Rosige sandspiering

Die rosige sandspiering (Parapercis schauinslandii) is 'n vis wat in die Indiese- en Stille Oseaan-area voorkom en ook aan die ooskus van Afrika suidwaarts tot by die suide van KwaZulu-Natal. In Engels staan die vis as die Rosy sandperch bekend.

Rosige sandspiering
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Pinguipedidae
Spesie:	P. schauinslandii
Binomiale naam
Parapercis schauinslandii (Steindachner, 1900)

Identifikasie

Die vis word tot 14 cm lank. Hierdie spesie se kleurpatroon varieer. Dit is gewoonlik witterig met twee rye breë, rooi tot bruin strepe oor die lyf, bo en onder die sylyn. Partykeer is die twee rye strepe aan mekaar verbind deur 'n rooierige lyn. Daar is ook twee donkerrooi kolletjies op die basis van die stertvin, regbo mekaar. Die rugvin is swart met 'n rooi rand. Die volwasse mannetjie se stertvinne is holrond.

Die vis leef in baaie, hawens en aflandige riwwe in water wat 3 tot 50 m diep is. Hulle verkies oop, sand- en rotsrommelbodems. Hulle is gewoonlik alleenlopers. Dit is die enigste sandspierinkie wat bo die riwwe swem saam met see-goudvissies om soöplankton te vreet. Hulle vreet ook klein ongewerweldes. Hierdie spesie is seldsaam.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• https://www.fishbase.de/summary/Parapercis-schauinslandii.html