Oranjerand-kurper

visspesie

Die oranjerand-kurper (Chetia brevis) is 'n vis wat voorkom in die Komatirivierstelsel in Mpumalanga en kusmere in Mosambiek. Die vis word tot 150 mm lank en staan in Engels bekend as Orange-fringed river bream.

Oranjerand-kurper
Wetenskaplike klassifikasie
Domein:
Koninkryk:
Filum:
Subfilum:
Infrafilum:
Superklas:
Klas:
Subklas:
Infraklas:
Superorde:
Orde:
Familie:
Subfamilie:
Tribus:
Genus:
Spesie:
C. brevis
Binomiale naam
Chetia brevis
Jubb, 1968

Voorkoms wysig

Die vis het 'n groot kop en bek en is olyfbruin. Die sye is turkoois en die skubbe se basisse is baksteenrooi. Die onderkant van die vis is wit en daar is 8–9 donker, vertikale bane op die lyf. Die dorsale vin het oranje kolle op en die rante is ook oranje. Op die stertvin is daar oranje blokkies en die rant is ook oranje. Die mannetjie se anale vin het groot oranje kolle op wat in twee rye gerangskik is. Die vis word tot 150 mm lank.

Habitat wysig

Die vis leef in poele of staande water en floreer in beskutte water. Hulle vreet waterinsekte en klein vissies. Die vis is 'n mondbroeier, die wyfie dra die eiers en larwes in haar mond rond.

Bewaringstatus wysig

Die vis word bedreig weens besoedeling en waterontrekking. Die vis is suksesvol hervestig in die damme van die Krugerwildtuin.

Sien ook wysig

Bron wysig

Eksterne skakel wysig

 
Wikispecies
Wikispecies het meer inligting oor: Chetia brevis