Ostraciidae

Die Koffervisse en Koeivisse (Ostraciidae) is 'n vis-familie wat hoort tot die orde Tetraodontiformes. Daar is ongeveer veertien genera met vier en dertig spesies wat hoort tot dié familie en 10 van die spesies kom aan die Suid-Afrikaanse kus voor.

Ostraciidae
Acanthostracion polygonius.
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Ostraciidae
Genera
Sien teks.

Kenmerke

Die familie se liggaam is bedek met 'n harde laag bekend as 'n karapaks. Daar is slegs gate vir die oë, mond, kieue, neus, anus en vinne in die karapaks. Die grootte wissel van 15 – 46 cm. Die familie verkies om in rots en koraalriwwe te leef tot op dieptes van 90 m. Hulle is omnivore en eet onder andere slakke, skaaldiere, sponse, wurms en alge. Wanneer die vis bedreig raak skei die familie 'n toksien af. As gevolg hiervan kan die familie nie in akwariums aangehou word nie.

Genera

Die volgende genera en spesies kom aan die Suid-Afrikaanse kus voor:

• Lactoria

• Lactoria cornuta - Langhoring-koeivis
• Lactoria diaphana - Stekel-koeivis
• Lactoria fornasini - Rugstekel-koeivis

• Ostracion

• Ostracion cubicus - Koffervis
• Ostracion meleagris - Witspikkel-koffervis

• 
  Koffervis (Ostracion cubicus)
• 
  Lactophrys bicaudalis
• 
  Lactoria fornasini
• 
  Lactophrys triqueter

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7