Harlekynvylvis

Die Harlekynvylvis (Oxymonacanthus longirostris) is 'n vis wat voorkom in die westelike Stille Oseaan, die Indiese Oseaan en aan die ooskus van Afrika suidwaarts tot by die noorde van KwaZulu-Natal. In Engels staan die vis bekend as die Longnose filefish. Die vis kan maklik verwar word met die Rooiseeharlekynvylvis (Oxymonacanthus halli).

Harlekynvylvis
Bewaringstatus
Kwesbaar  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Monacanthidae
Genus:	Oxymonacanthus
Spesie:	O. longirostris
Binomiale naam
Oxymonacanthus longirostris (Bloch & J. G. Schneider, 1801)

Identifikasie

Die vis word tot 10 cm lank. Die vis het 'n slanke lyf met 'n gepunte snoet en 'n bek wat opwaarts wys. Die lyf is groen en vol oranje kolle terwyl daar 'n oranje streep oor die snoet is. Daar is ook 'n swart kol op die stertvin.

Die vis leef in vlak koraalriwwe en tropiese strandmere waar die korale welig groei. Hulle word gevind in water wat 1 tot 30 m diep is. Die onvolwasse visse leef in groepe saam en die volwasse visse in pare. Hulle vreet poliepe.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• https://www.fishbase.de/summary/Oxymonacanthus-longirostris.html