Gordel-nooientjie

Die Gordel-nooientjie (Plectroglyphidodon leucozonus) is 'n vis wat voorkom in die Indiese-Pasifiese area, die Rooisee en aan die ooskus van Afrika van Oman tot by Oos-Londen. Enkelinge is ook al by Knysna gevind. In Engels staan die vis bekend as die Sash damsel.

Gordel-nooientjie
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Pomacentridae
Genus:	Plectroglyphidodon (Fowler i Ball, 1924)
Spesie:	P. leucozonus
Binomiale naam
Plectroglyphidodon leucozonus (Bleeker, 1859)
Sinonieme
Abudefduf leucozona (Bleeker, 1859) Abudefduf leucozonus (Bleeker, 1859)

Voorkoms

Die vis se kop en lyf is geel bruin en die skubbe se rante is donkerder. Daar is 'n wit vertikale baan oor die vis se sye wat mag verdwyn soos die vis ouer word. Daar is 'n swart kol by die basis van die pektorale vinne. Die boonste punt van die stert is meestal wit. Die onvolwasse visse het swart kolle agter, onder die dorsale vin. Die vis word tot 12 cm groot.

Habitat

Die vis verkies om in rots strande en riwwe te leef in water wat tot 4 m diep is. Die onvolwasse vissies bly in getypoele. Die visse is territoriaal van aard.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Plectroglyphidodon-leucozonus.html