Oos-Kaapse rooivlerkie

Die Oos-Kaapse rooivlerkie (Pseudobarbus afer) is 'n varswatervis wat voorkom in die kusriviere tussen Mosselbaai en Algoabaai. In Engels staan die vis bekend as die Eastern cape redfin.

Oos-Kaapse rooivlerkie
Bewaringstatus
Byna bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Pseudobarbus
Spesie:	P. afer
Binomiale naam
Pseudobarbus afer (W. K. H. Peters, 1864)

Voorkoms

Die vis het 'n enkel paar baarde om die bek. Broeiende mannetjies het groot koniese tuberkels op die kop - gewoonlik 3-4 weerskante van die snoet en die vinne word rooierig. Die vis is olyfbruin aan die bokant en silwer of romerig wit aan die onderkant. Die kieuedeksels is goudbruin en daar is 'n horisontale, nou, donker band oor die lyf en daar is onreëlmatige kolletjies voor die dorsale vin. Die vis word tot 110 mm lank.

Habitat

Die vis leef in helder rotspoele. Die onvolwasse en jong vissies leef in skole saam en die volwasse visse in klein groepies saam. Hulle is omnivore en vreet hoofsaaklik bodemalge en klein ongewerweldes. Hulle broei in die somer. Baars is 'n bedreiging vir die vis.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• Pseudobarbus afer by FishBase