Mia Farrow
Mia Farrow (op 9 Februarie 1945 gebore as María de Lourdes Villiers Farrow)[1][2] is ’n Amerikaanse aktrise, aktivis en voormalige model.
| Mia Farrow | |
| |
Farrow in 2012.
| |
| Geboortenaam | María de Lourdes Villiers Farrow |
|---|---|
| Geboorte | 9 Februarie 1945 Los Angeles, Kalifornië, Verenigde State |
| Nasionaliteit | Amerikaans |
| Beroep(e) | Aktrise |
| Aktiewe jare | 1959–tans |
| Internet-rolprentdatabasis-profiel | |
LoopbaanWysig
Sy het eerste aandag getrek in die TV-sepie Peyton Place en haar kort huwelik met Frank Sinatra. Vir haar spel as Rosemary in Roman Polanski se 1968-prent Rosemary's Baby is sy vir ’n Bafta en Golden Globe benoem. Sy het daarna ook in prente soos Secret Ceremony (1968), John and Mary (1969), Follow Me! (1972), The Great Gatsby (1974) en Death on the Nile (1978) verskyn.
Farrow was van 1980 tot 1992 in ’n verhouding met die akteur en regisseur Woody Allen. Sy het in dié tyd in 12 van sy 13 rolprente verskyn, onder meer Zelig (1983), Broadway Danny Rose (1984), The Purple Rose of Cairo (1985), Hannah and Her Sisters (1986), Crimes and Misdemeanors (1989) en Alice (1990). Haar laaste prente sluit in Widows' Peak (1994), The Omen (2006), Be Kind Rewind (2008), Dark Horse (2011) en die Arthur-reeks (2006–2010).
Sy het in meer as 50 rolprente verskyn en het talle pryse gewen, insluitende ’n Golden Globe (met nog sewe benoemings). Sy is ook vir drie Baftas benoem en het ’n prys vir beste aktrise gewen op die San Sebastian-rolprentfees.[3]
Farrow is ook bekend vir haar uitgebreide werk as ’n welwillendheidsambassadeur van Unicef. Sy is betrokke by humanitêre bedrywighede in Darfoer, Tsjad en die Sentraal-Afrikaanse Republiek. In 2008 het die tydskrif Time haar aangewys as een van die invloedrykste mense in die wêreld.[4]
VerwysingsWysig
- ↑ "Mia Farrow Biography" (in Engels). The Biography Channel. Geargiveer vanaf die oorspronklike op 21 Junie 2018. Besoek op 13 Januarie 2014.
- ↑ "Music – Mia Farrow" (in Engels). BBC. Geargiveer vanaf die oorspronklike op 26 Julie 2018. Besoek op 3 Maart 2014.
- ↑ Mia Farrow – Awards, imdb.com; besoek op 21 November 2014.
- ↑ Rusesabagina, Paul (12 Mei 2008). "Heroes & Pioneers: Mia Farrow". time.com (in Engels). Geargiveer vanaf die oorspronklike op 31 Oktober 2019. Besoek op 6 Oktober 2014.
Eksterne skakelsWysig
- Amptelike webtuiste Geargiveer 14 Oktober 2019 op Wayback Machine
- Mia Farrow in die Internet-rolprentdatabasis
- Mia Farrow in die Internet-Broadway-databasis
- Mia Farrow in die TCM-rolprentdatabasis
Wikimedia Commons het meer media in die kategorie Mia Farrow.
Hierdie artikel is vertaal uit die Engelse Wikipedia
