Neusstreep-anemoonvis

Die neusstreep-anemoonvis (Amphiprion akallopisos) is 'n vis wat voorkom aan die ooskus van Afrika vanaf Kenia tot by die Aliwal-bank. In Engels staan die vis bekend as die Nosestripe anemonefish.

Neusstreep-anemoonvis
Neusstreep-anemoonvis met ander ongeïdentifiseerde visse op 'n see-anemoon in Madagaskar.
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Labroidei
Familie:	Pomacentridae
Subfamilie:	Amphiprioninae
Genus:	Amphiprion
Spesie:	A. akallopisos
Binomiale naam
Amphiprion akallopisos (Bleeker, 1853)

Voorkoms

Die vis se kop en lyf is oranje. Daar is 'n wit streep wat vanaf die snoet oor die kop en dorsale vin strek tot by die stertvin. Die dorsale en stertvinne is wit terwyl die anale en pektorale vinne gelerig is. Die vis word tot 10 cm lank.

Habitat

Die vis verkies om te leef aan die buite rante van koraalriwwe in water wat 3 – 25 m diep is. Hulle vreet soöplankton en alge. Die visse is ook hermafrodiete. Die visse kom in kleiner skole voor waarin daar 'n dominante wyfie en een volwasse en 'n klomp onvolwasse mannetjies is. Indien die wyfie iets sou oorkom verander die volwasse mannetjie van geslag en neem die wyfie se plek in. Een van die groter onvolwasse visse neem weer die mannetjie se plek in. Die anemoonvisse word immuun teen seeanemone se gif.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• Amphiprion akallopisos by FishBase