Molidae

Die Sonvisse (Molidae) is 'n vis-familie wat hoort tot die orde Tetraodontiformes. Daar is drie genera met vier of vyf spesies wat hoort tot dié familie en vier van die spesies kom aan die Suid-Afrikaanse kus voor.

Molidae
'n Sonvis (Mola mola).
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Molidae
Genera
Masturus Mola Ranzania Sien teks vir spesies.

Kenmerke

Die familie se lywe is lank ovaalvormig en lyk asof die agterkant stomp-af gesny is. Daar is nie werklik 'n stertvin nie. Die dorsale en anale vinne is lank en smal en daar is geen bekken vinne nie. Die grootte wissel van 80 cm tot 3 m. Hulle kom gewoonlik in die oop see voor, ver van land. Hulle eet hoofsaaklik planltonies jellievisse en ander see diertjies. Hulle verkies warmer waters.

Genus

Die volgende genus en gepaardgaande spesies kom aan die Suid-Afrikaanse kus voor:

• Mola

• Mola mola - Sonvis
• Mola ramsayi - Suidelike sonvis

Ander genera wat tot die familie hoort is:

• Masturus

• Masturus lanceolatus - Skerpstert-sonvis

• Ranzania

• Ranzania laevis - Rompvis

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakels

• Inligting oor Molidae op FishBase.org
• The Open Ocean Geargiveer 25 Junie 2014 op Wayback Machine MarineBio.org. Opgedateer: 28 Augustus 2011.