Epoulet soldaat

Die Epoulet soldaat (Myripristis kuntee) is 'n vis wat voorkom in die Indiese-Pasifiese area en aan die ooskus van Afrika tot by Durban. In Engels staan die vis bekend as die Epaulette soldier.

Epoulet soldaat
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Beryciformes
Familie:	Holocentridae
Genus:	Myripristis
Spesie:	M. kuntee
Binomiale naam
Myripristis kuntee Valenciennes, 1831

Identifikasie

Die vis word tot 20cm lank. Dit is lig gekleur met 'n pêrelagtige skynsel. Die skubbe is klein. Daar is 'n kenmerkende donker streep agter die kieu openinge. Die dorsale vinne se rante is geel. Die visse leef rotsagtige kusareas sowel as aflandige riwwe in water wat 2 tot 35m diep is.

Hulle leef in groepies saam wat bedags voor die openinge van grotte of naby skeure in die rots skuil. Snags breek die groep op en elkeen jag soöplankton.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bronne

• Coastal Fishes of Southern Africa. Phil & Elaine Heemstra. 2004. ISBN 1-920033-01-7
• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• Myripristis kuntee by Fishbase.