Streep-baberpaling

Die Streep-baberpaling (Plotosus lineatus) is 'n vis wat voorkom in die tropiese en warm water van die Indiese-Pasifiese area en aan die ooskus van Afrika vanaf die Rooisee tot by KwaZulu-Natal. In Engels staan die vis bekend as die Striped eel-catfish.

Streep-baberpaling
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Siluriformes
Familie:	Plotosidae (Bleeker, 1858)
Genus:	Plotosus (Lacépède, 1803)
Spesie:	P. lineatus
Binomiale naam
Plotosus lineatus (Thunb., 1787)

Voorkoms

Die vis se lyf en kop is bruin of swart van kleur met twee parallelle wit strepe van die kop tot by die stert. Die onderkant van die kop en lyf is wit. Die strepe verdof soos die vis verouder. Daar is vier pare baarde om die mond en die vis word tot 32 cm groot.

Habitat

Die vis leef in riwwe naby die kus, die kus self, getypoele en soms in riviermondings. Hulle is ovipaar en vreet bodem skaaldiere, alge, slakke en vis. Die jong onvolwasse vissies leef in 'n kompakte skool saam terwyl die ouer onvolwassenes in minder digte skole leef maar onmiddellik dig saamgroepeer indien roofvisse verskyn. Die vinne se strale is giftig.

• 
  Streep-baberpalings in Indonesië.
• 
  'n Skool Streep-baberpalings.
• 
  Streep-baberpalings in 'n akwarium in San Francisco.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Plotosus-lineatus.html