Rimpel-klipvis

Die rimpel-klipvis (Pavoclinus laurentii) is 'n vis wat endemies is aan Suid-Afrika. Dit kom voor vanaf die Oos-Kaap tot by die suide van Mosambiek. In Engels staan die vis bekend as die Rippled klipfish.

Rimpel-klipvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Blennioidei
Familie:	Clinidae
Genus:	Pavoclinus
Spesie:	P. laurentii
Binomiale naam
Pavoclinus laurentii (Gilchrist & W. W. Thompson, 1908)
Sinonieme
Clinus laurentii Gilchrist & W. W. Thompson, 1908 Labroclinus laurentii (Gilchrist & W. W. Thompson, 1908)

Identifikasie

Die vis word tot 13 cm lank en die vis se kleur kan ook varieer. Hulle is gewoonlik rooibruin, groen, grys groen en pienkerig. Die kleure is dof en daar is 7 tot 8 getande, gebroke breë strepe wat horisontaal oor die lyf strek, dit kom ook op die dorsalevin voor. Daar is klein, ligte kolletjies op die onderkant. Daar is 'n diep keep tussen die derde en vierde dorsale stekels.

Hulle leef in die rots kusareas en tussengetypoele wat baie seegras bevat in water wat 0.5 tot 2 m diep is. Hulle skuil gewoonlik in die seegras en is moeilik om te sien. Die klipvis is alleenlopers en kom ook soms in pare voor. Hulle vreet ongewerweldes.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/Pavoclinus-laurentii.html