Swartsaal-nabootser
Die Swartsaal-nabootser (Paraluteres prionurus) is 'n vis wat voorkom in die Indiese-Pasifiese area, die Rooisee en aan die ooskus van Afrika van Oman tot by die Aliwal-bank. Die onvolwasse vissies is al by Algoabaai opgemerk. In Engels staan die vis bekend as die Blacksaddle mimic.
| Swartsaal-nabootser | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | P. prionurus
|
| Binomiale naam | |
| Paraluteres prionurus (Bleeker, 1851)
| |
Voorkoms
wysigDie vis se kop en lyf is bleekwit met drie prominente strepe wat soos saals oor die rugkant strek. Die oë is verbind met 'n swart band. Op die kop en die middel van die lyf is daar ligter kolletjies en die stertvin is geel en bolrond. Die vis word tot 11 cm groot.
Habitat
wysigDie vis leef in koraal- en rots riwwe in water wat tot 30 m diep is en eet onder andere skaaldiere, sponse, wurms, slakke en koraal.
Gewoonte
wysigDie vis het sy naam gekry weens die feit dat hy, wanneer hy swem, die dorsale en anale vinne invou om die Modeltobie (Canthigaster valentini) na te maak. Omrede die roofvisse weet dat die Model-tobie giftig is maak die Swartsaal-nabootser hom na om die roofvisse te ontduik.
Sien ook
wysigBron
wysig- Coastal Fishes of Southern Africa. Phil & Elaine Heemstra. 2004. ISBN 1-920033-01-7
