Blou Bulle in 'n 2010 Curriebeker-wedstryd. Pumas het met 22–21 gewen, terwyl hulle rustyd 10–11 agter was.

Die Pumas het weer van die stadion gebruik gemaak toe hulle die Westelike Provinsie op 17 September 2010 ontvang het. Die Westelike Provinsie het die wedstryd met 62–10 gewen.

Die land se nasionale span, die Springbokke, het op 15 Junie 2013 hul eerste wedstryd in die stadion teen Skotland gespeel.

Suid-Afrika het Wallis op 21 Junie 2014 by die stadion in die tweede toets van Wallis se 2014 Suid-Afrikaanse toer ontvang. Die Springbokke het die wedstryd 31–30 gewen.

Die Bokke het op 20 Augustus 2016 in die stadion teen Argentinië te staan ​​gekom. Die Springbokke het met 30-23 gewen.

Die eerste keer dat die All Blacks teen die Bokke in die Mbombela-stadion sou speel, was vir 26 September 2020 geskeduleer, maar die wedstryd is weens die COVID-19-pandemie gekanselleer. Die herskeduleerde wedstryd het op 6 Augustus 2022 plaasgevind, met Suid-Afrika wat 26-10 gewen het.

Wedstryde wysig

FIFA Sokker-Wêreldbekertoernooi in 2010 wysig

Hoofartikel: FIFA Sokker-Wêreldbekertoernooi in 2010.
Datum Tyd Span 1 Telling Span 2 Rondte Toeskouers
16 Junie 2010 13:30   Honduras 0–1   Chili Groep H 32 664
20 Junie 2010 16:00   Italië 1–1   Nieu-Seeland Groep F 38 229
23 Junie 2010 20:30   Australië 2–1   Serwië Groep D 37 836
25 Junie 2010 16:00   Noord-Korea 0–3   Ivoorkus Groep G 34 763

Afrikanasiesbeker 2013 wysig

Hoofartikel: Afrikanasiesbeker 2013.
Datum Tyd Span 1 Telling Span 2 Rondte Toeskouers
21 Januarie 2013 17:00   Zambië 1–1   Ethiopië Groep C 15 500
21 Januarie 2013 20:00   Nigerië 1–1   Burkina Faso Groep C 13 500
25 Januarie 2013 17:00   Zambië 1–1   Nigerië Groep C 25 000
25 Januarie 2013 20:00   Burkina Faso 4–0   Ethiopië Groep C 35 000
29 Januarie 2013 19:00   Zambië 0–0   Burkina Faso Groep C 8 000
30 Januarie 2013 18:30   Togo 1–1   Tunisië Groep D 7 500
3 Februarie 2013 18:30   Burkina Faso 1–0 (e.t.)   Togo Kwarteindronde 27 000
6 Februarie 2013 18:30   Burkina Faso 1–1 (3–2 n.S.)   Ghana Halfeindronde 30 000

Sien ook wysig

Verwysings wysig

  1. "Mbombela-stadion: die stadions vir die 2010 FIFA Wêreldbekertoernooi in Suid-Afrika" (in Engels). FIFA.com. Geargiveer vanaf die oorspronklike op 11 Januarie 2020. Besoek op 18 Mei 2010.
  2. "FIFA.com – A guide to all the stadiums to be used at the 2010 FIFA World Cup South Africa" (in Engels). FIFA.com. Geargiveer vanaf die oorspronklike op 4 Desember 2013. Besoek op 2 Desember 2011.
  3. "BusinessDay – Mashatile postpones name changes after 'technicality'" (in Engels). BusinessDay. Geargiveer vanaf die oorspronklike op 23 Julie 2012. Besoek op 11 Junie 2010.

Eksterne skakels wysig